Singers Association Reacts to Adoor Gopalakrishnan's Statement on Pushpavathi

മലയാള സിനിമ പിന്നണി ഗായിക പുഷ്പവതിയെക്കുറിച്ച് സംവിധായകൻ അടൂർ ഗോപാലകൃഷ്ണൻ നടത്തിയ പ്രസ്താവനക്കെതിരെ ശക്തമായ പ്രതിഷേധവുമായി സിംഗേഴ്സ് അസോസിയേഷൻ ഓഫ് മലയാളം മൂവീസ് (സമം). അടൂർ ഗോപാലകൃഷ്ണന്റെ പ്രസ്താവനയോടുള്ള പ്രതികരണവും വിശദാംശങ്ങളുമാണ് ഈ ലേഖനത്തിൽ.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ചലച്ചിത്ര അക്കാദമിയിൽ നിന്നും സാംസ്കാരിക വകുപ്പ് മന്ത്രിയുടെ ഓഫീസിൽ നിന്നും സമം ഭാരവാഹികൾ എന്ന നിലയിലും വ്യക്തിപരമായും പ്രമുഖരായ പിന്നണി ഗായകരെ സിനിമാ കോൺക്ലേവിലേക്ക് ക്ഷണിച്ചിരുന്നു. ഗായകർ ആരെയും ക്ഷണിക്കാതെ കോൺക്ലേവിലേക്ക് എവിടെ നിന്നെങ്കിലും “വലിഞ്ഞു കേറി വന്നവരല്ല,” എന്ന് സമം പ്രസ്താവനയിൽ പറയുന്നു. കേരള സർക്കാരിന്റെ പുതിയ ചലച്ചിത്ര നയ രൂപീകരണവുമായി ബന്ധപ്പെട്ട കോൺക്ലേവിൽ അഭിപ്രായം പറയാൻ ഗായകർക്ക് അവകാശമുണ്ട്.

മലയാള സിനിമയുടെ സമസ്ത മേഖലയിലും പ്രവർത്തിക്കുന്നവർ അഭിപ്രായങ്ങൾ പങ്കുവയ്ക്കുന്ന വേദിയിൽ ഗായകർക്കെന്ത് കാര്യം എന്ന് ചോദിക്കുന്നത് സംഗീതത്തെയും ഗാനങ്ങളെയും കുറിച്ചുള്ള അറിവില്ലായ്മകൊണ്ടാവാം. സ്വന്തം സിനിമയിൽ ഗാനങ്ങളോ പശ്ചാത്തല സംഗീതമോ വേണ്ട എന്ന് തീരുമാനിക്കാൻ അടൂരിന് സ്വാതന്ത്ര്യമുണ്ട്. എന്നാൽ ഗായകരും മറ്റു സംഗീത വിഭാഗക്കാരും സിനിമയുടെ ഭാഗമല്ല എന്ന നിലപാട് പ്രതിഷേധാർഹമാണെന്ന് സമം അഭിപ്രായപ്പെട്ടു.

അടൂര് ഗോപാലകൃഷ്ണനെതിരെ പരാതിയുമായി ദിനു വെയില്

കഴിഞ്ഞ രണ്ട് പതിറ്റാണ്ടിലേറെയായി മലയാള സിനിമയിൽ നിരവധി ശ്രദ്ധേയമായ ഗാനങ്ങൾ ആലപിച്ച ഗായികയും, സമം മുൻ ഭരണസമിതി അംഗവും, കേരള സംഗീത നാടക അക്കാദമി വൈസ് ചെയർപേഴ്സണുമായ പുഷ്പവതിയെ തിരിച്ചറിയാൻ കഴിയാതെ പോയതിൽ നിന്നും അടൂർ ഗോപാലകൃഷ്ണന് സിനിമാസംഗീതത്തെക്കുറിച്ച് അജ്ഞതയുണ്ടെന്ന് വ്യക്തമാവുന്നു.

വിനോദോപാധി എന്ന നിലയിൽ സിനിമയിൽ സംഗീതത്തിനും പാട്ടുകൾക്കുമുള്ള പ്രാധാന്യം ഉൾക്കൊള്ളാനും സിനിമാസംഗീത രംഗത്തുള്ളവരെ അംഗീകരിക്കാനും തയ്യാറാവാത്തതുകൊണ്ടാണ് ഇത്തരം പ്രസ്താവനകൾ അദ്ദേഹം നടത്തിയത്. അദ്ദേഹത്തിന്റെ അറിവില്ലായ്മ കൊണ്ട് ഒരു കലാകാരിയെയും ഗായക സമൂഹത്തെയും അപമാനിച്ച അടൂർ ഗോപാലകൃഷ്ണൻ പൊതുസമൂഹത്തോട് മാപ്പ് പറയണം.

പിന്നണി ഗായിക എന്ന നിലയിൽ സാമൂഹിക വിഷയങ്ങളിൽ ശക്തമായി ഇടപെടുന്ന പുഷ്പവതിക്ക് സമം പൂർണ്ണ പിന്തുണ പ്രഖ്യാപിക്കുന്നുവെന്നും പ്രസ്താവനയിൽ പറയുന്നു. തന്റെ അറിവില്ലായ്മ കൊണ്ട് സമുന്നതയായ ഒരു കലാകാരിയെയും ഗായകസമൂഹത്തെയും അപമാനിച്ച അടൂര് ഗോപാലകൃഷ്ണന് പൊതുസമൂഹത്തോടു മാപ്പു പറയണം.

Story Highlights: ഗായിക പുഷ്പവതിയെക്കുറിച്ച് അടൂര് ഗോപാലകൃഷ്ണന് നടത്തിയ പ്രസ്താവനയ്ക്കെതിരെ പ്രതികരണവുമായി സിംഗേഴ്സ് അസോസിയേഷന് ഓഫ് മലയാളം മൂവീസ് രംഗത്ത്.

അടൂരിന്റെ പ്രസ്താവന വിവാദമാക്കേണ്ടതില്ല; സര്ക്കാരിന്റെ ലക്ഷ്യം പൂര്ത്തിയായി: എ.കെ. ബാലന്