ജയസൂര്യ ചിത്രം ‘സണ്ണി’യുടെ ട്രെയിലർ പുറത്ത്.

രഞ്ജിത്ത് ശങ്കർ തിരക്കഥയെഴുതി സംവിധാനം ചെയ്യുന്ന ചിത്രം ‘സണ്ണി’യുടെ ട്രെയിലർ പുറത്ത് വിട്ടു. ജയസൂര്യയാണ് ചിത്രത്തിൽ നായകനായെത്തുന്നത്. ജയസൂര്യയുടെ നൂറാമത് ചിത്രമായ ‘സണ്ണി’ 240 രാജ്യങ്ങളിലാണ് റിലീസ് ചെയ്യുക.

ആമസോൺ പ്രൈം വീഡിയോയിലൂടെ സെപ്റ്റംബർ 23നാണ് ചിത്രം റിലീസ് ചെയ്യുന്നത്. ജയസൂര്യയുടെ ഒറ്റയാൾ പ്രകടനമാണ് ട്രെയിലറിൽ ഉടനീളം കാണാൻ കഴിയുക.

കോവിഡ് കാലത്ത് ദുബായിൽ നിന്നും നാട്ടിലേക്ക് തിരിച്ചെത്തുന്ന ‘സണ്ണി’ എന്ന വ്യക്തിയുടെ വികാരങ്ങളും അതിനെ മറികടക്കാനുള്ള പരിശ്രമങ്ങളുമാണ് ചിത്രത്തിന്റെ പ്രമേയമാകുന്നത്.

മമത മോഹൻദാസ്, ഇന്നസെന്റ്, വിജയരാഘവൻ, അജു വർഗീസ്, വിജയ് ബാബു തുടങ്ങിയവരും ചിത്രത്തിൽ അഭിനേതാക്കളായി എത്തുന്നു. ഡ്രീംസ് ആൻഡ് ബിയോണ്ട്സിന്റെ ബാനറിൽ ജയസൂര്യയും രഞ്ജിത്തും ചേർന്നാണ് ചിത്രം നിർമ്മിക്കുന്നത്.

Story Highlights: Jayasurya movie Sunny’s trailer Released