രജൗരി◾: രജൗരിയിൽ പാക് ഷെല്ലാക്രമണത്തിൽ ജമ്മു സർക്കാരിലെ ഒരു ഉദ്യോഗസ്ഥൻ കൊല്ലപ്പെട്ടു. ജമ്മു കശ്മീർ അഡ്മിനിസ്ട്രേഷൻ സർവീസസിലെ ഉദ്യോഗസ്ഥനായ രാജ്കുമാർ താപ്പയാണ് ഷെല്ലാക്രമണത്തിൽ ദാരുണമായി കൊല്ലപ്പെട്ടത്. അദ്ദേഹത്തിന്റെ വിയോഗത്തിൽ മുഖ്യമന്ത്രി ഒമർ അബ്ദുള്ള അനുശോചനം രേഖപ്പെടുത്തി.
സംഭവത്തിൽ ജമ്മു കശ്മീർ മുഖ്യമന്ത്രി ഒമർ അബ്ദുള്ള ദുഃഖം രേഖപ്പെടുത്തി സ്ഥിരീകരണം നൽകി. കൊല്ലപ്പെട്ട രാജ്കുമാർ താപ്പ അഡീഷണൽ ജില്ലാ വികസന കമ്മീഷണറായിരുന്നു. അദ്ദേഹത്തിന്റെ വീട് ഷെല്ലാക്രമണത്തിൽ തകരുകയും അദ്ദേഹം അതിൽ മരണപ്പെടുകയുമായിരുന്നു. അതിർത്തിയിൽ പാകിസ്താൻ പ്രകോപനം തുടരുന്ന ഈ സാഹചര്യത്തിലാണ് ദാരുണമായ സംഭവം അരങ്ങേറിയത്.
അതേസമയം, അർധരാത്രിയിലും പാകിസ്താൻ അതിർത്തിയിൽ പ്രകോപനം തുടർന്നു. എന്നാൽ, പാകിസ്താന്റെ നീക്കങ്ങൾക്ക് ഇന്ത്യൻ സൈന്യം ശക്തമായ തിരിച്ചടി നൽകി. പൂഞ്ചിൽ ഇന്ത്യൻ വ്യോമാതിർത്തി കടന്ന പാകിസ്താന്റെ ബാലിസ്റ്റിക് മിസൈലുകൾ ഇന്ത്യ തകർത്തു. 26 കേന്ദ്രങ്ങളെ ലക്ഷ്യമിട്ട് വന്ന പാക് ഡ്രോണുകളും തകർത്തിട്ടുണ്ട്.
ശ്രീനഗറിലും ജമ്മുവിലും ഇന്ത്യ-പാക് പോർവിമാനങ്ങൾ നേർക്കുനേർ എത്തിയത് സ്ഥിതിഗതികൾ കൂടുതൽ ഗുരുതരമാക്കി. ഇതിനിടെ ശ്രീനഗറിൽ മൂന്നാം തവണയും സ്ഫോടനങ്ങളുണ്ടായി. തുടർന്ന് ജമ്മു, ഉറി, കുപ്വാര എന്നിവിടങ്ങളിൽ ബ്ലാക്ക്ഔട്ട് പ്രഖ്യാപിച്ചു.
Devastating news from Rajouri. We have lost a dedicated officer of the J&K Administration Services. Just yesterday he was accompanying the Deputy CM around the district & attended the online meeting I chaired. Today the residence of the officer was hit by Pak shelling as they…
— Omar Abdullah (@OmarAbdullah) May 10, 2025
പാകിസ്താന്റെ നാല് വ്യോമത്താവളങ്ങളിൽ സ്ഫോടനമുണ്ടായെന്ന റിപ്പോർട്ടുകളും പുറത്തുവരുന്നുണ്ട്. നൂർഖാൻ, റാഫിഖി, മുറിദ് വ്യോമത്താവളങ്ങളിലാണ് സ്ഫോടനമുണ്ടായത്. പാക് മാധ്യമങ്ങൾ ഈ ആക്രമണം സ്ഥിരീകരിച്ചിട്ടുണ്ട്. ഇന്ത്യക്കെതിരായ ഓപ്പറേഷന് ‘ബുര്യാൻ ഉൾ മറൂസ്’ എന്ന് പേരിട്ട് പാകിസ്താൻ ശക്തമായി തിരിച്ചടിക്കുമെന്നും അവകാശപ്പെട്ടു.
അതിനിടെ, രാജ്യത്തെ 32 വിമാനത്താവളങ്ങൾ ഈ മാസം 15 വരെ അടച്ചിടാൻ തീരുമാനിച്ചു. പാകിസ്താന്റെ വ്യോമപാത പൂർണമായും അടച്ചു. സ്ഥിതിഗതികൾ അതീവ ഗുരുതരമായി തുടരുന്നു.
Story Highlights: രജൗരിയിൽ പാക് ഷെല്ലാക്രമണത്തിൽ ജമ്മു സർക്കാരിലെ ഉദ്യോഗസ്ഥൻ കൊല്ലപ്പെട്ടു.
ജമ്മു കശ്മീരിൽ അരുന്ധതി റോയിയുടെ പുസ്തകങ്ങൾ ഉൾപ്പെടെ 25 പുസ്തകങ്ങൾക്ക് സർക്കാർ നിരോധനം Read more
ജമ്മു കശ്മീരിൽ സിആർപിഎഫ് ജവാൻമാർ സഞ്ചരിച്ച ബസ് കൊക്കയിലേക്ക് മറിഞ്ഞുണ്ടായ അപകടത്തിൽ മൂന്ന് Read more
ജമ്മു കാശ്മീരിലെ പൂഞ്ചിൽ പാകിസ്താൻ വെടിനിർത്തൽ ലംഘിച്ചു. ഓപ്പറേഷൻ സിന്ദൂറിന് ശേഷം ഇതാദ്യമായാണ് Read more
ജമ്മു കശ്മീർ മുൻ ലഫ്റ്റനന്റ് ഗവർണർ സത്യപാൽ മാലിക് (79) അന്തരിച്ചു. ദീർഘനാളായി Read more
ജമ്മു കശ്മീരിൽ ഓപ്പറേഷൻ അഖാൽ മൂന്നാം ദിവസവും തുടരുന്നു. കുൽഗാമിലെ അഖാലിൽ ഏഴ് Read more
ജമ്മു കശ്മീരിൽ നിയന്ത്രണ രേഖയിൽ നുഴഞ്ഞുകയറാൻ ശ്രമിച്ച രണ്ട് ലഷ്കർ ഭീകരരെ സൈന്യം Read more
ജമ്മു കശ്മീരിൽ സുരക്ഷാ സേന നടത്തിയ ഓപ്പറേഷനിൽ പഹൽഗാം ഭീകരാക്രമണത്തിന്റെ മുഖ്യ സൂത്രധാരനെ Read more
ജമ്മു കശ്മീരിലെ ശ്രീനഗറിനടുത്ത് ലിഡ്വാസിൽ സുരക്ഷാ സേനയും ഭീകരരും തമ്മിൽ നടന്ന ഏറ്റുമുട്ടലിൽ Read more
പഹൽഗാമിലെ സുരക്ഷാ വീഴ്ചയുടെ ഉത്തരവാദിത്തം ഏറ്റെടുക്കുന്നതായി ജമ്മു കശ്മീർ ലഫ്റ്റനന്റ് ഗവർണർ മനോജ് Read more
ജമ്മു കശ്മീരിൽ ഭീകരവാദികളുടെ നുഴഞ്ഞുകയറ്റ ശ്രമം സുരക്ഷാസേന തകർത്തു. പാക് അധീന കശ്മീർ Read more
