Tata Altroz Facelift scores 5-star safety rating in Bharat NCAP

പുതിയ ടാറ്റ ആൾട്രോസ് ഫെയ്സ്ലിഫ്റ്റ് ഭാരത് എൻക്യാപ്പിൽ ഫൈവ് സ്റ്റാർ റേറ്റിംഗോടെ വിപണിയിൽ മുന്നേറ്റം നടത്തുന്നു. രാജ്യത്ത് വില്പ്പനയ്ക്കെത്തുന്ന ഏറ്റവും സുരക്ഷിതമായ ഹാച്ച്ബാക്കുകളിലൊന്നായി ടാറ്റ അല്ട്രോസ് മാറിക്കഴിഞ്ഞു. സുരക്ഷാ ഫീച്ചറുകളാലും മികച്ച എഞ്ചിൻ കരുത്തുകളാലും ഈ വാഹനം ശ്രദ്ധേയമാകുന്നു. വാഹനത്തിന്റെ മറ്റ് പ്രധാന വിവരങ്ങൾ താഴെ നൽകുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മുതിർന്നവരുടെ സുരക്ഷയിൽ ടാറ്റ ആൾട്രോസ് 32-ൽ 29.65 പോയിന്റ് നേടിയിട്ടുണ്ട്. കുട്ടികളുടെ സുരക്ഷയിൽ 49-ൽ 44.90 പോയിന്റും ഈ വാഹനം കരസ്ഥമാക്കി. ഫ്രണ്ടൽ ഓഫ്സെറ്റ് ഡിഫോർമബിൾ ബാരിയർ ടെസ്റ്റിൽ ടാറ്റ ആൾട്രോസ് 16 പോയിന്റുകളിൽ 15.55 പോയിന്റുകൾ നേടി എന്നത് എടുത്തുപറയേണ്ട ഒരു കാര്യമാണ്. 2020 ൽ ഗ്ലോബൽ NCAP ക്രാഷ് ടെസ്റ്റുകളിൽ ഫെയ്സ്ലിഫ്റ്റിന് മുൻപുള്ള ആൾട്രോസിന് 5 സ്റ്റാർ ലഭിച്ചിരുന്നു.

പുതിയ ടാറ്റ ആൾട്രോസ് ഫെയ്സ്ലിഫ്റ്റിന്റെ എക്സ്ഷോറൂം വില 6.89 ലക്ഷം രൂപ മുതൽ 11.49 ലക്ഷം രൂപ വരെയാണ്. കൂടാതെ പുതിയ ജിഎസ്ടി നിരക്കുകൾ കാരണം വാഹനത്തിന്റെ വില ഇനിയും കുറയാൻ സാധ്യതയുണ്ട്. ഇക്കഴിഞ്ഞ മേയിലാണ് പുതിയ ഫീച്ചറുകളുമായി പുതിയ അല്ട്രോസ് ഇന്ത്യന് വിപണിയില് എത്തിയത്. സുരക്ഷയുടെ കാര്യത്തിൽ ഒട്ടും പിന്നോട്ട് പോകാത്ത ഒരു വാഹനം തന്നെയാണിത്.

വാഹനത്തിന്റെ സുരക്ഷാ സവിശേഷതകൾ എടുത്തു പറയേണ്ട ഒന്നാണ്. ആറ് എയർബാഗുകൾ, ESC, 3-പോയിന്റ് സീറ്റ് ബെൽറ്റുകൾ എന്നിവയാണ് ഇതിലെ പ്രധാന സുരക്ഷാ ഫീച്ചറുകൾ. ഉയർന്ന വേരിയന്റുകളിൽ 360-ഡിഗ്രി ക്യാമറ, ബ്ലൈൻഡ്-സ്പോട്ട് മോണിറ്റർ, ടയർ-പ്രഷർ മോണിറ്ററിങ് സിസ്റ്റം എന്നിവയും ഇതിൽ സജ്ജീകരിച്ചിട്ടുണ്ട്. അതിനാൽത്തന്നെ വളരെ മികച്ച സുരക്ഷാ സംവിധാനങ്ങളോട് കൂടിയാണ് ഈ വാഹനം പുറത്തിറങ്ങുന്നത്.

ഈ വാഹനം മൂന്ന് വ്യത്യസ്ത എഞ്ചിൻ ഓപ്ഷനുകളിൽ ലഭ്യമാണ്. 88 ബിഎച്ച്പി കരുത്തും 115 എൻഎം ടോർക്കും നൽകുന്ന 1.2 ലിറ്റർ നാച്ചുറലി ആസ്പിറേറ്റഡ് പെട്രോൾ എഞ്ചിൻ ഇതിലുണ്ട്. 90 ബിഎച്ച്പി കരുത്തും 200 എൻഎം ടോർക്കും ഉത്പാദിപ്പിക്കുന്ന 1.5 ലിറ്റർ ഡീസൽ എഞ്ചിനും ലഭ്യമാണ്. കൂടാതെ ട്വിൻ സിലിണ്ടർ ടെക്നോളജിയോടുകൂടിയ 73.5 ബിഎച്ച്പി കരുത്തും 103 എൻഎം ടോർക്കും നൽകുന്ന 1.2 ലിറ്റർ സിഎൻജി വേരിയന്റും ഇതിനുണ്ട്.

ഈ വാഹനത്തിന്റെ ഏറ്റവും വലിയ പ്രത്യേകത അതിന്റെ സുരക്ഷാ റേറ്റിംഗ് തന്നെയാണ്. ഭാരത് എൻക്യാപ്പിൽ ഫൈവ് സ്റ്റാർ റേറ്റിംഗ് നേടിയ ഈ വാഹനം, രാജ്യത്തെ ഏറ്റവും സുരക്ഷിതമായ ഹാച്ച്ബാക്കുകളിൽ ഒന്നാണ്. അതിനാൽത്തന്നെ ഒരു ഫാമിലി കാർ എന്ന രീതിയിൽ ഈ വാഹനം തിരഞ്ഞെടുക്കുന്നതിൽ തെറ്റില്ല.

Story Highlights : Tata Altroz Bags 5-Star Safety Rating At Bharat NCAP Crash Test