കൊച്ചി◾: സംസ്ഥാനത്ത് മഴ ശക്തമായതിനെ തുടർന്ന് വിവിധ ട്രെയിനുകൾ വൈകി ഓടാൻ സാധ്യതയുണ്ടെന്ന് റെയിൽവേ അറിയിച്ചു. പല ദീർഘദൂര ട്രെയിനുകളും വൈകിയാണ് സർവീസ് നടത്തുന്നത്. എറണാകുളത്തും കോഴിക്കോടും തടസ്സപ്പെട്ട ട്രെയിൻ ഗതാഗതം പുനഃസ്ഥാപിച്ചെങ്കിലും, ചില ട്രെയിനുകൾ റദ്ദാക്കിയിട്ടുണ്ട്.
റെയിൽവേ അറിയിപ്പ് പ്രകാരം, ഇന്ന് തിരുവനന്തപുരം നോർത്തിൽ നിന്നും 6.35-ന് പുറപ്പെടേണ്ടിയിരുന്ന ട്രെയിൻ നമ്പർ 12512, തിരുവനന്തപുരം നോർത്ത് – ഗോരഖ്പൂർ രപ്തിസാഗർ സൂപ്പർഫാസ്റ്റ് എക്സ്പ്രസ് റദ്ദാക്കിയിട്ടുണ്ട്. കോഴിക്കോട് – ഷൊർണൂർ റൂട്ടിൽ അരീക്കാട് ഭാഗത്ത് ചുഴലിക്കാറ്റിൽ റെയിൽവേ ട്രാക്കിലേക്ക് മരങ്ങളും വീടിന്റെ മേൽക്കൂരയും വീണതിനെ തുടർന്ന് ഗതാഗതം തടസ്സപ്പെട്ടിരുന്നു. ഇത് കാരണം ഏകദേശം എട്ട് മണിക്കൂറോളം ഗതാഗതം സ്തംഭിച്ചു. റെയിൽവേ ഉദ്യോഗസ്ഥരും അഗ്നിരക്ഷാസേനയും നാട്ടുകാരും ചേർന്ന് മരങ്ങൾ മുറിച്ചു നീക്കിയും മേൽക്കൂര മാറ്റിയുമാണ് ഗതാഗതം പുനസ്ഥാപിച്ചത്.
തിരുവനന്തപുരം – മധുര അമൃത എക്സ്പ്രസ്, തിരുവനന്തപുരം – നിലമ്പൂർ രാജ്യറാണി എക്സ്പ്രസ്, തിരുവനന്തപുരം – മംഗലാപുരം എക്സ്പ്രസ് എന്നീ ട്രെയിനുകൾ ഏകദേശം മൂന്ന് മണിക്കൂർ വൈകിയാണ് ഓടുന്നത്. ഇതിനുപുറമെ, മംഗലാപുരം കന്യാകുമാരി പരശുറാം എക്സ്പ്രസ് ഒരു മണിക്കൂർ 10 മിനിറ്റ് വൈകിയാണ് പുറപ്പെട്ടത്.
ഷൊർണൂർ ഭാഗത്തേക്കുള്ള ട്രാക്കിലെ ഗതാഗതം ഏകദേശം മൂന്ന് മണിക്കൂറിനകം പുനഃസ്ഥാപിച്ചു. എന്നാൽ, കോഴിക്കോട് ഭാഗത്തേക്കുള്ള ട്രാക്കിലെ ഗതാഗതം പുനഃസ്ഥാപിക്കാൻ കൂടുതൽ സമയം എടുത്തു. എറണാകുളം കളമശ്ശേരിക്കും അമ്പാട്ടുകാവിനും ഇടയിൽ മരം വീണ് റെയിൽവേ വൈദ്യുതി ലൈൻ പൊട്ടിവീണതിനെ തുടർന്ന് ഗതാഗതം തടസ്സപ്പെട്ടു.
അതേസമയം, തിരുവനന്തപുരം – മംഗലാപുരം മാവേലി എക്സ്പ്രസ് നാല് മണിക്കൂറോളം വൈകിയാണ് ഓടുന്നത്. തിരുവനന്തപുരം നിലമ്പൂർ റോഡ് രാജ്യധാനി എക്സ്പ്രസ് മൂന്നു മണിക്കൂറിലധികം വൈകിയാണ് സർവീസ് നടത്തുന്നത്.
മരങ്ങൾ ട്രാക്കിലേക്ക് വീണ സമയത്ത് അതുവഴി വരികയായിരുന്ന ജാം നഗർ എക്സ്പ്രസ് മീറ്ററുകൾക്കപ്പുറം നിർത്തുവാൻ കഴിഞ്ഞതുകൊണ്ട് വലിയ അപകടം ഒഴിവായി.
Story Highlights : Kerala Rain; Various trains running late in state
സംസ്ഥാനത്ത് ഇന്ന് 11 ജില്ലകളിൽ യെല്ലോ അലേർട്ട് പ്രഖ്യാപിച്ചു. കേന്ദ്ര കാലാവസ്ഥ വകുപ്പിന്റെ Read more
സംസ്ഥാനത്ത് വീണ്ടും കാലവർഷം സജീവമാകുന്നു. അടുത്ത അഞ്ചുദിവസം ശക്തമായ മഴയ്ക്ക് സാധ്യതയെന്ന് കേന്ദ്ര Read more
സംസ്ഥാനത്ത് ശക്തമായ മഴ തുടരുമെന്ന് കാലാവസ്ഥാ വകുപ്പ്. കണ്ണൂർ, കാസർഗോഡ് ജില്ലകളിൽ യെല്ലോ Read more
സംസ്ഥാനത്ത് രണ്ട് ദിവസം കൂടി ഒറ്റപ്പെട്ട ശക്തമായ മഴ തുടരുമെന്ന് കാലാവസ്ഥാ വകുപ്പ് Read more
സംസ്ഥാനത്ത് ഇന്ന് ഒറ്റപ്പെട്ട ശക്തമായ മഴയ്ക്ക് സാധ്യതയുണ്ടെന്ന് കാലാവസ്ഥാ വകുപ്പ് അറിയിച്ചു. കോഴിക്കോട്, Read more
സംസ്ഥാനത്ത് അടുത്ത നാല് ദിവസത്തേക്ക് ഒറ്റപ്പെട്ട ശക്തമായ മഴ തുടരാൻ സാധ്യതയുണ്ടെന്ന് കാലാവസ്ഥാ Read more
സംസ്ഥാനത്ത് സാധാരണ മഴ തുടരുമെന്ന് കാലാവസ്ഥാ വകുപ്പ് അറിയിച്ചു. വടക്കൻ കേരളത്തിൽ ഇന്ന് Read more
ചെങ്ങന്നൂരിനും മാവേലിക്കരയ്ക്കും ഇടയിൽ ട്രാക്കിൽ മരം വീണ് ഗതാഗതം തടസ്സപ്പെട്ടു. കോട്ടയം ഭാഗത്തേക്കുള്ള Read more
സംസ്ഥാനത്ത് അടുത്ത മൂന്ന് ദിവസത്തേക്ക് ശക്തമായ മഴ തുടരുമെന്ന് കേന്ദ്ര കാലാവസ്ഥാ വകുപ്പ്. Read more
സംസ്ഥാനത്ത് കനത്ത മഴയെ തുടർന്ന് ഏഴ് ജില്ലകളിലെ വിദ്യാഭ്യാസ സ്ഥാപനങ്ങൾക്ക് ഇന്ന് അവധി Read more
