Partho Ghosh, veteran Bollywood director, passes away at 76

പ്രശസ്ത ഹിന്ദി-ബംഗാളി ചലച്ചിത്ര സംവിധായകൻ പാർഥോ ഘോഷ് (76) അന്തരിച്ചു. അദ്ദേഹത്തിന്റെ നിര്യാണത്തിൽ സിനിമാ ലോകത്ത് അനുശോചനം അറിയിക്കുകയാണ്. ഹൃദയ സംബന്ധമായ അസുഖങ്ങളെ തുടർന്നായിരുന്നു അന്ത്യം സംഭവിച്ചത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഘോഷിന്റെ സിനിമാ ജീവിതത്തിലെ പ്രധാന നേട്ടങ്ങളെക്കുറിച്ച് നോക്കാം. ഏകദേശം പതിനാറോളം ബോളിവുഡ് ചിത്രങ്ങൾ അദ്ദേഹം സംവിധാനം ചെയ്തിട്ടുണ്ട്. കൂടാതെ, നമ്പർ 20 മദ്രാസ് മെയിൽ എന്ന സൂപ്പർഹിറ്റ് ചിത്രം ഹിന്ദിയിലേക്ക് അദ്ദേഹം റീമേക്ക് ചെയ്തു.

1985-ൽ സംവിധായകനായി അദ്ദേഹം തന്റെ കരിയർ ആരംഭിച്ചു. ഘോഷിന്റെ ആദ്യ ചിത്രം ‘100 ഡേയ്സ്’ ആയിരുന്നു. ഈ സിനിമയിൽ ജാക്കി ഷ്രോഫും മാധുരി ദീക്ഷിതും ആയിരുന്നു പ്രധാന കഥാപാത്രങ്ങളെ അവതരിപ്പിച്ചത്.

അഗ്നി സാക്ഷി അദ്ദേഹത്തിന്റെ ശ്രദ്ധേയമായ ചിത്രങ്ങളിൽ ഒന്നാണ്. മനീഷ കൊയ്രാള, ജാക്കി ഷ്രോഫ്, നാനാ പടേക്കർ എന്നിവർ ഈ ചിത്രത്തിൽ അഭിനയിച്ചിട്ടുണ്ട്. 1996-ൽ ആണ് ഈ സിനിമ പുറത്തിറങ്ങിയത്. ഗുലാം – ഇ – മുസ്തഫ, യുഗപുരുഷ് എന്നിവയാണ് മറ്റ് പ്രധാന സിനിമകൾ.

ഗാർഹിക പീഡനത്തെക്കുറിച്ചുള്ള സിനിമയായിരുന്നു അഗ്നിസാക്ഷി. ഈ സിനിമ ഹിന്ദി സിനിമയിൽ ഒരു നാഴികക്കല്ലായി ഇന്നും നിലനിൽക്കുന്നു. ഈ ചിത്രത്തിന് ഫിലിം ഫെയർ അവാർഡ് ലഭിച്ചിട്ടുണ്ട്.

അഗ്നിസാക്ഷിയിലെ അഭിനയത്തിന് നാനാ പടേക്കറിന് മികച്ച നടനുള്ള ദേശീയ അവാർഡ് ലഭിച്ചു. ഘോഷിന്റെ അഗ്നിസാക്ഷി ആ വർഷത്തെ അക്കാദമി അവാർഡിനുള്ള ഇന്ത്യയുടെ ഔദ്യോഗിക എൻട്രിയായിരുന്നു.

Story Highlights: പ്രശസ്ത ഹിന്ദി-ബംഗാളി ചലച്ചിത്ര സംവിധായകൻ പാർഥോ ഘോഷ് (76) അന്തരിച്ചു.