**തിരുവനന്തപുരം◾:** ഫെഡറൽ ബാങ്ക് കേരള ക്രിക്കറ്റ് ലീഗ് (കെസിഎൽ) സീസൺ-2 ന്റെ ഗ്രാന്റ് ലോഞ്ച് നാളെ നടക്കും. കായിക മന്ത്രി വി. അബ്ദുറഹ്മാൻ നിശാഗന്ധിയിൽ വൈകുന്നേരം 5.30 ന് നടക്കുന്ന ചടങ്ങിൽ കേരള ക്രിക്കറ്റ് ലീഗിന്റെ ഭാഗ്യചിഹ്നങ്ങളുടെ പ്രകാശനം നിർവഹിക്കും. ലീഗിന്റെ പ്രചാരണ പ്രവർത്തനങ്ങളുടെ ഭാഗമായി ട്രോഫി പര്യടന വാഹനത്തിന്റെ ഫ്ലാഗ് ഓഫ് കർമ്മവും മന്ത്രി നിർവഹിക്കും.
വിശിഷ്ടാതിഥികളും ക്രിക്കറ്റ് പ്രേമികളും പൊതുജനങ്ങളും ഉൾപ്പെടെ വലിയൊരു ജനാവലിയെ സാക്ഷിയാക്കി കെസിഎല്ലിന്റെ ഭാഗ്യചിഹ്നം പുറത്തിറക്കും. തിരഞ്ഞെടുക്കുന്ന പേരുകൾക്ക് പ്രത്യേക സമ്മാനവും നൽകുന്നതാണ് എന്നും കെസിഎ അറിയിച്ചു. ആരാധകർക്ക് ഭാഗ്യചിഹ്നങ്ങളുടെ പേര് നൽകാനുള്ള അവസരം കെസിഎ നൽകുന്നുണ്ട്. ഔദ്യോഗിക ഉദ്ഘാടന ചടങ്ങുകൾക്ക് ശേഷം, രാത്രി 8.30 മുതൽ പ്രശസ്ത മ്യൂസിക് ബാൻഡായ ‘അഗം’ അവതരിപ്പിക്കുന്ന സംഗീത പരിപാടിയും അരങ്ങേറും.
സീസൺ-2 വിന്റെ ഭാഗമായി പുറത്തിറക്കുന്ന ആരാധകർക്കായുള്ള ഫാൻ ജേഴ്സിയുടെ പ്രകാശനം ക്രിക്കറ്റ് താരം സഞ്ജു സാംസണും സൽമാൻ നിസാറും ചേർന്ന് നിർവഹിക്കും. ചടങ്ങിൽ വി കെ പ്രശാന്ത് എംഎൽഎ, കേരള ക്രിക്കറ്റ് അസോസിയേഷൻ പ്രസിഡന്റ് ജയേഷ് ജോർജ്ജ്, സെക്രട്ടറി വിനോദ് എസ്.കുമാർ, മറ്റു കെസിഎ ഭാരവാഹികൾ എന്നിവർ പങ്കെടുക്കും. കെസിഎൽ കൗൺസിൽ ചെയർമാൻ നസീർ മച്ചാൻ, കെസിഎ അംഗങ്ങൾ, അദാനി ട്രിവാൻഡ്രം റോയൽസ് ഉടമകളായ പ്രിയദർശൻ, കല്യാണി പ്രിയദർശൻ, കീർത്തി സുരേഷ് എന്നിവരും ചടങ്ങിൽ ഉണ്ടാകും.
രഞ്ജി ട്രോഫിയുടെ ചരിത്രത്തിലാദ്യമായി കേരളത്തിന് ഫൈനൽ പ്രവേശനത്തിന് വഴിയൊരുക്കിയ സൽമാൻ നിസാറിന്റെ ഹെൽമെറ്റിനെ ആസ്പദമാക്കി തയാറാക്കിയ പ്രത്യേക വീഡിയോ വേദിയിൽ പ്രദർശിപ്പിക്കുമെന്ന് കെസിഎ അറിയിച്ചു. ഏരീസ് കൊല്ലം സെയിലേഴ്സ് ഉടമ സോഹൻ റോയ്, കൊച്ചി ബ്ലൂടൈഗേഴ്സ് ഉടമ സുഭാഷ് ജോർജ്ജ് മാനുവൽ, കാലിക്കറ്റ് ഗ്ലോബ്സ്റ്റാർസ് ഉടമ സഞ്ജു മുഹമ്മദ് എന്നിവരും പങ്കെടുക്കും. ഫിനെസ് തൃശൂർ ടൈറ്റൻസ് ഉടമ സജാദ് സേഠ്, ആലപ്പി റിപ്പിൾസ് ഉടമകളായ ടി.എസ് കലാധരൻ, കൃഷ്ണ കലാധരൻ, ഷിബു മാത്യു, റാഫേൽ തോമസ് എന്നിവരും ചടങ്ങിൽ സംബന്ധിക്കും.
ജൂലൈ 21 മുതൽ ആഗസ്റ്റ് 16 വരെ കണ്ണൂർ, കോഴിക്കോട്, തൃശൂർ, കൊച്ചി, ആലപ്പുഴ, കൊല്ലം, തിരുവനന്തപുരം ജില്ലകളിൽ ട്രോഫി ടൂറിനോടൊപ്പം വിവിധ പരിപാടികൾ നടക്കും. ലീഗിന്റെ പ്രചാരം വർദ്ധിപ്പിക്കുന്നതിന്റെ ഭാഗമായാണ് ഈ പരിപാടികൾ സംഘടിപ്പിക്കുന്നത്. ഓരോ ജില്ലകളിലും നാല് ദിവസമാണ് പ്രചരണ വാഹനം പര്യടനം നടത്തുക.
സെലിബ്രിറ്റികളും കായികതാരങ്ങളും പ്രചരണ പരിപാടിയുടെ ഭാഗമാകും. ഉദ്ഘാടന ചടങ്ങിലേക്കും അതിനു ശേഷം നടക്കുന്ന സംഗീതനിശയിലേക്കും പൊതുജനങ്ങൾക്ക് പ്രവേശനം സൗജന്യമാണ്.
story_highlight:Federal Bank Kerala Cricket League (KCL) Season-2 grand launch to be held tomorrow at Nishagandhi, Thiruvananthapuram.
കേരള ക്രിക്കറ്റ് ലീഗിന്റെ രണ്ടാം പതിപ്പിൽ പത്തനംതിട്ടയിൽ നിന്ന് ആറ് താരങ്ങൾ വിവിധ Read more
കേരളത്തിന്റെ ക്രിക്കറ്റ് ആവേശമായ ഫെഡറൽ ബാങ്ക് കേരള ക്രിക്കറ്റ് ലീഗ് (കെസിഎൽ) സീസൺ-2 Read more
കേരള ക്രിക്കറ്റ് ലീഗിനെ (കെസിഎൽ) അടുത്ത അഞ്ച് വർഷത്തിനുള്ളിൽ രാജ്യത്തെ ഏറ്റവും മികച്ച Read more
കേരള ക്രിക്കറ്റ് അസോസിയേഷൻ കേരള ക്രിക്കറ്റ് ലീഗിനെ ടൂറിസവുമായി ബന്ധിപ്പിച്ച് കൂടുതൽ ആഭ്യന്തര Read more
തിരുവനന്തപുരം എ ഡിവിഷൻ ക്രിക്കറ്റ് ലീഗ് മത്സരത്തിൽ അഗോർക് താരം സച്ചിൻ സുരേഷ് Read more
തുമ്പ സെൻ്റ് സേവ്യേഴ്സ് കോളേജും കേരള ക്രിക്കറ്റ് അസോസിയേഷനും (കെ.സി.എ) തങ്ങളുടെ സഹകര്യം Read more
കേരള ക്രിക്കറ്റ് അസോസിയേഷന്റെ നേതൃത്വത്തിൽ തിരുവനന്തപുരത്ത് നടന്ന കെസിഎൽ സീസൺ 2 താരലേലം Read more
കേരള ക്രിക്കറ്റ് ലീഗ് താരലേലത്തിൽ സഞ്ജു സാംസൺ റെക്കോർഡ് തുകയ്ക്ക് കൊച്ചി ബ്ലൂ Read more
കേരള ക്രിക്കറ്റ് ലീഗ് രണ്ടാം സീസണിൻ്റെ താരലേലത്തിൽ സഞ്ജു സാംസണിനെ 26.80 ലക്ഷം Read more
കേരള ക്രിക്കറ്റ് ലീഗ് രണ്ടാം സീസണിനായുള്ള താരലേലം നാളെ തിരുവനന്തപുരത്ത് നടക്കും. ലേലത്തിൽ Read more
Related posts:
ബേസിൽ ജോസഫ് കമന്റ് ചെയ്താൽ ഉടൻ കേരളത്തിലേക്ക്; വൈറലായി വിദേശ വനിതയുടെ വീഡിയോ
ഭൂമിയിലെ ഏറ്റവും ഉയരംകൂടിയ പക്ഷിയെ പുനഃസൃഷ്ടിക്കാൻ കൊളോസൽ ബയോസയൻസ്
വിഴിഞ്ഞം തുറമുഖത്തിന്റെ വളർച്ചയിൽ മഞ്ജു വാര്യരുടെ അഭിനന്ദനം
യുപിഐ ഒഴിവാക്കി പണം ലാഭിക്കാം; അനം മിർസയുടെ വൈറൽ വീഡിയോ
പുത്തൻ ലുക്കിൽ മമ്മൂട്ടി; ചിത്രം വൈറലാകുന്നു
മലേഷ്യയിൽ ക്ഷേത്രത്തിൽ വെച്ച് നടിയെ പീഡിപ്പിച്ചെന്ന് പരാതി
ഭാര്യയ്ക്കൊപ്പം റൊമാൻസുമായി കലാഭവൻ ഷാജോൺ; വീഡിയോ വൈറൽ
കെഎസ്ആർടിസിയിൽ അടിമുടി മാറ്റം; ഇനി ലാൻഡ് ഫോണില്ല, മൊബൈൽ മാത്രം
