Kozhikode: Firoz's brother Bujair's bail plea in drug case today

**കോഴിക്കോട്◾:** ലഹരി പരിശോധനയ്ക്കിടെ പോലീസിനെ ആക്രമിച്ച കേസിൽ പ്രതിയായ പി കെ ഫിറോസിൻ്റെ സഹോദരൻ പി കെ ബുജൈറിൻ്റെ ജാമ്യ ഹർജി ഇന്ന് കോഴിക്കോട് ജില്ല കോടതി പരിഗണിക്കും. കുന്ദമംഗലം ചൂലാംവയലിൽ ഈ മാസം 2-നാണ് സംഭവം നടന്നത്. ശനിയാഴ്ച വൈകിട്ട് ബുജൈർ ലഹരി ഇടപാട് നടത്താൻ ചൂലാംവയൽ ബസ് സ്റ്റോപ്പിന് മുന്നിൽ എത്തുമെന്ന രഹസ്യവിവരത്തെ തുടർന്ന് പോലീസ് പരിശോധനയ്ക്ക് എത്തിയപ്പോഴായിരുന്നു ആക്രമണം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ജാമ്യം നൽകുന്നതിനെ എതിർത്ത് പോലീസ് ഇന്ന് കോടതിയെ അറിയിക്കും. അന്വേഷണവുമായി പ്രതി സഹകരിക്കുന്നില്ലെന്ന് പോലീസ് നേരത്തെ കോടതിയിൽ റിപ്പോർട്ട് നൽകിയിരുന്നു. ഇതിന്റെ അടിസ്ഥാനത്തിലാണ് കുന്ദമംഗലം ഒന്നാം ക്ലാസ് മജിസ്ട്രേറ്റ് കോടതി ബുജൈറിൻ്റെ ജാമ്യ ഹർജി തള്ളിയത്. ഇതിനെ തുടർന്നാണ് ബുജൈർ ജില്ല കോടതിയെ സമീപിച്ചത്.

സംഭവത്തെക്കുറിച്ച് പോലീസ് പറയുന്നത് ഇങ്ങനെ: ബുജൈർ ലഹരി ഇടപാട് നടത്താൻ ശനിയാഴ്ച വൈകിട്ട് കോഴിക്കോട് ചൂലാംവയൽ ബസ് സ്റ്റോപ്പിന് മുന്നിൽ എത്തുമെന്ന രഹസ്യവിവരം ലഭിച്ചിരുന്നു. ഇതിന്റെ അടിസ്ഥാനത്തിൽ പൊലീസ് പരിശോധന നടത്തുകയായിരുന്നു. വാഹനമടക്കം പരിശോധിക്കണമെന്ന് പറഞ്ഞപ്പോൾ ബുജൈർ പോലീസുകാരെ തള്ളുകയും മുഖത്തും നെഞ്ചിലും ഇടിക്കുകയും ചെയ്തു.

പോലീസ് ഉദ്യോഗസ്ഥനെ ആക്രമിച്ച സോഷ്യൽ മീഡിയ ഇൻഫ്ലുവെൻസർ രേവന്ത് ബാബു അറസ്റ്റിൽ

story_highlight: ലഹരി പരിശോധനക്കിടെ പോലീസിനെ ആക്രമിച്ച കേസിൽ പി കെ ഫിറോസിൻ്റെ സഹോദരൻ പി കെ ബുജൈറിൻ്റെ ജാമ്യ ഹർജി ഇന്ന് കോഴിക്കോട് ജില്ല കോടതി പരിഗണിക്കും.

തിരുവനന്തപുരത്ത് ഭീഷണിപ്പെടുത്തി പണം തട്ടിയ കേസിൽ അഞ്ചംഗസംഘം അറസ്റ്റിൽ