ദീപിക പദുക്കോണിന്റെ സഹോദരി അനിഷ വിവാഹിതയാവുന്നു; വരൻ ഇവരാണ്!

ബോളിവുഡ് താരം ദീപിക പദുക്കോണിന്റെ സഹോദരി അനിഷ പദുക്കോണിന്റെ വിവാഹത്തെക്കുറിച്ചുള്ള വിവരങ്ങളാണ് പുറത്തുവരുന്നത്. ദുബായിൽ ബിസിനസ് ചെയ്യുന്ന രോഹൻ ആചാര്യയാണ് വരൻ. ഇരുവരും തമ്മിൽ കുറേ നാളുകളായി സൗഹൃദത്തിലായിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അനിഷയുടെ വിവാഹത്തെക്കുറിച്ചുള്ള കൂടുതൽ വിവരങ്ങൾ പുറത്തുവന്നിട്ടുണ്ട്. ബാഡ്മിന്റൺ ഇതിഹാസം പ്രകാശ് പദുക്കോണിന്റെയും ഉജ്ജലയുടെയും മകളാണ് അനിഷ. രോഹൻ ആചാര്യ പ്രശസ്ത ചലച്ചിത്ര നിർമ്മാതാവ് ബിമൽ റോയിയുടെ ചെറുമകനാണ്.

അനിഷ പദുക്കോൺ ഒരു പ്രൊഫഷണൽ ഗോൾഫ് പ്ലേയറാണ്. 34 വയസ്സുള്ള അനിഷ, ദീപിക പദുക്കോൺ ആരംഭിച്ച ‘ദി ലൈവ് ലവ് ലാഫ്’ ഫൗണ്ടേഷന്റെ ഡയറക്ടർ കൂടിയാണ്. മാനസികാരോഗ്യം, വിഷാദം എന്നിവയെക്കുറിച്ചുള്ള അവബോധം വളർത്തുന്ന പരിപാടികളിൽ അവർ സജീവമായി പങ്കെടുക്കുന്നു.

ചിമൂവിന്റെയും സുമിത് ആചാര്യയുടെയും മകനാണ് രോഹൻ ആചാര്യ. രോഹൻ കുടുംബത്തിന്റെ ട്രാവൽ ബിസിനസ്സിൽ പങ്കാളിയാണ്. രോഹന്റെ സഹോദരി ദിഷ വിവാഹം കഴിച്ചിരിക്കുന്നത് നടൻ സണ്ണി ഡിയോളിന്റെ മകൻ കരൺ ഡിയോളിനെയാണ്.

അതേസമയം, രോഹിത് ഷെട്ടിയുടെ ‘സിങ്കം എഗെയ്ൻ’ എന്ന സിനിമയാണ് ദീപികയുടേതായി ഒടുവിൽ പുറത്തിറങ്ങിയത്. ഈ സിനിമയിൽ രൺവീർ സിംഗ്, കരീന കപൂർ, അജയ് ദേവ്ഗൺ, അക്ഷയ് കുമാർ, ടൈഗർ ഷ്രോഫ് എന്നിവരും പ്രധാന കഥാപാത്രങ്ങളെ അവതരിപ്പിച്ചു. ദീപിക ഇപ്പോൾ ഷാരൂഖ് ഖാന്റെ ‘കിംഗി’ എന്ന സിനിമയിൽ അഭിനയിക്കുകയാണ്.

അനിഷയുടെയും രോഹന്റെയും വിവാഹക്കാര്യത്തിൽ ഔദ്യോഗിക സ്ഥിരീകരണത്തിനായി കാത്തിരിക്കുകയാണ് ആരാധകർ.

Story Highlights: Deepika Padukone’s sister Anisha Padukone is reportedly getting married to Rohan Acharya, a businessman based in Dubai.