കൊച്ചി◾: ഭൂട്ടാൻ വാഹനക്കടത്തുമായി ബന്ധപ്പെട്ട് നടൻ ദുൽഖർ സൽമാന്റെ വീട്ടിൽ എൻഫോഴ്സ്മെന്റ് ഡയറക്ടറേറ്റ് (ഇ.ഡി) ഉദ്യോഗസ്ഥർ നടത്തിയ പരിശോധന 13 മണിക്കൂറിനു ശേഷം പൂർത്തിയായി. വാഹനങ്ങളുടെ രേഖകൾ, ഉടമസ്ഥ വിവരങ്ങൾ, പണം നൽകിയ രീതി തുടങ്ങിയ വിവരങ്ങളാണ് ഇ.ഡി ഉദ്യോഗസ്ഥർ പ്രധാനമായും ശേഖരിച്ചത്. എളംകുളത്തെ വീട്ടിൽ വ്യാഴാഴ്ച രാത്രി 8 മണിയോടുകൂടിയാണ് പരിശോധന അവസാനിച്ചത്. ഈ കേസിൽ കൂടുതൽ അന്വേഷണങ്ങൾ വരും ദിവസങ്ങളിൽ ഉണ്ടാകുമെന്നും സൂചനയുണ്ട്.
ഇന്ന് രാവിലെ ഏഴ് മണി മുതൽ കേരളത്തിലും തമിഴ്നാട്ടിലുമായി 17 കേന്ദ്രങ്ങളിൽ ഒരേസമയം ഇ.ഡി ഉദ്യോഗസ്ഥർ പരിശോധന നടത്തിയിരുന്നു. കോയമ്പത്തൂർ കേന്ദ്രീകരിച്ചുള്ള സംഘമാണ് ഈ ഇടപാടുകളുടെ പ്രധാന കേന്ദ്രമെന്നും ഇ.ഡി കണ്ടെത്തിയിട്ടുണ്ട്. അതേസമയം, കേരളത്തിൽ അഞ്ച് ജില്ലകളിലെ വാഹന ഡീലർമാരെ കേന്ദ്രീകരിച്ചായിരുന്നു പ്രധാനമായും പരിശോധന നടന്നത്. ഈ കേസിൽ ഫെമ ചട്ടത്തിലെ 3,4,8 വകുപ്പുകളുടെ ലംഘനം നടന്നിട്ടുണ്ടെന്ന് ഇ.ഡി അറിയിച്ചു.
ദുൽഖർ സൽമാന്റെ ചെന്നൈയിലെ വീട്ടിലും ഓഫീസുകളിലും ഇ.ഡി പരിശോധന നടത്തിയിരുന്നു. ഭൂട്ടാനിൽ നിന്നുള്ള കാർ കടത്തിൽ ഫെമ ചട്ട ലംഘനം നടന്നുവെന്ന കണ്ടെത്തലിനെ തുടർന്നായിരുന്നു ഇ.ഡിയുടെ ഈ നീക്കം. ഇതിനു പിന്നാലെ ചെന്നൈയിൽ ആയിരുന്ന താരത്തിന്റെ മൊഴിയെടുക്കാനായി ഇ.ഡി കൊച്ചിയിലേക്ക് വിളിച്ചു വരുത്തുകയായിരുന്നു.
തമിഴ്നാട്ടിൽ ചെന്നൈയിലും കോയമ്പത്തൂരുമാണ് ഇ.ഡി പ്രധാനമായും പരിശോധന നടത്തിയത്. ദുൽഖറിന് പുറമെ നടന്മാരായ പൃഥ്വിരാജ്, അമിത് ചക്കാലക്കൽ എന്നിവരുടെ വീടുകളിലും വിവിധ കാർ ഷോറൂമുകളിലും ഇ.ഡി പരിശോധന നടത്തിയിരുന്നു. ഡിഫൻഡർ, ലാൻഡ് ക്രൂസർ, മെസ്രട്ടി തുടങ്ങിയ വാഹനങ്ങളുടെ ഇടപാടിൽ ഹവാല നെറ്റ്വർക്കിന്റെ വിവരങ്ങളും ഇ.ഡിക്ക് ലഭിച്ചിട്ടുണ്ട്.
ഇന്ത്യൻ ആർമിയുടെയും യു.എസ് എംബസിയുടെയും രേഖകൾ ഈ സംഘം വ്യാജമായി നിർമിച്ചുവെന്ന് ഇ.ഡി കണ്ടെത്തിയിട്ടുണ്ട്. ഈ രേഖകൾ ഉപയോഗിച്ച് സിനിമാ താരങ്ങൾക്കും ശതകോടിശ്വരൻമാർക്കും വാഹനങ്ങൾ വിറ്റുവെന്നും വിവരമുണ്ട്. താരങ്ങൾ ഉൾപ്പെടെയുള്ളവർ ഈ നെറ്റ്വർക്കുമായി നടത്തിയ സാമ്പത്തിക ഇടപാടുകൾ കേന്ദ്രീകരിച്ചാണ് നിലവിൽ അന്വേഷണം പുരോഗമിക്കുന്നത്.
കൂടുതൽ കേന്ദ്ര ഏജൻസികൾ വരും ദിവസങ്ങളിൽ അന്വേഷണത്തിന്റെ ഭാഗമാകും. ഭൂട്ടാൻ വാഹനക്കടത്തിൽ ഹവാല ഉൾപ്പെടെ അനധികൃത സാമ്പത്തിക ഇടപാടുകൾ നടന്നുവെന്ന കണ്ടെത്തലിനെ തുടർന്നാണ് ഇ.ഡി പരിശോധന ശക്തമാക്കിയത്. ഈ കേസിൽ കൂടുതൽ വിവരങ്ങൾ പുറത്തുവരുമെന്ന് പ്രതീക്ഷിക്കുന്നു.
Story Highlights : ED officials complete search at actor Dulquer Salmaan’s house in connection with Bhutan vehicle smuggling case
ദുൽഖർ സൽമാൻ കേന്ദ്ര കഥാപാത്രമായി എത്തുന്ന കാന്ത എന്ന സിനിമയുടെ ദൈർഘ്യം കുറച്ചു. Read more
മുൻ എംഎൽഎ പി.വി. അൻവറിനെ ഇ.ഡി. ചോദ്യം ചെയ്യും. അദ്ദേഹത്തിന്റെ വീട്ടിൽ നടത്തിയ Read more
പി.വി. അൻവറിൻ്റെ വീട്ടിൽ എൻഫോഴ്സ്മെൻ്റ് ഡയറക്ടറേറ്റ് (ഇ.ഡി.) നടത്തിയ പരിശോധന പൂർത്തിയായി. രാവിലെ Read more
തൃണമൂൽ കോൺഗ്രസ് നേതാവ് പി.വി. അൻവറിൻ്റെ വീട്ടിൽ ഇ.ഡി. റെയ്ഡ്. മലപ്പുറം ഒതായിയിലെ Read more
സിനിമയുടെ പ്രമോഷൻ പരിപാടിക്കിടെ ഒരു ചോദ്യത്തിന് മറുപടിയായി ദുൽഖർ സൽമാൻ പറഞ്ഞ വാക്കുകളാണ് Read more
ദുൽഖർ സൽമാനും മമ്മൂട്ടിയും ഒരു സിനിമയിൽ ഒന്നിച്ചഭിനയിക്കുന്നത് കാണാൻ മലയാളികൾ കാത്തിരിക്കുകയാണ്. ഈ Read more
ഭൂട്ടാൻ കാർ ഇറക്കുമതി കേസിൽ ദുൽഖർ സൽമാന് ഇ.ഡി.യുടെ അന്വേഷണത്തിൽ താൽക്കാലിക ആശ്വാസം. Read more
ഓപ്പറേഷൻ നംഖോറിൻ്റെ ഭാഗമായി കസ്റ്റംസ് പിടിച്ചെടുത്ത ദുൽഖർ സൽമാന്റെ ലാൻഡ് റോവർ ഡിഫൻഡർ Read more
ഓപ്പറേഷൻ നംഖോറിൻ്റെ ഭാഗമായി കസ്റ്റംസ് പിടികൂടിയ നടൻ ദുൽഖർ സൽമാന്റെ വാഹനം ഉടൻ Read more
ഓപ്പറേഷൻ നംഖോറിൽ പിടിച്ചെടുത്ത വാഹനം വിട്ടു കിട്ടാനായി ദുൽഖർ സൽമാൻ നൽകിയ അപേക്ഷയിൽ Read more
