**തൃശ്ശൂർ◾:** തൃശ്ശൂരിൽ നിയമസഭാ പോരാട്ടത്തിന് ബിജെപി ഒരുങ്ങുന്നു. ബിജെപി സംസ്ഥാന അധ്യക്ഷൻ കെ.സുരേന്ദ്രൻ തൃശൂരിൽ മത്സരിക്കാൻ സന്നദ്ധത അറിയിച്ചു. അതേസമയം, സുരേഷ് ഗോപി ഓഫീസിന് നേരെ കരിയോയിൽ ഒഴിച്ച സംഭവത്തിൽ നടന്ന സമരത്തിൽ സുരേന്ദ്രൻ പങ്കെടുത്തതും തൃശൂരിൽ മത്സരിക്കാനുള്ള നീക്കത്തിന്റെ ഭാഗമായിരുന്നു.
കഴിഞ്ഞ ദിവസം നടന്ന കോർ കമ്മിറ്റിയിൽ കെ. സുരേന്ദ്രൻ പങ്കെടുത്തില്ലെങ്കിലും തൃശൂരിൽ മത്സരിക്കാനുള്ള താല്പര്യം അറിയിച്ചിട്ടുണ്ട്. ഇതിനിടെ ബിജെപി വിട്ട സന്ദീപ് വാര്യർ കെ. സുരേന്ദ്രനെ തൃശൂരിൽ മത്സരിക്കാൻ വെല്ലുവിളിച്ചു. മണലൂരിൽ കെ.കെ. അനീഷ് കുമാറും, പുതുക്കാട് സ്ഥാനാർഥിയാകാൻ സന്നദ്ധത അറിയിച്ചിട്ടുണ്ട്.
കോൺഗ്രസ് നേതാവ് സന്ദീപ് വാര്യർ ബിജെപി മുൻ സംസ്ഥാന അധ്യക്ഷൻ കെ. സുരേന്ദ്രനെതിരെ രംഗത്ത്. തൃശ്ശൂരിൽ കള്ളവോട്ട് ചേർത്തതിനെ ന്യായീകരിച്ച സുരേന്ദ്രനെതിരെയാണ് അദ്ദേഹം വെല്ലുവിളിയുമായി എത്തിയത്. അടുത്ത നിയമസഭാ തെരഞ്ഞെടുപ്പിൽ തൃശൂർ മണ്ഡലത്തിൽ നിന്ന് മത്സരിക്കാൻ സന്ദീപ് വാര്യർ, കെ. സുരേന്ദ്രനെ വെല്ലുവിളിച്ചു.
സന്ദീപ് വാര്യരുടെ വെല്ലുവിളി ഇങ്ങനെ: “സുരേന്ദ്രാ എന്തിനാണ് വേറെ ആളുകളുടെ പേര് പറയുന്നത്? ആണത്തമുണ്ടെങ്കിൽ, ചങ്കൂറ്റമുണ്ടെങ്കിൽ, അടുത്ത നിയമസഭാ തെരഞ്ഞെടുപ്പിൽ തൃശൂർ ടൗൺ മണ്ഡലത്തിൽ വന്നു മത്സരിക്ക്. കോൺഗ്രസ് നിങ്ങളെ പരാജയപ്പെടുത്തും, യുഡിഎഫ് നിങ്ങളെ പരാജയപ്പെടുത്തും.”
“സുരേന്ദ്രന് ആ ഹെലികോപ്റ്റർ ഒന്ന് തിരിച്ച് തൃശൂരിൽ ലാൻഡ് ചെയ്യണം. കേരളം മുഴുവൻ നടന്ന്, പറന്ന് മത്സരിച്ചതല്ലേ? ഇനി തൃശൂർ കൂടിയല്ലേ ബാക്കിയുള്ളൂ, ഇവിടെക്കൂടി മത്സരിക്ക്, ഞങ്ങൾ തോൽപ്പിച്ച് വിട്ട് കാണിച്ചുതരാം. കോൺഗ്രസ് പ്രസ്ഥാനം ഒന്നിച്ചുനിന്ന്, യുഡിഎഫ് ഒറ്റക്കെട്ടായി തൃശൂർ തിരിച്ചുപിടിക്കാൻ പോവുകയാണ്” എന്നും സന്ദീപ് വാര്യർ കൂട്ടിച്ചേർത്തു.
കൂടാതെ, “ഞങ്ങൾ അറുപതിനായിരം കള്ളവോട്ട് ചേർത്തപ്പോൾ നിങ്ങൾക്ക് തടയാൻ പറ്റിയില്ലല്ലോ, നിങ്ങൾക്ക് പോയി തൂങ്ങിച്ചത്തൂടെ എന്നാണ് സുരേന്ദ്രൻ ഇന്നലെ കേരളത്തിലെ പൊതുസമൂഹത്തോട് ചോദിച്ചത്. ഈ കക്ഷിയല്ലേ പണ്ട് മഞ്ചേശ്വരത്ത് പതിനയ്യായിരം കള്ളവോട്ട് ചെയ്തുവെന്ന് പറഞ്ഞ് കോടതിയിൽ പോയത്? സുരേന്ദ്രൻ തൂങ്ങിച്ചത്തോ? സുരേന്ദ്രൻ തൂങ്ങിച്ചത്തിയില്ല എന്ന് മാത്രമല്ല കേസ് പിൻവലിച്ച് കണ്ടംവഴി ഓടുകയാണ് ചെയ്തത്. ആ സുരേന്ദ്രനാണ് ചോദിക്കുന്നത് നിങ്ങൾക്ക് തൂങ്ങിച്ചത്തൂടെ എന്ന്. എന്ത് ഭാഷയാണത്? എന്നിട്ട് യുഡിഎഫിനോട് ഒരു വെല്ലുവിളിയാണ്, തൃശൂർ നിയമസഭാ മണ്ഡലത്തിൽ അടുത്ത തവണ ധൈര്യമുണ്ടെങ്കിൽ മത്സരിക്കാൻ വാ, ഞങ്ങൾ ശോഭാ സുരേന്ദ്രനെ നിർത്തും എന്ന്.” എന്നും അദ്ദേഹം പറഞ്ഞു.
ശോഭാ സുരേന്ദ്രനെ സുരേന്ദ്രൻ ബലിയാടാക്കുകയാണെന്നും സന്ദീപ് ആരോപിച്ചു. “പഴയ സിനിമയിൽ എനിക്ക് പകരം രമണൻ ഗോദയിലേക്ക് ഇറങ്ങും എന്ന് പറഞ്ഞതുപോലെ. ശോഭ എവിടെയും ജയിക്കരുതെന്ന് സുരേന്ദ്രന് നിർബന്ധമുണ്ട്. അതുകൊണ്ടാണ് അടുത്ത നിയമസഭാ തെരഞ്ഞെടുപ്പിൽ തൃശൂരിൽ തന്നെ കൊണ്ടുവന്ന് നിർത്തണം എന്ന് പറഞ്ഞത്. സുരേന്ദ്രൻ പ്രസിഡന്റായിരുന്ന കാലത്ത് ആ പാവത്തിന് ജയിക്കാവുന്ന ഒരു മണ്ഡലവും കൊടുത്തിട്ടില്ല. അവിടെ മുഴുവൻ അടിവലിയായിരുന്നു. പോയ ഇടങ്ങളിലെല്ലാം ശോഭ സുരേന്ദ്രനെതിരെ പരാതി കൊടുത്തിട്ടുണ്ട്. എന്നിട്ടിപ്പോ വീണ്ടും ആ പാവത്തിനെ ബലിയാടാക്കാനായി ആപ്പുവെച്ചിട്ട് പോയിരിക്കുകയാണ്” എന്നും സന്ദീപ് വാര്യർ വിമർശിച്ചു.
Story Highlights: K Surendran expresses willingness to contest from Thrissur constituency, faces challenge from Sandeep Warrier.
തിരുവനന്തപുരം നഗരസഭയിൽ തിരഞ്ഞെടുപ്പിന് ശേഷം സർപ്രൈസ് മേയറെ പ്രഖ്യാപിക്കുമെന്ന് ബിജെപി നേതാവ് കെ. Read more
തൃശൂർ കേരള കലാമണ്ഡലത്തിൽ വിദ്യാർത്ഥികൾക്കെതിരായ ലൈംഗിക അതിക്രമത്തിൽ പ്രതിയായ അധ്യാപകൻ കനകകുമാറിനായുള്ള അന്വേഷണം Read more
തൃശ്ശൂർ പുത്തൂർ സുവോളജിക്കൽ പാർക്കിൽ സുരക്ഷാ വീഴ്ചയെ തുടർന്ന് 10 മാനുകൾ ചത്തു. Read more
തൃശ്ശൂർ മുതുവറയിൽ ഡിവൈഡർ തകർത്ത് മുൻ എംഎൽഎ അനിൽ അക്കര. മുതുവറ ക്ഷേത്രത്തിന് Read more
തൃശൂർ കുതിരാനിൽ വീണ്ടും കാട്ടാന ഇറങ്ങി. ജനവാസ മേഖലയിലെ റോഡിലൂടെ നടന്നുനീങ്ങിയ കാട്ടാന Read more
തൃശ്ശൂർ കൊടുങ്ങല്ലൂരിൽ മാലിന്യം തള്ളുന്നത് ചോദ്യം ചെയ്ത ഹരിത കർമ്മ സേനാംഗത്തിന് മർദ്ദനമേറ്റു. Read more
തൃശൂരിൽ തമിഴ്നാട് പൊലീസിൻ്റെ കസ്റ്റഡിയിൽ നിന്ന് രക്ഷപ്പെട്ട കുപ്രസിദ്ധ മോഷ്ടാവ് ബാലമുരുകനായി നാലാം Read more
തമിഴ്നാട് പൊലീസിന്റെ കസ്റ്റഡിയിൽ നിന്ന് തൃശൂരിൽ വെച്ച് ചാടിപ്പോയ കുപ്രസിദ്ധ മോഷ്ടാവ് ബാലമുരുകനെ Read more
തൃശ്ശൂർ കുതിരാനിൽ ജനവാസ മേഖലയിൽ വീണ്ടും കാട്ടാന ഇറങ്ങി. പ്രശ്നക്കാരനായ ഒറ്റയാനാണ് ഇന്നലെ Read more
തൃശ്ശൂരിൽ കസ്റ്റഡിയിലിരുന്ന കുപ്രസിദ്ധ മോഷ്ടാവ് ബാലമുരുഗൻ രക്ഷപ്പെട്ടു. തമിഴ്നാട് കോടതിയിൽ ഹാജരാക്കി തിരികെ Read more
