Vice President Election: NDA candidate announcement on Sunday

ഉപരാഷ്ട്രപതി തിരഞ്ഞെടുപ്പിലേക്കുള്ള എൻഡിഎ സ്ഥാനാർഥിയെ ഞായറാഴ്ച പ്രഖ്യാപിക്കും. ഈ വിഷയത്തിൽ അന്തിമ തീരുമാനമെടുക്കുന്നതിനായി ബിജെപി പാർലിമെന്ററി പാർട്ടി യോഗം ഞായറാഴ്ച ചേരും. തിരഞ്ഞെടുപ്പിനുള്ള ഇലക്ടറൽ കോളേജ് തയ്യാറായതായി തിരഞ്ഞെടുപ്പ് കമ്മീഷൻ അറിയിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

എൻഡിഎയുടെ സ്ഥാനാർത്ഥി ബിജെപിയിൽ നിന്നാകാനാണ് സാധ്യത. അതേസമയം, ഉപരാഷ്ട്രപതി സ്ഥാനാർഥിക്കായുള്ള ചർച്ചകൾ സജീവമായി നടക്കുന്നു. രാജ്യസഭയിലെ തിരഞ്ഞെടുക്കപ്പെട്ട അംഗങ്ങൾ, ലോക്സഭയിലെ തിരഞ്ഞെടുക്കപ്പെട്ട അംഗങ്ങൾ, രാജ്യസഭയിലേക്ക് നാമനിർദ്ദേശം ചെയ്യപ്പെട്ട അംഗങ്ങൾ എന്നിവരടങ്ങുന്നതാണ് ഇലക്ടറൽ കോളേജ്. ഇന്ത്യ ഭരണഘടനയുടെ അനുച്ഛേദം 324 പ്രകാരം തിരഞ്ഞെടുപ്പ് നടത്താൻ കേന്ദ്ര തിരഞ്ഞെടുപ്പ് കമ്മീഷനെ രാഷ്ട്രപതി ചുമതലപ്പെടുത്തിയിട്ടുണ്ട്.

ഉപരാഷ്ട്രപതി സ്ഥാനത്ത് നിന്ന് ജഗ്ദീപ് ധൻകർ അപ്രതീക്ഷിതമായി രാജി വെച്ചതിനെ തുടർന്നാണ് വീണ്ടും തിരഞ്ഞെടുപ്പ് നടക്കുന്നത്. ഈ സാഹചര്യത്തിൽ ഇന്ത്യാ സഖ്യവും തിരഞ്ഞെടുപ്പിൽ സ്ഥാനാർഥിയെ നിർത്താൻ തീരുമാനിച്ചിട്ടുണ്ട്. ഇന്ത്യാ സഖ്യത്തിലെ ഏത് പാർട്ടിയിൽ നിന്നാണ് സ്ഥാനാർത്ഥി എന്നതുൾപ്പെടെയുള്ള കാര്യങ്ങളിൽ ഇതുവരെ അന്തിമ തീരുമാനമായിട്ടില്ല.

Story Highlights: NDA candidate for Vice President election to be announced on Sunday.