Sabarimala Gold Plate Controversy: Unnikrishnan Potty's Aides to be Questioned

പത്തനംതിട്ട◾: ശബരിമല സ്വർണ്ണപ്പാളി വിവാദവുമായി ബന്ധപ്പെട്ട് ഉണ്ണികൃഷ്ണൻ പോറ്റിയുടെ സഹായികളെ ഉടൻ ചോദ്യം ചെയ്യും. ഇതിനോടനുബന്ധിച്ച് വാസുദേവൻ പോറ്റി, അനന്തസുബ്രഹ്മണ്യം, രമേശ് എന്നിവരെ ചോദ്യം ചെയ്യാനായി ദേവസ്വം ബോർഡ് ആസ്ഥാനത്ത് ഹാജരാകാൻ ആവശ്യപ്പെട്ട് ദേവസ്വം വിജിലൻസ് ഇവർക്ക് നോട്ടീസ് നൽകിയിട്ടുണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ശബരിമലയിലെ സ്വർണ്ണപ്പാളി വിവാദത്തിൽ സമഗ്രമായ അന്വേഷണം ആവശ്യപ്പെട്ട് ദേവസ്വം ബോർഡ് ഹൈക്കോടതിയെ സമീപിക്കും. അതേസമയം, ദേവസ്വം വിജിലൻസ് അന്വേഷണം പുരോഗമിക്കുമ്പോൾ പൊലീസ് പ്രാഥമികാന്വേഷണത്തിനുള്ള നിയമോപദേശം തേടിയിരിക്കുകയാണ്. പത്തനംതിട്ട എസ്.പി.യുടെ നേതൃത്വത്തിലായിരിക്കും പ്രാഥമികാന്വേഷണം നടത്തുക.

ഉണ്ണികൃഷ്ണൻ പോറ്റിയുടെ മൊഴി ദേവസ്വം വിജിലൻസ് ഇതിനോടകം രേഖപ്പെടുത്തിയിട്ടുണ്ട്. 2019-ൽ അറ്റകുറ്റപ്പണിക്കായി കൈമാറിയത് ചെമ്പു പാളികളാണെന്നാണ് ദേവസ്വം രേഖകളിൽ പറയുന്നത്. ഇതിനിടെ ശബരിമലയിൽ നിന്ന് തനിക്ക് ലഭിച്ചത് ചെമ്പ് പാളിയാണെന്ന ഉണ്ണികൃഷ്ണൻ പോറ്റിയുടെ വാദം സർക്കാരിനെയും ദേവസ്വം ബോർഡിനെയും പ്രതിരോധത്തിലാക്കിയിരിക്കുകയാണ്.

1999-ൽ യു.ബി. ഗ്രൂപ്പ് ചെയർമാൻ വിജയ് മല്യ സ്വർണം പൂശിയ ദ്വാരപാലക ശിൽപത്തിന്റെ അസൽ പാളികൾ എവിടെയെന്നതിൽ തിരുവിതാംകൂർ ദേവസ്വം ബോർഡിന് ഇതുവരെ വ്യക്തമായ മറുപടിയില്ല. സ്വർണം പൊതിഞ്ഞ ദ്വാരപാലക ശിൽപത്തിലെ സ്വർണപ്പാളി എവിടെ എന്ന ചോദ്യം ഇപ്പോളും ഉത്തരം കിട്ടാതെ അവശേഷിക്കുന്നു.

ശബരിമല സ്വർണ്ണപ്പാളി വിവാദം: ഉണ്ണികൃഷ്ണൻ പോറ്റിയുടെ ഇടപാടുകളിൽ ദേവസ്വം വിജിലൻസ് അന്വേഷണം തുടങ്ങി

ചോദ്യം ചെയ്യലിന് ഹാജരാകാൻ ആവശ്യപ്പെട്ടുകൊണ്ടുള്ള നോട്ടീസ് ദേവസ്വം വിജിലൻസ് ഉദ്യോഗസ്ഥർ വാസുദേവൻ പോറ്റി, അനന്തസുബ്രഹ്മണ്യം, രമേശ് എന്നിവർക്ക് നൽകി കഴിഞ്ഞു. വരും ദിവസങ്ങളിൽ ഇവരെ ചോദ്യം ചെയ്യാനാണ് നിലവിലെ തീരുമാനം.

അതേസമയം, നിയമോപദേശം ലഭിച്ചാലുടൻ പത്തനംതിട്ട എസ്.പി.യുടെ നേതൃത്വത്തിൽ പൊലീസ് സംഘം കേസിൽ പ്രാഥമികാന്വേഷണം ആരംഭിക്കും. ഇതിനുശേഷമായിരിക്കും തുടർനടപടികളിലേക്ക് നീങ്ങുക.

swarnnapali-vivadam-unnikrishnan-pottiyude-sahayikale-chodyam-cheyyum

Story Highlights: The aides of Unnikrishnan Potty, who is accused in the Sabarimala gold plate controversy, will be questioned soon.

ശബരിമലയിലെ സ്വർണപ്പാളി വിവാദം: ദേവസ്വം ബോർഡിന് വീഴ്ച പറ്റിയെന്ന് കണ്ടെത്തൽ