Shahid Afridi Blames India for Pahalgam Attack

പഹൽഗാം ഭീകരാക്രമണത്തിന് പിന്നിൽ ഇന്ത്യ തന്നെയാണെന്ന ഗുരുതര ആരോപണവുമായി പാകിസ്താൻ മുൻ ക്രിക്കറ്റ് താരം ഷാഹിദ് അഫ്രീദി രംഗത്തെത്തി. അരമണിക്കൂറോളം ആക്രമണം നടന്നിട്ടും ഒരു ഇന്ത്യൻ സൈനികൻ പോലും സ്ഥലത്തെത്തിയില്ലെന്ന് അഫ്രീദി ചൂണ്ടിക്കാട്ടി. സ്വന്തം ജനങ്ങളെ കൊന്നിട്ട് പാകിസ്താനു മേൽ പഴിചാരുന്നതാണ് ഇന്ത്യയുടെ രീതിയെന്നും അദ്ദേഹം കുറ്റപ്പെടുത്തി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പാകിസ്താനുമായുള്ള എല്ലാ ക്രിക്കറ്റ് ബന്ധങ്ങളും ഉപേക്ഷിക്കണമെന്ന് മുൻ ഇന്ത്യൻ താരങ്ങളായ സൗരവ് ഗാംഗുലിയും ശ്രീവത്സ് ഗോസ്വാമിയും ആവശ്യപ്പെട്ടു. ഭീകരതയോട് ഒരു വിട്ടുവീഴ്ചയും പാടില്ലെന്നും കടുത്ത നടപടികൾ സ്വീകരിക്കണമെന്നും ഗാംഗുലി വാർത്താ ഏജൻസിയായ എഎൻഐയോട് പറഞ്ഞു. എല്ലാ വർഷവും ഇത്തരം സംഭവങ്ങൾ ആവർത്തിക്കുന്നത് ഗൗരവമേറിയ കാര്യമാണെന്നും അദ്ദേഹം കൂട്ടിച്ചേർത്തു.

2008ന് ശേഷം ഇന്ത്യ പാകിസ്താനിൽ ക്രിക്കറ്റ് കളിച്ചിട്ടില്ല. ഇന്ത്യയും പാകിസ്താനും തമ്മിലുള്ള അവസാന ക്രിക്കറ്റ് പരമ്പര 2013ലായിരുന്നു. പാക്കിസ്ഥാൻ ആതിഥേയരായ ചാംപ്യൻസ് ട്രോഫിയിൽ ഇന്ത്യയുടെ മത്സരങ്ങൾ ദുബായിലാണ് നടന്നത്. പഹൽഗാം ഭീകരാക്രമണത്തിന് ശേഷം ഇനി ഒരിക്കലും പാക്കിസ്ഥാനുമായി ക്രിക്കറ്റ് പരമ്പരകൾ ഉണ്ടാകില്ലെന്ന് ബിസിസിഐ വൈസ് പ്രസിഡന്റ് രാജീവ് ശുക്ല പ്രതികരിച്ചു.

പഹൽഗാം ആക്രമണം ക്രൂരമെന്ന് ട്രംപ്; കശ്മീർ പ്രശ്നത്തിൽ പ്രതീക്ഷ

നിലവിൽ ഐസിസി ടൂർണമെന്റുകളിലും ഏഷ്യാകപ്പിലുമാണ് ഇന്ത്യയും പാകിസ്താനും ഏറ്റുമുട്ടുന്നത്. പാക്കിസ്ഥാൻ ടീമുമായുള്ള സഹകരണം പൂർണമായും അവസാനിപ്പിക്കാനുള്ള സമയമാണിതെന്നും ഗാംഗുലി അഭിപ്രായപ്പെട്ടു. പഹൽഗാം ഭീകരാക്രമണത്തിൽ ഇന്ത്യയുടെ പങ്ക് അന്വേഷിക്കണമെന്നാണ് അഫ്രീദിയുടെ ആവശ്യം.

Story Highlights: Former Pakistani cricketer Shahid Afridi controversially blamed India for the Pahalgam terror attack.

പെഹൽഗാം ആക്രമണം: ഭീകരരും സൈന്യവും തമ്മിൽ വെടിവെപ്പ്