അമ്മ സംഘടനയുടെ ജനറൽ സെക്രട്ടറി സ്ഥാനത്തു നിന്ന് വിരമിച്ച ഇടവേള ബാബുവിനെക്കുറിച്ച് നടി ലക്ഷ്മി പ്രിയ വികാരനിർഭരമായ കുറിപ്പ് പങ്കുവച്ചു. സമൂഹമാധ്യമങ്ങളിൽ ബാബുവിനെതിരെ വിമർശനങ്ങൾ ഉയർന്നപ്പോൾ താനടക്കം ആരും അദ്ദേഹത്തിനു വേണ്ടി ശബ്ദമുയർത്തിയില്ലെന്ന് ലക്ഷ്മി പ്രിയ കുറ്റബോധത്തോടെ പറഞ്ഞു.
ഇരുപത്തിയഞ്ച് വർഷം അമ്മയുടെ ജനറൽ സെക്രട്ടറിയായിരുന്ന ബാബുവിന്റെ അധ്വാനവും ബുദ്ധിയും ക്ഷമയും ദീർഘവീക്ഷണവും കൊണ്ടാണ് സംഘടന ഇന്നത്തെ നിലയിൽ എത്തിയതെന്ന് അവർ അഭിപ്രായപ്പെട്ടു. പെൻഷൻ, ആരോഗ്യ ഇൻഷുറൻസ്, വിദ്യാഭ്യാസ സഹായം, വീട് നിർമ്മാണം തുടങ്ങി നിരവധി ക്ഷേമപ്രവർത്തനങ്ങൾ അമ്മ നടത്തുന്നുണ്ടെന്നും അവർ ചൂണ്ടിക്കാട്ടി. സംഘടനയുടെ പ്രവർത്തനങ്ങൾ മുടങ്ങാതെ നടത്തിയത് ബാബുവിന്റെ കഠിനാധ്വാനം കൊണ്ടാണെന്നും ലക്ഷ്മി പ്രിയ പറഞ്ഞു.
വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here
