ഗയാനയിൽ വീണ്ടും മഴ പെയ്തതോടെ ടി20 ലോക കപ്പിലെ ഇന്ത്യ-ഇംഗ്ലണ്ട് സെമിഫൈനൽ മത്സരം നിർത്തിവയ്ക്കേണ്ടി വന്നു. എട്ട് ഓവർ പൂർത്തിയാക്കിയ ശേഷമാണ് കളി നിർത്തിയത്. നേരത്തെ മഴ കാരണം ഒരു മണിക്കൂർ വൈകിയാണ് മത്സരം ആരംഭിച്ചത്. ടോസ് നേടിയ ഇംഗ്ലണ്ട് ഇന്ത്യയെ ബാറ്റിംഗിന് അയച്ചു. രോഹിത് ശർമ്മയും വിരാട് കോഹ്‌ലിയും ഓപ്പണർമാരായി ഇറങ്ങി.
വിരാട് കോഹ്‌ലി ഒമ്പത് റൺസെടുത്ത് പുറത്തായി. ഋഷഭ് പന്ത് നാല് റൺസിന് മടങ്ങി. രണ്ട് വിക്കറ്റ് നഷ്ടത്തിൽ 65 റൺസെടുത്ത് നിൽക്കെയാണ് മഴ വീണ്ടും എത്തിയത്. സൂര്യകുമാർ യാദവും ക്യാപ്റ്റൻ രോഹിത് ശർമ്മയും ചേർന്ന് സ്കോർ ഉയർത്തുന്നതിനിടെയാണ് കളി നിർത്തേണ്ടി വന്നത്. മഴ കാരണം മത്സരം പലതവണ തടസ്സപ്പെട്ടതോടെ ആരാധകർ നിരാശരായി. എന്നാൽ കാലാവസ്ഥ മെച്ചപ്പെട്ടാൽ മത്സരം പുനരാരംഭിക്കാൻ സാധ്യതയുണ്ട്.
വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here
