Actor Devan responds to case against Shweta Menon

അമ്മ സംഘടനയിലെ തെരഞ്ഞെടുപ്പില് ശ്വേതക്കെതിരെ മത്സരിക്കുന്ന നടന് ദേവന്, ശ്വേതാ മേനോനെതിരെ കേസെടുത്തതില് പ്രതികരണവുമായി രംഗത്ത്. കേസ് നിലനില്ക്കില്ലെന്നും പരാതിക്കാരന് ദുരുദ്ദേശമുണ്ടെന്നും ദേവന് കൂട്ടിച്ചേര്ത്തു. എഫ്.ഐ.ആര് കേള്ക്കുമ്പോള് തന്നെ കേസിലെ കാര്യങ്ങള് വിഡ്ഢിത്തപരമാണെന്ന് മനസിലാക്കാമെന്നും അദ്ദേഹം പറഞ്ഞു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഒരു കോടതിയിലും ഈ കേസ് നിലനില്ക്കില്ലെന്നും ആദ്യ ദിവസം തന്നെ തള്ളിപ്പോകുമെന്നും ദേവന് അഭിപ്രായപ്പെട്ടു. ഇത് വളരെ വേദനയുണ്ടാക്കുന്ന കാര്യമാണ്, ആരോടും ഇങ്ങനെയൊന്നും ചെയ്യാന് പാടില്ലെന്നും ദേവന് പ്രതികരിച്ചു.

കഴിഞ്ഞ ദിവസം നടി ശ്വേതാ മേനോനെതിരെ കൊച്ചി സെന്ട്രല് പൊലീസ് കേസ് എടുത്തത് അശ്ലീല സിനിമാരംഗങ്ങളില് അഭിനയിച്ചെന്ന് ചൂണ്ടികാട്ടിയാണ്. ഇത് സംബന്ധിച്ച് മാര്ട്ടിന് മേനാച്ചേരി എന്നയാള് നല്കിയ പരാതിയിലാണ് കേസ് രജിസ്റ്റര് ചെയ്തിരിക്കുന്നത്.

ശ്വേതാ മേനോനെതിരായ കേസ്: എഫ്ഐആർ റദ്ദാക്കണമെന്ന് ഹൈക്കോടതിയിൽ

സാമ്പത്തിക ലാഭത്തിനു വേണ്ടി ഗൂഢ ഉദ്ദേശത്തോടുകൂടി സിനിമകളിലും പരസ്യങ്ങളിലും നടി നഗ്നതാ പ്രദര്ശനം നടത്തിയെന്നാണ് പരാതിയില് പറയുന്നത്. സെന്സര് ബോര്ഡ് സര്ട്ടിഫിക്കറ്റ് നല്കി തിയ്യറ്ററുകളില് പ്രദര്ശിപ്പിച്ച സിനിമകളുടെ ചില ഭാഗങ്ങള് ചൂണ്ടികാട്ടിയാണ് പരാതി നല്കിയിരിക്കുന്നത്.

പരാതിക്കാരന്റെ വാദമനുസരിച്ച്, പാലേരിമാണിക്യം, രതിനിര്വേദം, ശ്വേത മേനോന്റെ പ്രസവം ചിത്രീകരിച്ച ബ്ലെസി ചിത്രം കളിമണ്ണ് തുടങ്ങിയ ചിത്രങ്ങളിലെ ചില ഭാഗങ്ങള് സമൂഹമാധ്യമങ്ങളിലും അശ്ലീല സൈറ്റുകളിലും പ്രചരിക്കുന്നുണ്ട്. കുപ്രസിദ്ധി നേടി നടി പണം സമ്പാദിക്കുന്നുവെന്നും പരാതിയില് ആരോപിക്കുന്നു.

ഐടി നിയമത്തിലെ 67 (എ) പ്രകാരവും, ഇമ്മോറല് ട്രാഫിക് നിരോധന നിയമ പ്രകാരവുമാണ് കേസ് എടുത്തിരിക്കുന്നത്. നടി താരസംഘടനയായ അമ്മയുടെ പ്രസിഡന്റ് സ്ഥാനത്തേക്ക് മത്സരിക്കുന്ന ഈ സാഹചര്യത്തിലാണ് കേസ് വന്നിരിക്കുന്നത്. പരാതി വിഡ്ഢിത്തമാണെന്നും ദേവൻ കൂട്ടിച്ചേർത്തു.

ശ്വേതാ മേനോനെതിരായ കേസ്: പ്രതിഷേധവുമായി രവീന്ദ്രൻ

story_highlight:ശ്വേതാ മേനോനെതിരെ കേസെടുത്തതില് പ്രതികരണവുമായി നടന് ദേവന് രംഗത്ത്. കേസ് നിലനില്ക്കില്ലെന്നും പരാതിക്കാരന് ദുരുദ്ദേശമുണ്ടെന്നും ദേവന് കൂട്ടിച്ചേര്ത്തു.