Delhi Red Fort Blast: Two Arrested in Uttarakhand

ഹൽദ്വാനി (ഉത്തരാഖണ്ഡ്)◾: ഡൽഹി ചെങ്കോട്ട സ്ഫോടനവുമായി ബന്ധപ്പെട്ട് ഉത്തരാഖണ്ഡിൽ രണ്ടുപേരെ എൻഐഎ അറസ്റ്റ് ചെയ്തു. ഹൽദ്വാനി ജില്ലയിൽ നിന്നാണ് ഇവരെ പിടികൂടിയത്. അറസ്റ്റിലായവരെ ഡൽഹിയിൽ എത്തിച്ച് എൻഐഎ ചോദ്യം ചെയ്യൽ ആരംഭിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഉമർ നബിയുമായി ഇവർ ഫോണിൽ സംസാരിച്ചതിൻ്റെ വിവരങ്ങൾ എൻഐഎക്ക് ലഭിച്ചിട്ടുണ്ട്. ഇതിന്റെ അടിസ്ഥാനത്തിലാണ് മുഹമ്മദ് ആസിഫിനെയും നാസർ കമാലിനെയും അറസ്റ്റ് ചെയ്തത്. മുഹമ്മദ് ആസിഫ് ബിലാലി പള്ളിയിലെ പുരോഹിതനും നാസർ കമാൽ ഇയാളുടെ സഹായിയുമാണ്. ഉമർ നബിയുടെ ഫോൺകോൾ രേഖകൾ ലഭിച്ചതാണ് കേസിൽ വഴിത്തിരിവായത്.

അതേസമയം, എൻഐഎ അന്വേഷണം ഡൽഹിയിലെ കൂടുതൽ ആശുപത്രികളിലേക്ക് വ്യാപിപ്പിച്ചിട്ടുണ്ട്. പ്രധാനമായും ബംഗ്ലാദേശ്, യുഎഇ, ചൈന, പാകിസ്ഥാൻ എന്നിവിടങ്ങളിൽ നിന്ന് എംബിബിഎസ് ബിരുദം നേടിയവരെ കേന്ദ്രീകരിച്ചാണ് അന്വേഷണം നടക്കുന്നത്. ഇതിന്റെ ഭാഗമായി ഡൽഹിയിലെ സ്വകാര്യ ആശുപത്രികളിൽ സുരക്ഷാ ഏജൻസികൾ ഡോക്ടർമാരുടെ രേഖകൾ ആവശ്യപ്പെട്ടിട്ടുണ്ട്.

അൽ ഫലാഹ് സർവകലാശാല ചെയർമാൻ ജവാദ് അഹമ്മദ് സിദ്ദിഖി മദൻപൂർ ഖാദറിൽ ഭൂമി സ്വന്തമാക്കിയതുമായി ബന്ധപ്പെട്ടും അന്വേഷണം നടക്കുന്നുണ്ട്. ഇയാൾ മരിച്ച അഞ്ചുപേരുടെ വ്യാജ രേഖകൾ ഉപയോഗിച്ചാണ് ഭൂമി സ്വന്തമാക്കിയതെന്ന് ഇ.ഡി. അന്വേഷണത്തിൽ കണ്ടെത്തിയിട്ടുണ്ട്. വൈറ്റ് കോളർ സംഘത്തിൻ്റെ പ്രവർത്തനം സർവകലാശാലക്ക് പുറത്തേക്ക് വ്യാപിപ്പിക്കുന്നതിൽ ഷഹീന് നിർണ്ണായക പങ്കുണ്ടെന്ന് എൻഐഎ കണ്ടെത്തിയിട്ടുണ്ട്.

ഡൽഹി സ്ഫോടനക്കേസിൽ ഒരാൾ അറസ്റ്റിൽ; പിടിയിലായത് പുൽവാമ സ്വദേശി

ഫരീദാബാദിൽ എത്തിച്ച് നടത്തിയ പരിശോധനയിൽ ഡോ. ഷഹീൻ ഷഹീദിന്റെ അൽ ഫലാഹ് സർവകലാശാല ഹോസ്റ്റലിലെ മുറിയിൽ നിന്ന് 18 ലക്ഷം രൂപ കണ്ടെത്തി. 32ആം മുറിയിലെ അലമാരയിൽ നിന്നാണ് ഈ പണം കണ്ടെത്തിയത്. ഈ പണത്തിന്റെ ഉറവിടം സംബന്ധിച്ച് എൻഐഎ അന്വേഷണം ആരംഭിച്ചിട്ടുണ്ട്.

ഉമറിൻ്റെ കോൾ വിശദാംശങ്ങൾ ഡൽഹി പോലീസ് സ്പെഷ്യൽ സെൽ പരിശോധിച്ചു വരികയാണ്. കേസിൽ കൂടുതൽ അന്വേഷണങ്ങൾ നടന്നുകൊണ്ടിരിക്കുകയാണ്.

Story Highlights : Delhi Blast: Two arrested in Uttarakhand

ഡൽഹി സ്ഫോടനത്തിൽ പ്രതിഷേധം; കുറ്റവാളികൾക്ക് കനത്ത ശിക്ഷ നൽകണമെന്ന് ആവശ്യം