യൂറോ കപ്പ് ക്വാർട്ടർ ഫൈനലിൽ ഇംഗ്ലണ്ട് സ്വിറ്റ്സർലാൻഡിനെ പെനാൽറ്റി ഷൂട്ടൗട്ടിൽ 5-4 എന്ന സ്കോറിന് പരാജയപ്പെടുത്തി സെമി ഫൈനലിൽ പ്രവേശിച്ചു. നിശ്ചിത സമയത്തും അധിക സമയത്തും 1-1 എന്ന സ്കോറിൽ സമനില പാലിച്ച മത്സരമാണ് ഷൂട്ടൗട്ടിലേക്ക് നീണ്ടത്.
മത്സരത്തിൽ ആദ്യം ലീഡ് നേടിയത് സ്വിറ്റ്സർലാൻഡ് ആയിരുന്നു. രണ്ടാം പകുതി തുടങ്ങി 75-ാം മിനിറ്റിൽ മൊണാകോ അറ്റാക്കറായ ബ്രീൽ എംബോല വലതു വിങ്ങിൽ നിന്നുള്ള ക്രോസിൽ ഗോൾ നേടി. എന്നാൽ 80-ാം മിനിറ്റിൽ ബുകായ സാക വലതു പാർശ്വത്തിൽ നിന്ന് തൊടുത്ത ഷോട്ടിലൂടെ ഇംഗ്ലണ്ട് സമനില പിടിച്ചു. തുടർന്ന് ഇരു ടീമുകളും ലീഡ് നേടാൻ ശ്രമിച്ചെങ്കിലും വിജയിച്ചില്ല.
പെനാൽറ്റി ഷൂട്ടൗട്ടിൽ കോൾ പാമർ, ജൂഡ് ബെല്ലിങ്ങാം, ബുകായോ സാക, ഇവാൻ ടോനി, ട്രെന്റ് അലക്സാണ്ടർ എന്നിവർ ഇംഗ്ലണ്ടിനായി ലക്ഷ്യം കണ്ടു. സ്വിറ്റ്സർലാൻഡിനായി ഫാബിയൻ ഷാർ, ഷെർദാൻ ഷാക്കിരി, സെക്കി അംദോനി എന്നിവർ ഗോൾ നേടി. ഈ വിജയത്തോടെ പെനാൽറ്റി ഷൂട്ടൗട്ടിൽ പരാജയപ്പെടുന്നവർ എന്ന ചീത്തപ്പേര് മാറ്റാനും ഇംഗ്ലണ്ടിന് സാധിച്ചു.
