കുവൈത്തില്‍ രണ്ട് പ്രവാസികള്‍ ആത്മഹത്യക്ക് ശ്രമിച്ചു.ഒരു ഇന്ത്യക്കാരനും ഒരു ഈജി‍പ്‍തുകാരനും ആത്ഹത്യക്ക് ശ്രമിച്ചത്.
ഇരുവരെയും രക്ഷപ്പെടുത്തി ആശുപത്രിയില്‍ പ്രവേശിപ്പിച്ചിട്ടുണ്ട്.
ജാബിര്‍ ബ്രിഡ്‍ജില്‍ നിന്ന് താഴേക്ക് ചാടിയാണ് ഇരുവരും ആത്ഹത്യക്ക് ശ്രമിച്ചത്.
രാവിലെയും വൈകുന്നേരവും ആയിട്ടാണ് സംഭവങ്ങള്‍ അരങ്ങേറിയത്.ജാബിര്‍ ബ്രിഡ്‍ജില്‍ നിന്നും താഴേക്ക് ചാടിയ ഈജിപ്‍തുകാരന്‍ കരയിലേക്ക് പതിക്കുകയായിരുന്നു.
സുരക്ഷാ ഉദ്യോഗസ്ഥരും പാരാമെഡിക്കല്‍ സംഘവും ചേര്‍ന്ന് ഗുരുതരാവസ്ഥയിലായ ഇയാളെ ആശിപത്രിയിൽ എത്തിച്ചു.
എന്നാൽ ഇന്ത്യക്കാരന്‍ പാലത്തില്‍ നിന്ന് താഴേക്ക് ചാടുന്നത് ഒരു ഡ്രൈവറുടെ ശ്രദ്ധയില്‍പെടുകയും ഇയാള്‍ ഇടപെട്ട് ഇന്ത്യക്കാരനെ രക്ഷിക്കുകയും തുടർന്ന് ആഭ്യന്തര മന്ത്രാലയത്തിലെ ഓപ്പറേഷന്‍സ് റൂമില്‍ വിവരമറിയിക്കുകയുമായിരുന്നു.
സുരക്ഷാ ഉദ്യോഗസ്ഥരും ആംബുലന്‍സ് സംഘവും സംഭവ സ്ഥലത്തെത്തി ഇയാളെയും ആശുപത്രിയിൽ പ്രവേശിപ്പിച്ചു.
വെള്ളത്തില്‍ നിന്നും ഇന്ത്യക്കാരനെ രക്ഷിക്കുന്ന വീഡിയോ ദൃശ്യങ്ങള്‍ സോഷ്യൽ മീഡിയയിൽ വൈറലായി കഴിഞ്ഞു.
Story highlight : Two attempted suicide at Jaber bridge in Kuwait.
