നെയ്റോബി◾: കെനിയയിലെ നെഹ്റൂറുവിലുണ്ടായ ബസ് അപകടത്തിൽ മരണമടഞ്ഞ മലയാളികളുടെ വിയോഗത്തിൽ മുഖ്യമന്ത്രി പിണറായി വിജയൻ അനുശോചനം അറിയിച്ചു. അപകടത്തിൽ പരുക്കേറ്റവരെ നെയ്റോബിയിലെ ആശുപത്രിയിലേക്ക് മാറ്റുമെന്നും, ആവശ്യമായ സഹായങ്ങൾ നൽകുമെന്നും അധികൃതർ അറിയിച്ചു. ഈ ദുഃഖത്തിൽ പങ്കുചേരുന്നതായും മുഖ്യമന്ത്രി അറിയിച്ചു.
ജൂൺ ഒൻപതിന് വൈകുന്നേരം 7 മണിയോടെയാണ് (കെനിയൻ സമയം വൈകിട്ട് 4.30 ന്) സംഭവം നടന്നത്. 28 പേരടങ്ങുന്ന ഇന്ത്യൻ സംഘം സഞ്ചരിച്ച ടൂറിസ്റ്റ് ബസ് അപകടത്തിൽ പെടുകയായിരുന്നു. ഖത്തറിൽ നിന്നും വിനോദസഞ്ചാരത്തിനായി എത്തിയവരായിരുന്നു ഈ സംഘം. അപകടവിവരം അറിഞ്ഞയുടൻ തന്നെ ലോകകേരള സഭാംഗങ്ങൾ സ്ഥലത്തെത്തി രക്ഷാപ്രവർത്തനത്തിന് നേതൃത്വം നൽകി.
അപകടത്തിൽ പരുക്കേറ്റവരെ നെയ്റോബിയിലെ ആശുപത്രികളിലേക്ക് മാറ്റാൻ ലോക കേരള സഭാംഗങ്ങൾ ഇടപെട്ടിട്ടുണ്ട്. നിലവിൽ നെഹ്റൂറുവിലെ ആശുപത്രികളിൽ കഴിയുന്നവരെ റോഡ് മാർഗ്ഗമോ എയർ ആംബുലൻസ് വഴിയോ നെയ്റോബിയിലെത്തിക്കും. അപകടത്തിൽ മരിച്ചവരുടെ ഭൗതികശരീരങ്ങളും നെയ്റോബിയിലേക്ക് കൊണ്ടുപോകും. നെയ്റോബിയിലെ നക്റൂ, അഗാക്കാൻ ആശുപത്രികളിൽ പരുക്കേറ്റവർക്ക് ചികിത്സ ലഭ്യമാക്കുമെന്നും അറിയിച്ചിട്ടുണ്ട്.
അപകടത്തിൽ നോർക്ക റൂട്സ് വഴി ലോകകേരള സഭാംഗങ്ങൾ ഇടപെട്ട് ആവശ്യമായ നടപടികൾ സ്വീകരിക്കുന്നുണ്ട്. നെയ്റോബിയിലെ ഇന്ത്യൻ ഹൈക്കമ്മീഷൻ മരണപ്പെട്ടവരുടെ വിവരങ്ങൾ ഔദ്യോഗികമായി അറിയിച്ചിട്ടില്ലെങ്കിലും 5 മലയാളികൾ മരണപ്പെട്ടതായാണ് വിവരം. മലയാളി അസോസിയേഷനും ലോകകേരളസഭാ അംഗങ്ങളും രക്ഷാപ്രവർത്തനങ്ങളിൽ പങ്കുചേരുന്നുണ്ട്.
കേരളീയർക്ക് സഹായവും വിവരങ്ങളും ലഭ്യമാക്കുന്നതിനായി നോർക്ക ഗ്ലോബൽ കോൺടാക്ട് സെൻ്ററിൻ്റെ ഹെൽപ്പ് ഡെസ്ക് പ്രവർത്തിക്കുന്നുണ്ട്. 18004253939 (ഇന്ത്യയിൽ നിന്നും ടോൾ ഫ്രീ നമ്പർ), +91-8802012345 (വിദേശത്തു നിന്നും മിസ്ഡ് കോൾ) എന്നീ നമ്പറുകളിൽ ബന്ധപ്പെടാവുന്നതാണ്. നെയ്റോബിയിൽ നിന്നും 150 കിലോമീറ്റർ അകലെ നെഹ്റൂറുവിലായിരുന്നു അപകടം സംഭവിച്ചത്.
അപകടവിവരം അറിഞ്ഞയുടൻ തന്നെ കെനിയയിലെ ലോകകേരള സഭ മുൻ അംഗങ്ങളായ ജി.പി. രാജ്മോഹൻ, സജിത് ശങ്കർ എന്നിവരും കേരള അസോസിയേഷൻ ഓഫ് കെനിയയിലെ അംഗങ്ങളും സ്ഥലത്തെത്തിയിരുന്നു.
Story Highlights : Chief Minister expresses condolences over road accident in Kenya
സംസ്ഥാന സർക്കാരിൻ്റെ സിനിമാ നയ രൂപീകരണത്തിൻ്റെ ഭാഗമായി സംഘടിപ്പിക്കുന്ന കേരള ഫിലിം പോളിസി Read more
വയനാട് മുണ്ടക്കൈ-ചൂരൽമല ദുരന്തത്തിൻ്റെ ഒന്നാം വാർഷികത്തിൽ മുഖ്യമന്ത്രി പിണറായി വിജയൻ സർക്കാരിൻ്റെ ദുരിതാശ്വാസ Read more
കന്യാസ്ത്രീകൾക്കെതിരായ ഛത്തീസ്ഗഢിലെ അതിക്രമം സംഘപരിവാറിൻ്റെ തനി സ്വഭാവത്തിൻ്റെ പ്രകടനമാണെന്ന് മുഖ്യമന്ത്രി പിണറായി വിജയൻ Read more
ഛത്തീസ്ഗഡിൽ മനുഷ്യക്കടത്ത് ആരോപിച്ചു മലയാളി കന്യാസ്ത്രീകളെ അറസ്റ്റ് ചെയ്ത സംഭവം രാജ്യവ്യാപക പ്രതിഷേധത്തിലേക്ക്. Read more
ഛത്തീസ്ഗഢിൽ അറസ്റ്റിലായ കന്യാസ്ത്രീകൾക്ക് നീതി ഉറപ്പാക്കണമെന്ന് ആവശ്യപ്പെട്ട് മുഖ്യമന്ത്രി പിണറായി വിജയൻ പ്രധാനമന്ത്രി Read more
വി.എസ്. അച്യുതാനന്ദന് ക്യാപിറ്റൽ പണിഷ്മെന്റ് നൽകണമെന്ന് ഒരു പെൺകുട്ടി പറഞ്ഞെന്ന സി.പി.ഐ.എം നേതാവ് Read more
കണ്ണൂർ സെൻട്രൽ ജയിലിൽ തടവുകാരൻ ഗോവിന്ദച്ചാമി ചാടിപ്പോയ സംഭവത്തിൽ സമഗ്രമായ അന്വേഷണത്തിന് മുഖ്യമന്ത്രി Read more
സിപിഐ എറണാകുളം ജില്ലാ സമ്മേളനത്തിൽ മുഖ്യമന്ത്രി പിണറായി വിജയനെതിരെ രൂക്ഷ വിമർശനം. മുഖ്യമന്ത്രി Read more
വി.എസ് അച്യുതാനന്ദന്റെ നിര്യാണത്തിൽ അനുശോചനം രേഖപ്പെടുത്തി മുഖ്യമന്ത്രി പിണറായി വിജയൻ. വി.എസ് കേരളത്തിലെ Read more
വി.എസ്. അച്യുതാനന്ദൻ അനന്വയനായ കമ്മ്യൂണിസ്റ്റ് പോരാളിയാണെന്ന് മുഖ്യമന്ത്രി പിണറായി വിജയൻ അഭിപ്രായപ്പെട്ടു. അദ്ദേഹത്തിൻ്റെ Read more
