Samsung One UI 7 update with anti-theft features for Galaxy phones

സാംസങ് ഫോൺ ഉപയോഗിക്കുന്ന ഉപയോക്താക്കൾക്കായി പുതിയ അപ്ഡേറ്റുമായി കമ്പനി എത്തിയിരിക്കുന്നു. ഏറ്റവും പുതിയ വൺ യുഐ 7 അപ്ഡേറ്റിൽ സുപ്രധാനമായ ആന്റി-തെഫ്റ്റ് സവിശേഷതകൾ ഉൾപ്പെടുത്തിയിട്ടുണ്ട്. ഇതിന് പുറമെ മറ്റു ചില ഫീച്ചറുകളും ഈ അപ്ഡേറ്റിൽ ലഭ്യമാണ്. ഫോൺ മോഷണം പോയാൽ പോലും കണ്ടെത്താൻ സാധിക്കുന്ന ആന്റി-റോബറി സ്യൂട്ട് ഇതിൽ പ്രധാനപ്പെട്ടതാണ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ആന്റി-റോബറി സ്യൂട്ട് എന്നത് ഐഡന്റിറ്റി ചെക്കും, സെക്യൂരിറ്റി ഡിലെയും ചേർന്നതാണ്. നേരത്തെ ഈ ഫീച്ചറുകൾ സാംസങ് ഗാലക്സി S25 സീരിസിൽ മാത്രമാണ് ലഭ്യമായിരുന്നത്. എന്നാൽ പുതിയ അപ്ഡേറ്റ് വരുന്നതോടെ എല്ലാ സാംസങ് ഗാലക്സി ഫോണുകളിലും ആന്റി-റോബറി സ്യൂട്ട് ലഭ്യമാകും.

തെഫ്റ്റ് പ്രൊട്ടക്ഷൻ സ്യൂട്ടിൽ പ്രധാനമായിട്ടും മൂന്ന് സവിശേഷതകളാണ് ഉണ്ടാകുക. മോഷണം നടക്കുമ്പോൾ ഉണ്ടാകാൻ സാധ്യതയുള്ള ചലനങ്ങൾ ഉപകരണം തിരിച്ചറിയുന്ന തെഫ്റ്റ് ഡിറ്റക്ഷൻ ലോക്കാണ് ഇതിൽ ആദ്യത്തേത്. ഉദാഹരണത്തിന്, ആരെങ്കിലും ഫോൺ തട്ടിപ്പറിച്ചാൽ ഉടൻ തന്നെ സ്ക്രീൻ ലോക്ക് ആകും.

സാംസങ് ഗാലക്സി എസ് 24 അൾട്രായ്ക്ക് ഫ്ലിപ്കാർട്ടിൽ വൻ വിലക്കുറവ്

ഇതിലെ രണ്ടാമത്തെ സവിശേഷത, ദീർഘനേരം നെറ്റ്വർക്കിൽ നിന്ന് ഉപകരണം വിച്ഛേദിക്കപ്പെട്ടാലും സ്ക്രീൻ ലോക്ക് ആകുന്നതാണ്. കൂടാതെ റിമോട്ട് ലോക്ക് ഉപയോഗിക്കുന്നവർക്ക് ഫോൺ നമ്പർ ഉപയോഗിച്ച് വിദൂരത്ത് നിന്നും ഫോൺ ലോക്ക് ചെയ്യാനും സാധിക്കും. ഇത്തരത്തിലുള്ള നിരവധി ഫീച്ചറുകളാണ് പുതിയ അപ്ഡേറ്റിൽ സാംസങ് ഉൾപ്പെടുത്തിയിരിക്കുന്നത്.

പുതിയ ഫീച്ചറുകൾ വഴി ഉപയോക്താക്കൾക്ക് അവരുടെ ഡാറ്റ സുരക്ഷിതമായി സൂക്ഷിക്കാൻ സാധിക്കും. വരും ദിവസങ്ങളിൽ കൂടുതൽ അപ്ഡേറ്റുകളുമായി സാംസങ് എത്തുമെന്നാണ് പ്രതീക്ഷിക്കുന്നത്.

Story Highlights: സാംസങ് ഫോണുകളിൽ പുതിയ ആന്റി-തെഫ്റ്റ് ഫീച്ചറുകളുമായി വൺ യുഐ 7 അപ്ഡേറ്റ് പുറത്തിറങ്ങി.

സാംസങ് ഗാലക്സി എസ് 24 അൾട്രായ്ക്ക് ഫ്ലിപ്കാർട്ടിൽ വൻ വിലക്കുറവ്