ഐപിഎൽ മത്സരത്തിൽ ഇന്ന് ബാംഗ്ലൂർ റോയൽ ചലഞ്ചേഴ്സ് ചെന്നൈ സൂപ്പർ കിങ്സിനെ നേരിടും. ഇന്ന് രാത്രി ഇന്ത്യൻ സമയം 7.30ന് ഷാർജയിൽ വച്ചാണ് മത്സരം നടക്കുന്നത്.
മുംബൈക്കെതിരായ കഴിഞ്ഞ മത്സരത്തിൽ തകർപ്പൻ പ്രകടനം നടത്തിയതിന്റെ ആത്മവിശ്വാസത്തിലാണ് ചെന്നൈ സൂപ്പർ കിംഗ്സ് ഗ്രൗണ്ടിൽ ഇറങ്ങുന്നത്. ബൗളർമാരുടെയും ബാറ്റ്സ്മാൻമാരുടെയും അവസാന നിമിഷത്തെ ഗംഭീര പ്രകടനത്താലാണ് മുംബൈക്കെതിരെ വിജയം നേടാൻ സാധിച്ചത്.
അതേസമയം കോഹ്‌ലിയുടെ നേതൃത്വത്തിലുള്ള ബാംഗ്ലൂർ റോയൽ ചലഞ്ചേഴ്സിന് കഴിഞ്ഞതവണ കൊൽക്കത്തക്കെതിരെ കനത്ത തോൽവി ഏറ്റുവാങ്ങേണ്ടതായി വന്നിരുന്നു.
നിലവിൽ പോയിന്റ് പട്ടികയിൽ രണ്ടും മൂന്നും സ്ഥാനത്താണ് ചെന്നൈയും ബാംഗ്ലൂരും നിലകൊള്ളുന്നത്. ഇതേ സീസണിൽ മുൻപ് ഇരുവരും ഏറ്റുമുട്ടിയപ്പോൾ വിജയം കൈവരിച്ചത് ചെന്നൈ സൂപ്പർ കിങ്സായിരുന്നു.
Story Highlights: Chennai Super Kings VS Bangalore Royal Challengers
