കൊച്ചി◾: പാകിസ്താൻ സൈനിക മേധാവി അസീം മുനീറിന് അമേരിക്കൻ പ്രസിഡന്റ് ഡൊണാൾഡ് ട്രംപ് വൈറ്റ് ഹൗസിൽ വിരുന്ന് നൽകിയതിനെ തുടർന്ന് പ്രധാനമന്ത്രിക്കെതിരെ വിമർശനവുമായി കോൺഗ്രസ് നേതാവ് സന്ദീപ് വാര്യർ രംഗത്ത്. ഇന്ത്യയുടെ വിദേശകാര്യ വകുപ്പിന്റെ ഭാഗത്തുനിന്നുമുണ്ടായ വീഴ്ചയാണ് ഇതിലൂടെ സംഭവിച്ചതെന്നും അദ്ദേഹം ആരോപിച്ചു. കൂടാതെ, വിഷയത്തിൽ പ്രതിപക്ഷത്തെ വിശ്വാസത്തിലെടുക്കണമെന്നും സന്ദീപ് വാര്യർ ആവശ്യപ്പെട്ടു.
ഇന്ത്യയുടെ വിദേശനയം മോദി സർക്കാർ രാഷ്ട്രീയ നേട്ടങ്ങൾക്കായി ഉപയോഗിക്കുകയാണെന്ന് സന്ദീപ് വാര്യർ ആരോപിച്ചു. പരമ്പരാഗതമായി ഇന്ത്യയോടൊപ്പം നിന്നിരുന്ന റഷ്യയ്ക്ക് പോലും നിലവിൽ മനംമാറ്റം സംഭവിച്ചിരിക്കുകയാണെന്നും അദ്ദേഹം കൂട്ടിച്ചേർത്തു. അയൽരാജ്യങ്ങൾ മുഴുവൻ ശത്രുക്കളായി മാറിയെന്നും ഒരു വിഷയത്തിലും കൃത്യമായ നിലപാടില്ലെന്നും അദ്ദേഹം കുറ്റപ്പെടുത്തി.
മുംബൈ ഭീകരാക്രമണത്തിന് ശേഷം പാകിസ്താൻ നയതന്ത്രപരമായി ലോകത്ത് ഒറ്റപ്പെട്ടതാണ് അവർക്ക് ലഭിച്ച ഏറ്റവും വലിയ തിരിച്ചടിയെന്ന് സന്ദീപ് വാര്യർ പറയുന്നു. പാക്കിസ്ഥാനെതിരെ തെളിവുകളുള്ള ഡോസിയറുമായി ഇന്ത്യൻ നയതന്ത്ര പ്രതിനിധികൾ ലോക രാഷ്ട്രത്തലവന്മാരെ കണ്ടെന്നും അവരെ ബോധ്യപ്പെടുത്തി വൈറ്റ് ഹൗസിന്റെ ഏഴയലത്ത് പോലും പാക്കിസ്ഥാനികളെ അടുപ്പിക്കാതായെന്നും അദ്ദേഹം ഓർമ്മിപ്പിച്ചു.
ഓപ്പറേഷൻ സിന്ദൂറിന് ശേഷം രാജ്യത്തെ ഒറ്റക്കെട്ടായി മുന്നോട്ട് കൊണ്ടുപോകേണ്ട പ്രധാനമന്ത്രി നരേന്ദ്രമോദി അതിന് തയ്യാറായില്ലെന്നും സന്ദീപ് വാര്യർ വിമർശിച്ചു. പാകിസ്താനെ തകർക്കുന്നതിന് പകരം രാഷ്ട്രീയ എതിരാളികളെ ഭിന്നിപ്പിക്കാനാണ് അദ്ദേഹം ശ്രമിച്ചത്. ഇന്ത്യയുടെ വിദേശ നയം വെച്ച് രാജ്യത്തിനകത്ത് രാഷ്ട്രീയം കളിക്കേണ്ടതില്ലെന്നും അദ്ദേഹം അഭിപ്രായപ്പെട്ടു.
വിദേശകാര്യ മന്ത്രി എന്ന നിലയ്ക്ക് സുഷമാ സ്വരാജിനെ പ്രവർത്തിക്കാൻ പോലും അനുവദിക്കാത്ത ഏകാധിപത്യ സ്വഭാവം നരേന്ദ്രമോദി കാണിച്ചു. എസ് ജയശങ്കർ എന്ന വായാടി ബ്യൂറോക്രാറ്റിനെ വിദേശ മന്ത്രിയാക്കി ഇന്ത്യയുടെ വിദേശ ബന്ധങ്ങളെ മുഴുവൻ താറുമാറാക്കിയിരിക്കുകയാണെന്നും അദ്ദേഹം കുറ്റപ്പെടുത്തി.
അമേരിക്കയുടെ പുതിയ നയമാറ്റത്തിന് പിന്നിലെ പരാജയ കാരണങ്ങൾ വിശകലനം ചെയ്യണമെന്നും സന്ദീപ് വാര്യർ ആവശ്യപ്പെട്ടു. ഇന്ത്യയാണ് പ്രധാനമെന്നും ഇന്ത്യയുടെ താൽപ്പര്യങ്ങളാണ് വലുതെന്നും രാഷ്ട്രീയം രണ്ടാമത്തേക്കെ വരേണ്ടതുള്ളുവെന്നും അദ്ദേഹം ഓർമ്മിപ്പിച്ചു. ഇത് നരേന്ദ്രമോദിയും അദ്ദേഹത്തിന്റെ അന്ധ ഭക്തരും മനസ്സിലാക്കണമെന്നും സന്ദീപ് വാര്യർ ഫേസ്ബുക്കിൽ കുറിച്ചു.
ഇന്ത്യയുടെ വിദേശകാര്യ വകുപ്പിന്റെ കടുത്ത വീഴ്ചയാണ് ഇപ്പോൾ സംഭവിച്ചുകൊണ്ടിരിക്കുന്നതെന്നും അദ്ദേഹം കൂട്ടിച്ചേർത്തു. ഇതിന് മുൻപ് മൻമോഹൻ സിംഗ് ഉണ്ടാക്കിയ നയതന്ത്രവിജയം മോദി സർക്കാർ ഇല്ലാതാക്കിയെന്നും അദ്ദേഹം ആരോപിച്ചു. വിദേശനയം എന്നാൽ വെറും വാചകമടിയല്ലെന്നും അദ്ദേഹം കൂട്ടിച്ചേർത്തു.
Story Highlights : Sandeep Warier against Trump asim munir visit
ഓവലിൽ നടന്ന മത്സരത്തിൽ തകർപ്പൻ തിരിച്ചുവരവ് നടത്തി ഇന്ത്യ. ആദ്യ ഇന്നിങ്സിൽ ഇംഗ്ലണ്ടിനെ Read more
1995 ജൂലൈ 31-ന് ജ്യോതി ബസുവും സുഖ്റാമും തമ്മിൽ നടത്തിയ സംഭാഷണത്തോടെ ഇന്ത്യയിൽ Read more
വേൾഡ് ചാമ്പ്യൻഷിപ്പ് ഓഫ് ലെജൻഡ്സ് (WCL) 2025 സെമിഫൈനലിൽ പാകിസ്താൻ ചാമ്പ്യൻസിനെതിരെ കളിക്കേണ്ടതില്ലെന്ന് Read more
അമേരിക്കൻ പ്രസിഡന്റ് ഡൊണാൾഡ് ട്രംപിന്റെ 25% അധിക തീരുവ ചുമത്തിയെന്ന പ്രഖ്യാപനത്തിൽ ഇന്ത്യ Read more
ഓവലിൽ വ്യാഴാഴ്ച ആരംഭിക്കുന്ന ആൻഡേഴ്സൺ- ടെണ്ടുൽക്കർ ട്രോഫിയിലെ അഞ്ചാമത്തെയും അവസാനത്തെയും ടെസ്റ്റ് മത്സരത്തിൽ Read more
ഇന്ത്യാ-പാക് സംഘർഷത്തിൽ അമേരിക്കൻ പ്രസിഡന്റ് ഡൊണാൾഡ് ട്രംപിന്റെ മധ്യസ്ഥതാ വാദം കേന്ദ്രസർക്കാർ പാർലമെന്റിൽ Read more
ഇംഗ്ലണ്ടിനെതിരായ മത്സരത്തിൽ ഇന്ത്യക്ക് ബാറ്റിംഗ് തകർച്ച. ബെൻ സ്റ്റോക്സിൻ്റെയും ജോ റൂട്ടിൻ്റെയും സെഞ്ചുറികളുടെ Read more
ഇന്ത്യയും മാലദ്വീപും തമ്മിലുള്ള ഉഭയകക്ഷി ബന്ധം ശക്തിപ്പെടുത്തുന്നതിന്റെ ഭാഗമായി 4850 കോടി രൂപയുടെ Read more
തുടർച്ചയായി ഏറ്റവും കൂടുതൽ കാലം പ്രധാനമന്ത്രിയായവരുടെ പട്ടികയിൽ നരേന്ദ്ര മോദി രണ്ടാമതെത്തി. ഇന്ദിരാഗാന്ധിയുടെ Read more
ഓള്ഡ് ട്രാഫോര്ഡില് നടന്ന മത്സരത്തില് ഇന്ത്യയുടെ ആദ്യ ഇന്നിംഗ്സ് 358 റണ്സില് അവസാനിച്ചു. Read more
