ഇന്ത്യൻ പുരുഷ ക്രിക്കറ്റ് ടീമിന്റെ പുതിയ മുഖ്യപരിശീലകനായി നിയമിതനായ ഗൗതം ഗംഭീർ തന്റെ ആദ്യ പ്രതികരണം പങ്കുവച്ചു. എക്സിൽ പോസ്റ്റ് ചെയ്ത കുറിപ്പിൽ, ഇന്ത്യയാണ് തന്റെ സ്വത്വമെന്നും രാജ്യത്തെ സേവിക്കാൻ കഴിയുന്നത് ജീവിതത്തിലെ ഏറ്റവും വലിയ ബഹുമതിയാണെന്നും അദ്ദേഹം പറഞ്ഞു.
തൊപ്പി വ്യത്യസ്തമാണെങ്കിലും തിരിച്ചുവരാനായതിൽ അഭിമാനിക്കുന്നുവെന്ന് ഗംഭീർ വ്യക്തമാക്കി. തന്റെ ലക്ഷ്യം എല്ലാ ഇന്ത്യക്കാർക്കും അഭിമാനമാകുക എന്നതാണെന്നും അദ്ദേഹം കൂട്ടിച്ചേർത്തു. കുറിപ്പിനൊപ്പം ത്രിവർണപതാകയുടെ ചിത്രവും അദ്ദേഹം പങ്കുവച്ചു.
1.4 ബില്യൺ ഇന്ത്യക്കാരുടെ സ്വപ്നങ്ങൾ നീലപ്പടയുടെ ചുമലിലാണെന്ന് ഗംഭീർ പറഞ്ഞു. ഈ സ്വപ്നങ്ങൾ സാക്ഷാത്കരിക്കാൻ തന്റെ കഴിവിന്റെ പരമാവധി ശ്രമിക്കുമെന്നും അദ്ദേഹം ഉറപ്പുനൽകി. ഇന്ത്യൻ ക്രിക്കറ്റ് ടീമിനെ പുതിയ ഉയരങ്ങളിലേക്ക് നയിക്കാനുള്ള തന്റെ പ്രതിജ്ഞാബദ്ധത ഗംഭീർ വ്യക്തമാക്കി.
