കോയമ്പത്തൂർ സ്വദേശിയായ യുവാവിനെ പൊലീസ് രക്ഷിച്ചു. വാളയാർ മേഖലയിലെ വനപ്രദേശത്തിനു സമീപം ട്രെയിനിൽ നിന്ന് വീണ പ്രദീപിനെ കണ്ടെത്താൻ പൊലീസ് രണ്ടു കിലോമീറ്റർ ദൂരം തിരച്ചിൽ നടത്തി. ചെന്നൈ-തിരുവനന്തപുരം എക്സ്പ്രസിൽ യാത്ര ചെയ്യുന്നതിനിടെയാണ് അപകടം സംഭവിച്ചത്. സഹയാത്രക്കാർ വിവരമറിയിച്ചതിനെ തുടർന്ന് ഒലവക്കോട് റെയിൽവേ പൊലീസിലെ എഎസ്ഐ കൃഷ്ണകുമാർ, എസ്സിപിഒ വിനു, പ്രമോദ് എന്നിവർ ചേർന്നാണ് യുവാവിനെ രക്ഷപ്പെടുത്തിയത്. പിന്നീട് പാലക്കാട് ജില്ലാ ആശുപത്രിയിൽ പ്രവേശിപ്പിച്ചു.
