30-year-old frozen embryo baby born; World's oldest baby, Thaddeus

വൈദ്യശാസ്ത്ര ചരിത്രത്തിൽ ഒരു പുതിയ നാഴികക്കല്ലായി, മുപ്പത് വർഷം മുൻപ് ശീതികരിച്ച ഭ്രൂണത്തിൽ നിന്ന് ഒരു കുഞ്ഞ് ജനിച്ചു. ഈ നേട്ടത്തോടെ തദ്ദ്യൂസ് ഡാനിയേൽ പിയേഴ്സ് എന്ന ഈ കുഞ്ഞ് ലോകത്തിലെ ഏറ്റവും പ്രായം ചെന്ന കുഞ്ഞായി റെക്കോർഡ് നേടി. വന്ധ്യത മൂലം വിഷമിക്കുന്ന കുടുംബങ്ങൾക്ക് ഈ സംഭവം പുതിയ പ്രതീക്ഷ നൽകുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

1994-ൽ ക്രിയോപ്രിസർവേഷൻ ചെയ്ത ഭ്രൂണത്തിൽ നിന്നാണ് ഈ കുഞ്ഞിന്റെ ജനനം. കുഞ്ഞിന് ജന്മം നൽകിയ ലിൻഡ്സേയും ടിം പിയേഴ്സും ഏഴ് വർഷത്തോളമായി കുഞ്ഞിനായുള്ള ചികിത്സയിലായിരുന്നു. അതേസമയം തനിക്കൊരു കുഞ്ഞു കൂടി വേണമെന്നായിരുന്നു ആര്ച്ചഡിന്റെ ആഗ്രഹം, പക്ഷേ അന്ന് ഭര്ത്താവ് സമ്മതിച്ചില്ല, പിന്നീട് അയാളുമായി വിവാഹമോചനവും സംഭവിച്ചു. 1994-ൽ ഐവിഎഫ് വഴിയാണ് കുഞ്ഞ് തദ്ദ്യൂസ് ആയി മാറിയ ഭ്രൂണം ആദ്യം സൃഷ്ടിക്കപ്പെട്ടത്.

ഈ അപൂർവ്വമായ കേസ് ഫെർട്ടിലിറ്റി സയൻസിലും വൈദ്യശാസ്ത്രത്തിലും ഒരു പ്രധാന മുന്നേറ്റമാണ്. ഭ്രൂണ ദത്തെടുക്കലിന്റെ സാധ്യതകൾ ഇത് എടുത്തു കാണിക്കുന്നു. 2023-ൽ ലിൻഡ ആർച്ചേർഡ് തന്റെ ഉപയോഗിക്കാത്ത ഭ്രൂണങ്ങൾ ഭ്രൂണ ദത്തെടുക്കലിനായി നൽകാൻ തീരുമാനിച്ചു. ഈ രീതിയിലൂടെ, മറ്റ് കുടുംബങ്ങൾക്ക് ശീതീകരിച്ച ഭ്രൂണങ്ങൾ ദത്തെടുത്ത് കുട്ടികളെ ഗർഭം ധരിക്കാൻ കഴിയും.

ലിൻഡ ആർച്ചേർഡ് എന്ന 62 വയസ്സുള്ള സ്ത്രീയാണ് വർഷങ്ങൾക്ക് മുമ്പ് ഈ ഭ്രൂണം ശീതികരിച്ച് സൂക്ഷിക്കാൻ നൽകിയത്. ആ സമയത്ത് ഒരു ഭ്രൂണം ഉപയോഗിച്ച് അവർ ഒരു പെൺകുഞ്ഞിന് ജന്മം നൽകി. ശേഷിക്കുന്ന ഭ്രൂണങ്ങൾ മരവിപ്പിച്ച് ഒരു ഫെർട്ടിലിറ്റി ക്ലിനിക്കിൽ സൂക്ഷിച്ചു.

മുപ്പത് വർഷത്തിലേറെയായി, ഈ ഭ്രൂണങ്ങൾ ദ്രാവക നൈട്രജനിൽ താഴ്ന്ന താപനിലയിൽ സംരക്ഷിക്കപ്പെട്ടു. കുഞ്ഞിന്റെ മാതാപിതാക്കളായ ലിൻഡ്സേയും ടിം പിയേഴ്സും ഏഴ് വർഷമായി ഒരു കുഞ്ഞിന് വേണ്ടിയുള്ള ചികിത്സയിലായിരുന്നു. എന്നാൽ ഭ്രൂണത്തിന്റെ കസ്റ്റഡി ആര്ച്ചഡിനാണ് ലഭിച്ചത്.

1994 ൽ സൃഷ്ടിക്കപ്പെട്ട ഈ ഭ്രൂണം ദശാബ്ദങ്ങളായി സൂക്ഷിച്ച ശേഷം ഒഹായോയിലെ ഒരു ദമ്പതികൾ ദത്തെടുത്തു. വന്ധ്യതയുമായി മല്ലിടുന്ന കുടുംബങ്ങൾക്ക് പ്രതീക്ഷ നൽകുന്ന ഈ സംഭവം വൈദ്യശാസ്ത്ര രംഗത്തെ ഒരു വലിയ മുന്നേറ്റമാണ്.

Story Highlights: 30 വർഷം മുൻപ് ശീതികരിച്ച ഭ്രൂണത്തിൽ നിന്ന് കുഞ്ഞ് ജനിച്ചു, ലോകത്തിലെ ഏറ്റവും പ്രായം ചെന്ന കുഞ്ഞായി റെക്കോർഡ്.