Black magic items found at K Sudhakaran's home in Kannur

കെപിസിസി അധ്യക്ഷൻ കെ സുധാകരന്റെ കണ്ണൂർ നാടാലിലെ വീട്ടിൽനിന്ന് കൂടോത്ര അവശിഷ്ടങ്ങളെന്ന് സംശയിക്കുന്ന സാധനങ്ങൾ കണ്ടെത്തി. കാസർകോട് എംപി രാജ്മോഹൻ ഉണ്ണിത്താനും കെ സുധാകരനും സാന്നിധ്യത്തിൽ ആത്മീയ ആചാര്യനാണ് കൂടോത്രം പുറത്തെടുത്തത്. ഉണ്ണിത്താന്റെ നിർദേശപ്രകാരം മൂന്നുമാസം മുൻപ് നടത്തിയ പരിശോധനയിലാണ് വീടിന് സമീപത്ത് കുഴിച്ചിട്ട രൂപങ്ങളും തകിടുകളും കണ്ടെടുത്തത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

തുടർച്ചയായി ആരോഗ്യപ്രശ്നങ്ങൾ വേട്ടയാടിയ സുധാകരനോട് കൂടോത്ര സംശയം പങ്കുവെച്ചത് ഉണ്ണിത്താനായിരുന്നു. പിന്നാലെ ഉണ്ണിത്താൻ തന്നെ എത്തിച്ച ആത്മീയ ആചാര്യന്റെ പരിശോധന നടന്നു. വീടിന്റെ കന്നിമൂലയിൽ കുഴിച്ചിട്ട നിലയിൽ തെയ്യത്തിന്റെ മാതൃകയിലുള്ള രൂപവും തകിടുകളും കണ്ടെത്തി.

ഈ ഘട്ടത്തിലെ ഇരുവരുടെയും ശബ്ദസംഭാഷണങ്ങളും പുറത്തുവന്നു. പിന്നീടും സുധാകരന് ആരോഗ്യപ്രശ്നങ്ങൾ തുടർന്നതോടെ ഉണ്ണിത്താൻ ആത്മീയ ആചാര്യനെ വീണ്ടും എത്തിച്ചു. തിരുവനന്തപുരത്തെ വസതിയിൽ നിന്നും സമാന തകിടുകളിൽ കണ്ടെത്തി.

വിശ്വാസമായാലും അന്ധവിശ്വാസമായാലും കൂടോത്രം ചില്ലറ പൊല്ലപ്പല്ല ഉണ്ടാക്കിയത്. കോൺഗ്രസ് നടപടിയെടുത്ത ബാലകൃഷ്ണൻ പെരിയരയുടെ ദുർമന്ത്രവാദ ആരോപണത്തിന് പിന്നാലെയാണ് ദൃശ്യങ്ങൾ പുറത്തുവന്നിരിക്കുന്നത്.

നേപ്പാളിൽ സംഘർഷം: മാധ്യമപ്രവർത്തകൻ ഉൾപ്പെടെ രണ്ട് പേർ കൊല്ലപ്പെട്ടു

വീണ വിജയൻ മാസപ്പടി കേസ്: മുഖ്യമന്ത്രി രാജിവയ്ക്കണമെന്ന് കെ. സുധാകരൻ