പ്രിയദർശൻ സംവിധാനം ചെയ്യുന്ന പുതിയ ചിത്രത്തിൽ മലയാളികളുടെ പ്രിയനടൻ മോഹൻലാൽ ബോക്സിംഗ് താരത്തിന്റെ വേഷത്തിലാകും എത്തുകയെന്ന് റിപ്പോർട്ട്. താരം ബോക്സിങ് പരിശീലിക്കുന്ന ചിത്രങ്ങൾ നേരത്തെ പുറത്തുവന്നിരുന്നു.
എന്നാൽ മോഹൻലാൽ തന്റെ സമൂഹ മാധ്യമത്തിലൂടെ ബോക്സിംഗ് താരത്തിന്റെ വേഷത്തിലുള്ള ചിത്രം പങ്കുവെച്ചിരിക്കുകയാണ്. മോഹൻലാൽ സ്വയം സംവിധാനം ചെയ്യുന്ന ‘ബറോസിന്’ ശേഷമാകും സംവിധായകൻ പ്രിയദർശനൊപ്പം പുതിയ ചിത്രത്തിന് ചേരുകയെന്നും റിപ്പോർട്ടുണ്ട്.
നിലവിൽ ജീത്തു ജോസഫ് സംവിധാനം ചെയ്യുന്ന ‘ട്വൽത്ത് മാൻ’ എന്ന ചിത്രത്തിന്റെ ഷൂട്ടിംഗ് തിരക്കുകളിലാണ് മോഹൻലാൽ. ആന്റണി പെരുമ്പാവൂരാണ് ‘ട്വൽത്ത് മാൻ’ എന്ന ചിത്രം നിർമ്മിക്കുന്നത്. ഇതിനിടയിലാണ് പ്രിയദർശൻ ചിത്രത്തിനായി മോഹൻലാൽ പ്രത്യേകം ബോക്സിങ് പരിശീലിക്കുന്നത്.
Story Highlights: Mohanlal shares Boxing picture for Priyadarshan’s film.
