മലയാളി പ്രേക്ഷകർ ആകാംക്ഷയോടെ കാത്തിരിക്കുന്ന ചിത്രമാണ് മരക്കാർ അറബിക്കടലിൻറെ സിംഹം.
ചിത്രത്തിൻറെ റിലീസുമായി ബന്ധപ്പെട്ട് നിർമ്മാതാവ് ആൻറണി പെരുമ്പാവൂർ ആമസോണുമായി ചർച്ച നടത്തിയതായി വ്യക്തമാക്കി.
മോഹൻലാലിനെ കേന്ദ്രകഥാപാത്രമാക്കി പ്രിയദർശൻ ഒരുക്കുന്ന ചിത്രം ക്രിസ്മസ് റിലീസായാണ് പ്രേക്ഷകരിൽ എത്തുന്നത്.
100 കോടിയാണ് ചിത്രത്തിൻറെ ബജറ്റ്.കോവിഡ് കാരണം രണ്ടുതവണ ചിത്രത്തിൻറെ റിലീസ് മാറ്റിവയ്ക്കുകയായിരുന്നു.
ഒരിടവേളയ്ക്കുശേഷം തിയേറ്ററുകൾ തുറക്കുമ്പോൾ 50 ശതമാനം പേർക്ക് മാത്രമാണ് പ്രവേശിക്കാനാവുന്നത്.
ആശിർവാദ് സിനിമാസിൻറെ ബാനറിൽ നിർമിക്കുന്ന ചിത്രം തൻറെ ജീവിതത്തിലെ ഏറ്റവും ചിലവേറിയ ഒന്നാണെന്ന് പ്രിയദർശൻ വ്യക്തമാക്കി.
മലയാളത്തിനു പുറമെ ഹിന്ദി, തെലുങ്ക്, തമിഴ് ,കന്നഡ എന്നീ ഭാഷകളിലും ചിത്രം റിലീസ് ചെയ്യും.
മഞ്ജു വാര്യർ ,സുനിൽഷെട്ടി, കീർത്തി സുരേഷ് എന്നിവരാണ് ചിത്രത്തിലെ മറ്റു താരങ്ങൾ.
Story highlight : Marakkar movie getting ready for ott release.
