കേരള സർക്കാർ ഐപിഎസ് ഉദ്യോഗസ്ഥരുടെ നിയമനത്തിൽ വ്യാപകമായ മാറ്റങ്ങൾ വരുത്തി. സ്പർജൻ കുമാറിനെ തിരുവനന്തപുരം സിറ്റി പൊലീസ് കമ്മിഷണറായി നിയമിച്ചതാണ് പ്രധാന മാറ്റങ്ളിലൊന്ന്. നിലവിലെ കമ്മീഷണർ സിഎച്ച് നാഗരാജുവിനെ പൊലീസ് ഹൗസിങ് ആൻഡ് കോർപ്പറേഷൻ സിഎംഡി ആയി മാറ്റി.
സ്പർജൻ കുമാറിന് ദക്ഷിണ മേഖല ഐജിയുടെ ചുമതലയും നൽകി. മനുഷ്യാവകാശ കമ്മിഷൻ ഡിജിപിയായി സഞ്ജീബ് കുമാർ പട്ജോഷിയെ നിയമിച്ചു. സ്പെഷ്യൽ ബ്രാഞ്ച് ടെക്നിക്കൽ ഇന്റലിജൻസ് എസ്പിയായി അങ്കിത് അശോകനെ നിയമിച്ചു. തൃശൂർ പൂര നടത്തിപ്പിലെ പോലീസ് വീഴ്ച്ചയ്ക്ക് പിന്നാലെയാണ് അങ്കിത്തിനെ സ്ഥലം മാറ്റിയത്.
വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here
സതീഷ് ബിനോയെ പൊലീസ് ആസ്ഥാന ഡിഐജിയായി നിയമിച്ചു. പി പ്രകാശിനെ മനുഷ്യാവകാശ കമ്മീഷനിൽ നിന്നും കോഴിക്കോട് ക്രൈം ബ്രാഞ്ചിലേക്ക് മാറ്റി. ഈ മാറ്റങ്ങൾ പൊലീസ് സേനയുടെ പ്രവർത്തനത്തിൽ പുതിയ ഊർജ്ജം പകരുമെന്ന് പ്രതീക്ഷിക്കുന്നു.
