UP CM Yogi's Controversial Remarks on Muharram Celebrations

മുഹറം ആഘോഷത്തെക്കുറിച്ച് വിവാദ പരാമർശവുമായി ഉത്തർപ്രദേശ് മുഖ്യമന്ത്രി യോഗി ആദിത്യനാഥ് രംഗത്തെത്തി. സർക്കാർ നിയമങ്ങൾ അനുസരിച്ച് ആഘോഷിക്കാൻ കഴിയില്ലെങ്കിൽ വീട്ടിൽ ഇരിക്കണമെന്നാണ് അദ്ദേഹത്തിന്റെ പരാമർശം. ഇന്നലെ നടന്ന ഉത്തർപ്രദേശ് ബിജെപി പ്രവർത്തക സമ്മേളനത്തിലാണ് യോഗി ഈ നിലപാട് വ്യക്തമാക്കിയത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പണ്ട് മുഹറം ആഘോഷത്തിന്റെ ഭാഗമായി താസിയയുടെ പേരിൽ പാവപ്പെട്ടവരുടെ വീടുകൾ പൊളിച്ചു കളയുകയും മരങ്ങൾ നശിപ്പിക്കുകയും ചെയ്തിരുന്നതായി അദ്ദേഹം ചൂണ്ടിക്കാട്ടി. ഇന്ന് മുഹറം ആഘോഷിക്കുന്നത് പോലും അറിയുന്നില്ലെന്നും ആഘോഷിക്കണമെങ്കിൽ സർക്കാർ പറയുന്ന നിയമങ്ങൾ കേട്ട് ആഘോഷിക്കണമെന്നും യോഗി ആദിത്യനാഥ് പറഞ്ഞു. അതേസമയം, കഴിഞ്ഞ ദിവസം മുഹറം ഘോഷയാത്രയ്ക്കിടയിൽ പലസ്തീൻ കൊടി വീശിയ യുവാവിനെ യുപി പൊലീസ് അറസ്റ്റ് ചെയ്തിരുന്നു.

ഉത്തർപ്രദേശിലെ ഭദോഹിയിൽ നടന്ന മുഹറം ഘോഷയാത്രയിലായിരുന്നു യുവാവിന്റെ പലസ്തീൻ കൊടി വീശലും മുദ്രാവാക്യം മുഴക്കലും. സംഭവത്തിൽ യുവാവിനെ ഉടനെ അറസ്റ്റ് ചെയ്ത് പൊലീസ് കസ്റ്റഡിയിൽ വച്ചു. മറ്റു രണ്ട് പേർക്കെതിരെ കേസെടുക്കുകയും ചെയ്തിരുന്നു.

കമൽ ഹാസൻ രാജ്യസഭാ എം.പി.യായി സത്യപ്രതിജ്ഞ ചെയ്തു

ചിലർ മുഹറം ഘോഷയാത്രയ്ക്കിടെ ഉച്ചത്തിൽ പലസ്തീൻ മുദ്രാവാക്യം മുഴക്കുകയും ചെയ്തിരുന്നു. ചില യുവാക്കൾ മുൻകൂട്ടി അനുമതി വാങ്ങാതെ ദേശീയ പാതയിൽ മുഹറം ഘോഷയാത്ര നടത്തിയിരുന്നു. ഇവർക്കെതിരെയും പൊലീസ് നടപടിയെടുത്തിരുന്നു.

ഉത്തർപ്രദേശിൽ 8 മാസം പ്രായമുള്ള കുഞ്ഞിനെ തലകീഴായി തൂക്കി അച്ഛൻ; காரணம் സ്ത്രീധനം