**ബെംഗളൂരു◾:** പ്രമുഖ ശാസ്ത്രജ്ഞനും ഐഎസ്ആർഒയുടെ മുൻ ചെയർമാനുമായിരുന്ന ഡോ. കെ. കസ്തൂരിരംഗൻ (84) അന്തരിച്ചു. ബെംഗളൂരുവിലെ വസതിയിൽ ഇന്ന് രാവിലെ പത്തേമുക്കാലോടെയായിരുന്നു അന്ത്യം. 1994 മുതൽ 2003 വരെ ഐഎസ്ആർഒയുടെ അഞ്ചാമത്തെ ചെയർമാനായി സേവനമനുഷ്ഠിച്ച അദ്ദേഹം, ഇന്ത്യയുടെ ബഹിരാകാശ ഗവേഷണ രംഗത്ത് നിർണായക പങ്കുവഹിച്ചു. രാജ്യസഭാംഗം, ആസൂത്രണ കമ്മീഷൻ അംഗം, ബഹിരാകാശ വകുപ്പ് സെക്രട്ടറി തുടങ്ങിയ നിരവധി പ്രധാന പദവികളും അദ്ദേഹം വഹിച്ചിട്ടുണ്ട്.
ഐഎസ്ആർഒയെ സാങ്കേതിക മികവിന്റെ കേന്ദ്രമാക്കി മാറ്റുന്നതിൽ കസ്തൂരിരംഗന്റെ സംഭാവനകൾ നിസ്തുലമാണ്. ഇൻസാറ്റ്-2, ഐആർഎസ്-1എ, 1ബി തുടങ്ങിയ ഉപഗ്രഹങ്ങളുടെ വികസനത്തിന് അദ്ദേഹം നേതൃത്വം നൽകി. ഭാസ്കര-1, ഭാസ്കര-2 എന്നീ ഭൗമനിരീക്ഷണ ഉപഗ്രഹങ്ങളുടെ പ്രോജക്ട് ഡയറക്ടറായും പ്രവർത്തിച്ചു.
പിഎസ്എൽവി, ജിഎസ്എൽവി തുടങ്ങിയ വിക്ഷേപണ വാഹനങ്ങളുടെ വിജയകരമായ വിക്ഷേപണത്തിനും ചന്ദ്രയാൻ-1 പദ്ധതിയുടെ അടിത്തറ പാകുന്നതിനും കസ്തൂരിരംഗൻ മുൻകൈയെടുത്തു. 2017 മുതൽ 2020 വരെ ദേശീയ വിദ്യാഭ്യാസ നയത്തിന്റെ ഡ്രാഫ്റ്റിങ് കമ്മിറ്റി ചെയർമാനായും സേവനമനുഷ്ഠിച്ചു.
മാധവ് ഗാഡ്ഗിലിന്റെ പശ്ചിമഘട്ട പരിസ്ഥിതി വിദഗ്ദ്ധ സമിതി റിപ്പോർട്ടിനെതിരെ എതിർപ്പുയർന്നപ്പോൾ, കേന്ദ്ര വനം പരിസ്ഥിതി മന്ത്രാലയം രൂപീകരിച്ച പുനപരിശോധന കമ്മിഷന്റെ തലപ്പത്തും കസ്തൂരിരംഗനെത്തി. 1940-ൽ എറണാകുളത്ത് സി.എം. കൃഷ്ണസ്വാമി അയ്യരുടെയും വിശാലാക്ഷിയുടെയും മകനായി ജനിച്ചു.
എറണാകുളം ശ്രീരാമവർമ്മ ഹൈസ്കൂളിലായിരുന്നു പ്രാഥമിക വിദ്യാഭ്യാസം. അഹമ്മദാബാദിലെ ഫിസിക്കൽ റിസർച്ച് ലബോറട്ടറിയിൽ ജോലി ചെയ്തുകൊണ്ട് എക്സ്പിരിമെന്റൽ ജ്യോതിശാസ്ത്രത്തിൽ ഡോക്ടറേറ്റ് നേടി. ഐഎസ്ആർഒയിൽ ചേരുന്നതിന് മുമ്പ് അഹമ്മദാബാദിലെ ഫിസിക്കൽ റിസർച്ച് ലബോറട്ടറിയിൽ ജോലി ചെയ്തിരുന്നു.
2003 മുതൽ 2009 വരെ രാജ്യസഭാംഗമായിരുന്നു. പത്മശ്രീ, പത്മഭൂഷൺ, പത്മവിഭൂഷൺ തുടങ്ങിയ ബഹുമതികൾ നേടിയിട്ടുണ്ട്. രാജ്യം പത്മവിഭൂഷൺ നൽകി ആദരിച്ചിട്ടുണ്ട്.
Story Highlights: Former ISRO chairman K. Kasturirangan passed away at 84 in Bengaluru.
മുതിർന്ന മാധ്യമപ്രവർത്തകനും KUWJ മുൻ ജനറൽ സെക്രട്ടറിയുമായിരുന്ന എസ്. ജയശങ്കർ അന്തരിച്ചു. അദ്ദേഹത്തിന് Read more
മാധ്യമപ്രവർത്തകനും അവതാരകനുമായിരുന്ന സനൽ പോറ്റി വൃക്ക രോഗത്തെ തുടർന്ന് ചികിത്സയിലിരിക്കെ 55-ാം വയസ്സിൽ Read more
കൊയിലാണ്ടി എംഎൽഎ കാനത്തിൽ ജമീലയുടെ നിര്യാണത്തിൽ മുഖ്യമന്ത്രി പിണറായി വിജയൻ അനുശോചിച്ചു. യാഥാസ്ഥിതിക Read more
കൊയിലാണ്ടി എംഎൽഎ കാനത്തിൽ ജമീലയുടെ നിര്യാണത്തിൽ അനുശോചനം രേഖപ്പെടുത്തി സിപിഐഎം നേതാവ് പി.കെ. Read more
ബോളിവുഡ് ഇതിഹാസം ധർമേന്ദ്ര (89) അന്തരിച്ചു. മുംബൈയിലെ വസതിയിലായിരുന്നു അന്ത്യം. ആറ് പതിറ്റാണ്ടോളം Read more
രാജ്യത്തിന്റെ സൈനിക വാര്ത്താവിനിമയ ശേഷിക്ക് കരുത്ത് പകരുന്ന സിഎംഎസ്-03 ഉപഗ്രഹം വിജയകരമായി വിക്ഷേപിച്ചു. Read more
മലയാള കാർട്ടൂൺ രംഗത്ത് തന്റേതായ വ്യക്തിമുദ്ര പതിപ്പിച്ച കാർട്ടൂണിസ്റ്റ് ചെല്ലൻ (ടി.പി.ഫിലിപ്പ്) അന്തരിച്ചു. Read more
സൈനിക സേവനങ്ങൾക്ക് കരുത്ത് പകരുന്ന ഇന്ത്യയുടെ വാർത്താവിനിമയ ഉപഗ്രഹമായ സി.എം.എസ് -03 (ജിസാറ്റ് Read more
പ്രശസ്ത ബോളിവുഡ് നടൻ സതീഷ് ഷാ 74-ാം വയസ്സിൽ അന്തരിച്ചു. വൃക്ക സംബന്ധമായ Read more
പ്രമുഖ പരസ്യ ചിത്ര സംവിധായകനും ഓഗിൽവി ഇന്ത്യയുടെ എക്സിക്യൂട്ടീവ് ചെയർമാനുമായ പീയൂഷ് പാണ്ഡെ Read more
