മലയാളത്തിന്റെ പ്രിയ നടൻ ഉണ്ണി മുകുന്ദന്റെ 34ആം പിറന്നാൾ ദിനത്തിൽ ആശംസകളുമായി സിനിമാലോകം. നിരവധി പേരാണ് സോഷ്യൽ മീഡിയയിലൂടെയും മറ്റും നടന് ആശംസകൾ അറിയിച്ചത്.
ജീത്തു ജോസഫ് സംവിധാനം ചെയ്യുന്ന ട്വൽത് മാന്റെ ചിത്രീകരണത്തിനിടയിൽ ലാലേട്ടനൊപ്പം ഉണ്ണി മുകുന്ദൻ പിറന്നാൾ ആഘോഷിച്ചു.
ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിക്കുന്ന ചിത്രമാണ് ട്വൽത് മാൻ. മോഹൻലാലിനെ കൂടാതെ ഉണ്ണിമുകുന്ദനും ചിത്രത്തിൽ പ്രാധാന വേഷം ചെയ്യുന്നുണ്ട്. അനുശ്രീ, അതിഥി രവി, അനുസിത്താര, സൈജു കുറുപ്പ് തുടങ്ങിയവരും ചിത്രത്തിലെ അഭിനേതാക്കളായി എത്തുന്നുണ്ട്.
പൃഥ്വിരാജ് ഉൾപ്പെടെയുള്ള നിരവധി താരങ്ങൾ ഉണ്ണിമുകുന്ദന് സോഷ്യൽ മീഡിയയിലൂടെ ജന്മദിനാശംസകൾ നേർന്നു. സ്വപ്നങ്ങളെല്ലാം സാക്ഷാത്കരിക്കാൻ കഴിയട്ടെയെന്ന അടിക്കുറിപ്പോടെ ഉണ്ണിമുകുന്ദനുമായുള്ള ചിത്രം പൃഥ്വിരാജ് പങ്കുവച്ചു.
Story Highlights: Unni Mukundan Celebrates Birthday with Mohanlal
