Cardinal Cleemis Bava: Nuns are the pride of secular India

കൊച്ചി◾: സന്യാസിനിമാർ മതേതര ഭാരതത്തിന്റെ അഭിമാനമാണെന്ന് മലങ്കര കത്തോലിക്കാ മേജർ ആർച്ച് ബിഷപ്പ് കർദിനാൾ മാർ ബസേലിയോസ് ക്ലീമിസ് ബാവ അഭിപ്രായപ്പെട്ടു. ഛത്തീസ്ഗഡിൽ മലയാളി കന്യാസ്ത്രീകളെ അറസ്റ്റ് ചെയ്ത സംഭവത്തിൽ ക്രിസ്ത്യൻ സഭകളുടെ സംയുക്ത പ്രതിഷേധത്തിൽ സംസാരിക്കുകയായിരുന്നു അദ്ദേഹം. സന്യാസിനിമാർക്കെതിരായ നടപടിയിൽ ഭരണാധികാരികൾക്ക് പരിഹാരമുണ്ടാക്കാനുള്ള ഇച്ഛാശക്തി ഉണ്ടാകണമെന്നും കർദിനാൾ ആവശ്യപ്പെട്ടു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സന്യാസിനിമാർക്കെതിരായ ആൾക്കൂട്ട വിചാരണയും ജാമ്യം നിഷേധിച്ചപ്പോളുള്ള ഒരു കൂട്ടം ആളുകളുടെ ആഘോഷവും ആർഷ ഭാരത സംസ്കാരത്തിന് ചേർന്നതാണോ എന്ന് കർദിനാൾ ചോദിച്ചു. സന്യാസിനിമാർ ഭാരതത്തിന്റെ പൈതൃകം പേറുന്ന പെങ്ങന്മാരാണ്. ആർഷ ഭാരതത്തിന് അഭിവാജ്യ ഘടകമാണ് സന്യാസിനിമാരെന്നും അദ്ദേഹം കൂട്ടിച്ചേർത്തു. അവരുടെ സമർപ്പണം എക്കാലവും ഓർമ്മിക്കപ്പെടേണ്ടതാണെന്നും കർദിനാൾ ക്ലീമിസ് ബാവ പറഞ്ഞു.

ഗ്രാമങ്ങളിലാണ് ഭാരതത്തിൻ്റെ ആത്മാവെന്നും അവിടെ ആതുര ശുശ്രൂഷ ചെയ്യുന്നവരാണ് സന്യാസിനിമാരെന്നും അദ്ദേഹം അഭിപ്രായപ്പെട്ടു. സന്യാസിനിമാർ ചെയ്തത് പൊതുസമൂഹത്തെ ബോധ്യപ്പെടുത്തേണ്ടത് അധികാരികളുടെ ധാർമ്മികതയാണ്. തെറ്റിദ്ധരിക്കപ്പെടുന്ന പല കാര്യങ്ങളും സമൂഹത്തിൽ നിലവിലുണ്ടെന്നും കർദിനാൾ കുറ്റപ്പെടുത്തി. ക്രൈസ്തവർ 2000 വർഷമായി മതപരിവർത്തനം നടത്തുന്നു എന്ന് പറയുന്നതിൽ കഴമ്പില്ലെന്നും, അങ്ങനെയാണെങ്കിൽ എന്തുകൊണ്ട് ക്രൈസ്തവർ 2% ത്തിൽ ഒതുങ്ങിയെന്നും അദ്ദേഹം ചോദിച്ചു.

ആറു ദിവസമായി കന്യാസ്ത്രീകൾ ജയിലിൽ കഴിയുകയാണ്. സന്യാസിനിമാർ തെറ്റ് ചെയ്തിട്ടില്ല എന്ന് ബിജെപി സംസ്ഥാന അധ്യക്ഷൻ പറഞ്ഞിട്ടുണ്ട്. എങ്കിൽ അവരെ വിട്ടയക്കാത്തതെന്തെന്നും കർദിനാൾ ചോദിച്ചു. കന്യാസ്ത്രീകളെ തടങ്കലിൽ ആക്കിയവർക്കെതിരെ നടപടി ഉണ്ടാകണമെന്നും അദ്ദേഹം ആവശ്യപ്പെട്ടു.

ഛത്തീസ്ഗഡിൽ അറസ്റ്റിലായ മലയാളി കന്യാസ്ത്രീകളുടെ ജാമ്യാപേക്ഷ ഇന്ന് നൽകില്ല

ഭരണാധികാരികൾക്ക് പരിഹാരം ഉണ്ടാക്കാനുള്ള ഇച്ഛാശക്തി ഉണ്ടാകണം, അപ്പോഴേ സുരക്ഷിതത്വം തോന്നുകയുള്ളു. അവസാന ക്രൈസ്തവൻ അവശേഷിക്കും വരെ ക്രിസ്തീയ സഭകളുണ്ടാകുമെന്നും ക്ലിമീസ് ബാവ വ്യക്തമാക്കി. ഇതെല്ലാം കണ്ട് സുവിശേഷം വായിച്ചിരിക്കുമെന്ന് ആരും പ്രതീക്ഷിക്കേണ്ടതില്ലെന്നും അദ്ദേഹം കൂട്ടിച്ചേർത്തു.

സന്യാസിനിമാർക്കെതിരായ അതിക്രമങ്ങൾക്കെതിരെ ശക്തമായ പ്രതിഷേധം ഉയർത്തണമെന്നും കർദിനാൾ ആഹ്വാനം ചെയ്തു. സഭയുടെ നിലപാട് അദ്ദേഹം വ്യക്തമാക്കുകയും ചെയ്തു.

story_highlight:Malankara Catholic Major Archbishop Cardinal Mar Baselios Cleemis Bava stated that nuns are the pride of secular India, during a protest against the arrest of Malayali nuns in Chhattisgarh.

മലയാളി കന്യാസ്ത്രീകളുടെ ജാമ്യം: എൻഐഎ കോടതിയെ സമീപിക്കാൻ നീക്കം