ലോകകപ്പ് ഫൈനലിലെ വിജയത്തിനു ശേഷം ബാർബഡോസ് പിച്ചിൽ നിന്ന് മണ്ണ് രുചിച്ചു നോക്കിയ ഇന്ത്യൻ ക്യാപ്റ്റൻ രോഹിത് ശർമ്മയുടെ പ്രവൃത്തി സോഷ്യൽ മീഡിയയിൽ വൈറലായിരുന്നു. ഈ സംഭവത്തെക്കുറിച്ച് രോഹിത് തന്നെ പ്രതികരിച്ചിരിക്കുകയാണ്. ആ നിമിഷം അനുഭവിക്കുക മാത്രമാണ് താൻ ചെയ്തതെന്നും, മുൻകൂട്ടി ഒന്നും തീരുമാനിച്ചിരുന്നില്ലെന്നും അദ്ദേഹം വ്യക്തമാക്കി.
ലോകകപ്പ് സമ്മാനിച്ച പ്രത്യേക പിച്ചിന്റെ ഒരു ഭാഗം തന്നോടൊപ്പം എപ്പോഴും സൂക്ഷിക്കണമെന്ന ആഗ്രഹമാണ് ആ പ്രവൃത്തിക്ക് പിന്നിലെന്ന് രോഹിത് പറഞ്ഞു. ആ ഗ്രൗണ്ടും പിച്ചും ജീവിതകാലം മുഴുവൻ തന്റെ ഓർമ്മയിലുണ്ടാകുമെന്നും, അതുകൊണ്ടാണ് അതിന്റെ ഒരു ഭാഗം തന്നോടൊപ്പം സൂക്ഷിക്കാൻ ആഗ്രഹിച്ചതെന്നും അദ്ദേഹം കൂട്ടിച്ചേർത്തു. ബിസിസിഐ പോസ്റ്റ് ചെയ്ത വീഡിയോയിലാണ് രോഹിത് ഇക്കാര്യങ്ങൾ വെളിപ്പെടുത്തിയത്.
വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here
