വിതുര(തിരുവനന്തപുരം)◾ മരുതാമല മക്കിയിലെ ഐസർ ക്യാംപസിനു സമീപം ജനവാസ മേഖലയിലേക്കിറങ്ങിയ കാട്ടാനക്കൂട്ടത്തെ വനം വകുപ്പ് വിരട്ടി കാട് കയറ്റി. പടക്കം പൊട്ടിച്ചാണ് കാട്ടാനക്കൂട്ടത്തെ കാട് കയറ്റിയത്. കുട്ടി ഉൾപ്പെടെ ഏഴോളം കാട്ടാനകളാണ് ജനവാസ മേഖലയിലേക്ക് കഴിഞ്ഞ ദിവസം രാത്രിയോടെ എത്തിയത്. തുടർന്ന് പരിഭ്രാന്തരായ പ്രദേശ വാസികൾ വനം വകുപ്പിനെ വിവരം അറിയിച്ചു. തുടർന്ന് വനം വകുപ്പ് ഉദ്യോഗസ്ഥർ പടക്കം പൊട്ടിച്ച് വിരട്ടി ആനക്കൂട്ടത്തെ കാട് കയറ്റുകയായിരുന്നു.
പ്രദേശത്ത് വന്യ മൃഗ ശല്യം രൂക്ഷമാണ്. കാട്ടാനകൾ ഇടയ്ക്കിടയ്ക്ക് ജനവാസ മേഖലയിലേക്ക് എത്തുന്ന പതിവുണ്ട്. നാരകത്തിൻകാലയിലും വലിയകാലയിലും കാട്ടനക്കൂട്ടം എത്താറുണ്ട്. കല്ലാർ മൊട്ടമൂട്, ആറാനക്കുഴി മേഖലയിലും പേപ്പാറ പൊടിയക്കാല, തച്ചരുകാല, ഒരുപറ മേഖലയിലും ശല്യം രൂക്ഷമാണ്. ഇവിടങ്ങളിൽ കൃഷി നാശവും പതിവാണ്. മണലി വാർഡിലെ ചെമ്പിക്കുന്ന്, കല്ലൻകുടി മേഖലയിലും കാട്ടാനക്കൂട്ടം പതിവായി എത്താറുണ്ട്. കാട്ടാനയ്ക്ക് പുറമേ പോത്ത്, പന്നി, കുരങ്ങ് എന്നിവയുടെ ശല്യവും പലയിടങ്ങളിലുമുണ്ട്.
കാട്ടാന ഉൾപ്പെടെയുള്ളവയുടെ ശല്യം അകറ്റാൻ പര്യാപ്തമായ മാർഗങ്ങൾ അവലംബിക്കണമെന്ന ആവശ്യം ശക്തമാണ്. എന്നാൽ ഇതു പലപ്പോഴും അവലംബിക്കപ്പെടുന്നില്ല. കഴിഞ്ഞ മൂന്ന് വർഷത്തിനിടെ ലക്ഷക്കണക്കിന് രൂപയുടെ നാശമാണ് കാട്ടാന ആക്രമണത്തിലൂടെ മാത്രമായി ഉണ്ടായത്. ആക്രമണത്തിൽ പരുക്കേറ്റ് ഇപ്പോഴും ചികിത്സയിൽ കഴിയുന്നവരുമുണ്ട്. ഇവരിൽ ഭൂരിഭാഗം പേർക്കും ജോലിക്കു പോകാൻ കഴിയുന്നില്ലെന്നത് പല കുടുംബങ്ങളുടെയും സാമ്പത്തിക അടിത്തറ ഇളക്കിയിട്ടുണ്ട്.
Story Highlights: വിതുരയിൽ ജനവാസ മേഖലയിലിറങ്ങിയ കാട്ടാനക്കൂട്ടത്തെ വനം വകുപ്പ് പടക്കം പൊട്ടിച്ച് തുരത്തി.
ബന്ദിപ്പൂർ ടൈഗർ റിസർവിൽ കാട്ടാനയ്ക്കൊപ്പം സെൽഫിയെടുക്കാൻ ശ്രമിച്ച വിനോദസഞ്ചാരിക്ക് 25,000 രൂപ പിഴ Read more
പാലക്കാട് ജനവാസ മേഖലയിൽ തമ്പടിച്ച പി.ടി ഫൈവ് എന്ന കാട്ടാനയെ ചികിത്സ നൽകി Read more
അട്ടപ്പാടിയിൽ 200 കിലോയോളം ചന്ദനവുമായി എട്ട് പേരെ വനം വകുപ്പ് പിടികൂടി. തമിഴ്നാട് Read more
വയനാട് ചൂരാൽമലയിൽ കാട്ടാന ശല്യം രൂക്ഷമായതിനെ തുടർന്ന് നാട്ടുകാർ മുണ്ടക്കൈ ഫോറസ്റ്റ് സ്റ്റേഷൻ Read more
തമിഴ്നാട് വനം വകുപ്പിന്റെ കസ്റ്റഡിയിൽ മറയൂർ സ്വദേശിയായ ആദിവാസി മരിച്ച സംഭവത്തിൽ രണ്ട് Read more
തൃശൂർ വീരൻകുടി അരേക്കാപ്പ് ഉന്നതിയിലെ ആളുകളെ പുനരധിവസിപ്പിക്കാനുള്ള നടപടികൾ വനംവകുപ്പ് തടസ്സപ്പെടുത്തുന്നു. ഇതോടെ Read more
പ്ലാസ്റ്റിക് മാലിന്യം വനത്തിൽ തള്ളിയെന്നാരോപിച്ച് ഭിന്നശേഷിയുള്ള കുടുംബത്തിനെതിരെ കള്ളക്കേസെടുത്ത സംഭവം ഉണ്ടായി. അറസ്റ്റ് Read more
വിതുരയിൽ യൂത്ത് കോൺഗ്രസ് നടത്തിയ പ്രതിഷേധ സമരത്തിൽ യുവാവിന് ചികിത്സ വൈകിയെന്ന ആരോപണം Read more
വിതുരയിൽ ആംബുലൻസ് തടഞ്ഞതിനെ തുടർന്ന് രോഗി മരിച്ച സംഭവത്തിൽ കേരള ഗവണ്മെന്റ് മെഡിക്കൽ Read more
ഇടുക്കി ശാന്തന്പാറയില് സിഎച്ച്ആര് ഭൂമിയില് വന് മരംകൊള്ള. ഏലം പുനര്കൃഷിയുടെ മറവില് 150-ലധികം Read more
