Trump Accuses India, China of Funding Russia's Ukraine War

അമേരിക്കന് പ്രസിഡന്റ് ഡൊണാള്ഡ് ട്രംപിന്റെ യുഎന് പൊതുസഭയിലെ പ്രസംഗം ശ്രദ്ധേയമായി. റഷ്യയുടെ യുക്രൈന് യുദ്ധത്തിന് പണം നല്കുന്നത് ഇന്ത്യയും ചൈനയുമാണെന്ന് ട്രംപ് ആരോപിച്ചു. പലസ്തീനെ ഒരു രാഷ്ട്രമായി അംഗീകരിക്കില്ലെന്നും അദ്ദേഹം വ്യക്തമാക്കി. തന്റെ ഭരണത്തിന്റെ നേട്ടങ്ങളും ട്രംപ് എടുത്തുപറഞ്ഞു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

യുദ്ധം അവസാനിപ്പിക്കാത്ത പക്ഷം റഷ്യയ്ക്കെതിരെ കൂടുതല് ഉപരോധങ്ങള് ഏര്പ്പെടുത്തുമെന്നും ട്രംപ് മുന്നറിയിപ്പ് നല്കി. റഷ്യക്ക് മേല് ഉപരോധം ഏര്പ്പെടുത്താന് യൂറോപ്യന് യൂണിയന് രാജ്യങ്ങളോടും ട്രംപ് അഭ്യര്ഥിച്ചു. യുഎന് പൊതുസഭയില് സംസാരിക്കവെയാണ് ട്രംപിന്റെ ഈ പരാമര്ശം.

പലസ്തീനെ സ്വതന്ത്ര രാജ്യമായി അംഗീകരിച്ച പാശ്ചാത്യ രാജ്യങ്ങളുടെ നിലപാടിനെയും ട്രംപ് വിമര്ശിച്ചു. ഇത് ഹമാസിന്റെ ആക്രമണങ്ങള്ക്ക് അംഗീകാരം നല്കുന്നതിന് തുല്യമാണെന്നും ട്രംപ് കൂട്ടിച്ചേര്ത്തു.

ഇന്ത്യ-പാക് സംഘര്ഷം ഉള്പ്പെടെ ഏഴ് യുദ്ധങ്ങള് താന് അവസാനിപ്പിച്ചെന്ന് ട്രംപ് അവകാശപ്പെട്ടു. തന്റെ രണ്ടാം വരവിലെ വെറും ഏഴ് മാസങ്ങള് കൊണ്ട് ഈ നേട്ടം കൈവരിച്ചെന്നും അദ്ദേഹം പറഞ്ഞു.

കൂടാതെ യുദ്ധങ്ങള് അവസാനിപ്പിച്ചതിന്റെ പേരില് സമാധാനത്തിനുള്ള നൊബേല് സമ്മാനം തനിക്ക് അര്ഹതപ്പെട്ടതാണെന്നും ട്രംപ് തുറന്നുപറഞ്ഞു. ഐക്യരാഷ്ട്രസഭയെ ട്രംപ് വിമര്ശിച്ചു. യുഎന് ഇടപെടുന്നതിനേക്കാള് ഫലപ്രദമായി മധ്യസ്ഥ ചര്ച്ചകളില് ഇടപെട്ടത് താനാണെന്ന് ട്രംപ് അവകാശപ്പെട്ടു.

ട്രംപിന്റെ എച്ച് 1 ബി വിസ ഫീസ് വർധനവിൽ ഇന്ത്യക്ക് ആശങ്ക

ലോകരാജ്യങ്ങളുടെ നേതാക്കളുമായി താന് നിരന്തരം ചര്ച്ചകള് നടത്തി. എന്നാല് യുഎന്നിന്റെ ഭാഗത്തുനിന്ന് ഒരു ഫോണ് കോള് പോലും ലഭിച്ചില്ലെന്നും ട്രംപ് കുറ്റപ്പെടുത്തി. യുഎന് ചെയ്യേണ്ട കാര്യങ്ങളാണ് താന് ചെയ്തതെന്നും അദ്ദേഹം കൂട്ടിച്ചേര്ത്തു.

Story Highlights: Donald Trump accuses India and China of funding Russia’s war in Ukraine during his address at the UN General Assembly.

ഇന്ത്യാ-പാക് യുദ്ധം അവസാനിപ്പിച്ചത് താനാണെന്ന് ട്രംപിന്റെ ആവർത്തിച്ചുള്ള അവകാശവാദം