ജെ.എസ്.കെ സിനിമയുടെ പുതിയ പതിപ്പ് ഇന്ന് സെൻസർ ബോർഡിന് മുന്നിലെത്തും. സിനിമയുടെ പേര് മാറ്റുന്നതിനും, കോടതി രംഗത്തിലെ ഭാഗം മ്യൂട്ട് ചെയ്യുന്നതിനും നിർമ്മാതാക്കൾ സമ്മതിച്ചതിനെ തുടർന്നാണ് പുതിയ നടപടിക്രമങ്ങൾ. പ്രശ്നപരിഹാരത്തിന് വഴി തുറന്നതോടെ, ഉടൻതന്നെ സിനിമ പുറത്തിറങ്ങുമെന്നാണ് പ്രതീക്ഷിക്കുന്നത്.
സെൻസർ ബോർഡ് ആദ്യം നിർദ്ദേശിച്ച 96 കട്ടുകൾ ഒഴിവാക്കി, പ്രശ്നം രമ്യമായി പരിഹരിക്കാമെന്ന് കോടതിയെ അറിയിച്ചതോടെയാണ് കാര്യങ്ങൾ എളുപ്പമായത്. ഇതിന്റെ ഭാഗമായി സിനിമയുടെ ടൈറ്റിലിൽ ചെറിയ മാറ്റം വരുത്താൻ സെൻസർ ബോർഡ് ആവശ്യപ്പെട്ടു. ജാനകി എന്നതിന് പകരം വി. ജാനകി എന്നോ ജാനകി വി. എന്നോ ചേർക്കാനാണ് നിർദ്ദേശം.
കൂടാതെ, സിനിമയിലെ കോടതി രംഗങ്ങളിലെ ഒരു ഭാഗം നീക്കം ചെയ്യാനും, ജാനകി എന്ന പേര് വരുന്ന ഭാഗം മ്യൂട്ട് ചെയ്യാനും ആവശ്യപ്പെട്ടിട്ടുണ്ട്. ഈ നിർദ്ദേശങ്ങൾ പാലിക്കാൻ നിർമ്മാതാക്കൾ സമ്മതിച്ചിട്ടുണ്ട്. ഇതോടെ സിനിമയുടെ പ്രദർശനത്തിനുള്ള തടസ്സങ്ങൾ നീങ്ങുമെന്നാണ് കരുതുന്നത്.
ബലാത്സംഗത്തിനിരയായ ജാനകിയെ വിസ്തരിക്കുന്ന പ്രതിഭാഗം അഭിഭാഷകൻ ഇതര മതസ്ഥനാണ് എന്നതാണ് സെൻസർ ബോർഡ് ചൂണ്ടിക്കാണിച്ച പ്രധാന പ്രശ്നം. ഈ രംഗത്തിൽ ജാനകിയെന്ന കഥാപാത്രത്തെ അപമാനിക്കുന്ന ചോദ്യങ്ങൾ ഉന്നയിക്കുന്നുവെന്നും, ഇത് മതങ്ങൾ തമ്മിൽ അഭിപ്രായ വ്യത്യാസത്തിന് കാരണമാകുമെന്നും സെൻസർ ബോർഡ് സത്യവാങ്മൂലത്തിൽ പറഞ്ഞിരുന്നു. ഇതിന്റെ അടിസ്ഥാനത്തിലാണ് സെൻസർ ബോർഡ് കൂടുതൽ തിരുത്തലുകൾ ആവശ്യപ്പെട്ടത്.
തുടർന്ന് കോടതി ഹർജിക്കാരുടെ അഭിപ്രായം തേടിയപ്പോൾ, സിനിമയുടെ ടൈറ്റിൽ മാറ്റാൻ തയ്യാറാണെന്ന് നിർമ്മാതാക്കൾ അറിയിച്ചു. പേരിനൊപ്പം ഇനിഷ്യൽ ചേർത്ത് ജാനകി വി. എന്നാക്കി മാറ്റാമെന്ന് അവർ സമ്മതിച്ചു. കോടതി രംഗങ്ങളിൽ പേര് മ്യൂട്ട് ചെയ്യണമെന്ന സെൻസർ ബോർഡിന്റെ നിർദ്ദേശവും നിർമ്മാതാക്കൾ അംഗീകരിച്ചു.
പുതിയ മാറ്റങ്ങളോടെ, ജാനകി വി. വേഴ്സസ് സ്റ്റേറ്റ് ഓഫ് കേരള എന്ന പേരിലാണ് സിനിമ പുറത്തിറങ്ങുക. റീ എഡിറ്റ് ചെയ്ത പതിപ്പ് സമർപ്പിച്ച് മൂന്ന് ദിവസത്തിനകം സിനിമയ്ക്ക് സർട്ടിഫിക്കറ്റ് നൽകാമെന്ന് സെൻസർ ബോർഡും കോടതിയെ അറിയിച്ചിട്ടുണ്ട്. അതിനാൽത്തന്നെ ഉടൻ സിനിമ തീയേറ്ററുകളിൽ എത്തുമെന്നാണ് പ്രതീക്ഷിക്കുന്നത്.
Story Highlights: ജെ.എസ്.കെ സിനിമയുടെ പേര് മാറ്റുന്നതിനും, കോടതി രംഗത്തിലെ ഭാഗം മ്യൂട്ട് ചെയ്യുന്നതിനും നിർമ്മാതാക്കൾ സമ്മതിച്ചു.
മലയാളികളുടെ പ്രിയപ്പെട്ട നടനാണ് ഷൈൻ ടോം ചാക്കോ. തന്റെ പഴയ അഭിമുഖങ്ങളെക്കുറിച്ച് താരം Read more
സിനിമാരംഗത്തെ വനിതകളുടെ പ്രശ്നങ്ങൾ ചർച്ച ചെയ്യുന്ന ‘അമ്മ’ സംഘടനയിൽ മെമ്മറി കാർഡ് വിവാദം Read more
മോഹൻലാലിനെ നായകനാക്കി സത്യൻ അന്തിക്കാട് സംവിധാനം ചെയ്യുന്ന "ഹൃദയപൂർവ്വം" എന്ന ചിത്രത്തിന്റെ ടീസർ Read more
ജാനകി വി.എസ് സ്റ്റേറ്റ് ഓഫ് കേരള സിനിമയുടെ പുതിയ ട്രെയിലർ പുറത്തിറങ്ങി. വിവാദങ്ങൾക്കും Read more
ജെഎസ്കെ സിനിമയ്ക്ക് സെൻസർ ബോർഡിന്റെ അനുമതി ലഭിച്ചു. ചില ഭാഗങ്ങൾ മ്യൂട്ട് ചെയ്തതിൽ Read more
വിവാദ സിനിമയായ ‘ജെഎസ്കെ– ജാനകി വേഴ്സസ് സ്റ്റേറ്റ് ഓഫ് കേരള’യ്ക്ക് സെൻസർ ബോർഡിന്റെ Read more
തമിഴ്നാട്ടിലെ സ്കൂളുകളിൽ പുതിയ ഇരിപ്പിട ക്രമീകരണം നടപ്പിലാക്കുന്നു. ‘സ്ഥാനാർത്ഥി ശ്രീക്കുട്ടൻ’ എന്ന സിനിമയുടെ Read more
സെൻസർ ബോർഡ് പ്രദർശനാനുമതി നിഷേധിച്ച 'ജാനകി വേഴ്സസ് സ്റ്റേറ്റ് ഓഫ് കേരള' എന്ന Read more
'ജെഎസ്കെ - ജാനകി vs സ്റ്റേറ്റ് ഓഫ് കേരള' എന്ന സിനിമയുടെ പേര് Read more
ജാനകി v/s സ്റ്റേറ്റ് ഓഫ് കേരള സിനിമാ വിവാദത്തിൽ സെൻസർ ബോർഡിന്റെ നിലപാടിനെതിരെ Read more
