Kerala HC dismisses plea against Arundhati Roy's book cover

പുസ്തകത്തിന്റെ കവർപേജ് ചോദ്യം ചെയ്തുള്ള ഹർജി ഹൈക്കോടതി തള്ളിക്കൊണ്ടുള്ള വിധി പുറത്തുവന്നിരിക്കുകയാണ്. അരുന്ധതി റോയിയുടെ ‘മദർ മേരി കംസ് ടു മി’ എന്ന പുസ്തകത്തിന്റെ കവർ പേജുമായി ബന്ധപ്പെട്ട ഹർജിയാണ് കോടതി ഇപ്പോൾ തള്ളിയിരിക്കുന്നത്. പുസ്തകത്തിൽ പുകവലിക്കെതിരായ മുന്നറിയിപ്പ് നൽകിയിട്ടുണ്ട് എന്നും കോടതി അറിയിച്ചു. കൂടാതെ ഇത്തരം പൊതുതാൽപര്യ ഹർജികൾ ദുരുപയോഗം ചെയ്യരുതെന്നും ഹൈക്കോടതി പരാമർശിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഹർജിക്കാരൻ ഉന്നയിച്ച പ്രധാന വാദം കവർ ചിത്രത്തിലെ പുകവലി ചിത്രം നിയമവിരുദ്ധമാണ് എന്നതായിരുന്നു. എന്നാൽ പുസ്തകത്തിന്റെ പിൻഭാഗത്ത് നിയമപരമായ മുന്നറിയിപ്പ് നൽകിയിട്ടുണ്ട് എന്ന് കോടതി ചൂണ്ടിക്കാട്ടി. ഇത് ഇത്തരം വിഷയങ്ങളിൽ തീരുമാനമെടുക്കേണ്ട വേദിയല്ലെന്നും കോടതി അഭിപ്രായപ്പെട്ടു. 2003-ലെ കോട്പ നിയമവും ചട്ടങ്ങളും അനുസരിച്ച് രൂപീകരിച്ച വിദഗ്ധ സമിതികളാണ് ഈ വിഷയത്തിൽ തീരുമാനമെടുക്കേണ്ടതെന്നും കോടതി വ്യക്തമാക്കി.

അഭിഭാഷകനായ രാജസിംഹനാണ് ഈ ഹർജി സമർപ്പിച്ചത്. നിയമപരമായ മുന്നറിയിപ്പില്ലാത്ത കവർപേജിലെ ചിത്രം യുവജനതയെ വഴിതെറ്റിക്കുമെന്നും പുസ്തകത്തിന്റെ വില്പന തടയണമെന്നും ഹർജിയിൽ ആവശ്യപ്പെട്ടിരുന്നു. എന്നാൽ കോടതി ഈ വാദങ്ങളെല്ലാം തള്ളിക്കളഞ്ഞു.

ഇത്തരം കാര്യങ്ങളിൽ തീരുമാനമെടുക്കേണ്ടത് വിദഗ്ധ സമിതികളാണെന്ന് കോടതി അഭിപ്രായപ്പെട്ടു. ഇത് തീരുമാനമെടുക്കാനുള്ള വേദിയല്ലെന്നും കോടതി ചൂണ്ടിക്കാട്ടി. പൊതുതാൽപര്യ ഹർജി ദുരുപയോഗം ചെയ്യരുതെന്നും കോടതി കൂട്ടിച്ചേർത്തു.

നിർബന്ധിത ആരോഗ്യ മുന്നറിയിപ്പ് കവർപേജ് ചിത്രത്തിൽ കൊടുത്തിട്ടില്ലെന്ന് ഹർജിക്കാരൻ വാദിച്ചു. എന്നാൽ പുസ്തകത്തിന്റെ പിൻഭാഗത്ത് ഇത് ഉൾപ്പെടുത്തിയിട്ടുണ്ട് എന്ന് കോടതി നിരീക്ഷിച്ചു. ഹർജിക്ക് പിന്നിൽ പൊതു താല്പര്യമാണോ അതോ പരസ്യ താല്പര്യമാണോ എന്നും കോടതി സംശയം പ്രകടിപ്പിച്ചു.

പൊതുതാൽപര്യത്തിനുള്ള കാര്യങ്ങളിൽ ഒരുപാട് ശ്രദ്ധയും കരുതലുമുണ്ടെന്നും കോടതി അറിയിച്ചു. കവർ പേജുമായി ബന്ധപ്പെട്ട് ഹർജി നൽകിയ അഭിഭാഷകന് കോടതിയുടെ ഈ നിരീക്ഷണം തിരിച്ചടിയായിരിക്കുകയാണ്.

Story Highlights : Kerala HC Dismisses Plea Against Arundhati Roy’s Book Cover

Story Highlights: അരുന്ധതി റോയിയുടെ പുസ്തകത്തിന്റെ കവർപേജ് ചോദ്യം ചെയ്തുള്ള ഹർജി ഹൈക്കോടതി തള്ളി .