**മാനന്തവാടി◾:** വയനാടിന്റെ തനത് സംസ്കാരവും കലാരൂപങ്ങളും ലോകത്തിന് മുന്നിൽ അവതരിപ്പിക്കുന്നതിനായി ടൂറിസം വകുപ്പ് ഒരുക്കുന്ന ‘വയനാട് വൈബ്സ്’ എന്ന സംഗീതോത്സവം ഏപ്രിൽ 27 ന് വൈകുന്നേരം 5.30 ന് മാനന്തവാടി വള്ളിയൂർക്കാവ് ഗ്രൗണ്ടിൽ നടക്കും. ടൂറിസം പൊതുമരാമത്ത് വകുപ്പ് മന്ത്രി പി.എ മുഹമ്മദ് റിയാസ്, പട്ടികജാതി പട്ടികവർഗ്ഗ വകുപ്പ് മന്ത്രി ഒ.ആർ. കേളു, ജനപ്രതിനിധികൾ, രാഷ്ട്രീയ-സാംസ്കാരിക രംഗത്തെ പ്രമുഖർ തുടങ്ങിയവർ പരിപാടിയിൽ സംബന്ധിക്കും.
ഈ സംഗീതോത്സവം വയനാട്ടിലെ ടൂറിസം മേഖലയെ കൂടുതൽ സജീവമാക്കുമെന്നും വിനോദസഞ്ചാരികളെ ആകർഷിക്കുമെന്നും മന്ത്രി പി.എ മുഹമ്മദ് റിയാസ് പറഞ്ഞു. വയനാടിന്റെ തനത് കലാരൂപങ്ങൾക്കും താളങ്ങൾക്കുമൊപ്പം ദേശീയ തലത്തിൽ ശ്രദ്ധേയരായ കലാകാരന്മാരുടെ സംഗീത പ്രകടനങ്ങളും പരിപാടിയുടെ ഭാഗമാകും.
ചലച്ചിത്ര സംവിധായകൻ ടികെ രാജീവ്കുമാർ ആണ് ഈ സംഗീതോത്സവത്തിന്റെ സംവിധാനം നിർവഹിക്കുന്നത്. പ്രശസ്ത ഡ്രമ്മർ ശിവമണിയും കീബോർഡിസ്റ്റ് സ്റ്റീഫൻ ദേവസിയും ചേർന്നൊരുക്കുന്ന താളവാദ്യ പ്രകടനമാണ് പരിപാടിയുടെ മുഖ്യ ആകർഷണം. ആട്ടം കലാവേദിയുടെ 25 ശിങ്കാരിമേളക്കാരും ഈ അവതരണത്തിൽ പങ്കെടുക്കും.
കാണികളെ കൂടി പങ്കാളികളാക്കുന്ന തത്സമയ താളവാദ്യ പ്രകടനമായിരിക്കും ഇത്. പാത്രങ്ങൾ, കമ്പുകൾ, കോലുകൾ, പലകകൾ തുടങ്ങിയവ ഉപയോഗിച്ച് കാണികൾക്കും സംഗീത പ്രകടനത്തിൽ പങ്കുചേരാം. വാദ്യോപകരണങ്ങൾ ഉപയോഗിക്കേണ്ട ആവശ്യമില്ല.
വയനാടിന്റെ താളവും ലയവും സമന്വയിപ്പിക്കുന്ന ‘തുടിതാളം’ എന്ന കലാസംഘത്തിന്റെ അവതരണവും സംഗീതോത്സവത്തിലെ മറ്റൊരു ആകർഷണമാണ്. ഇരുപതോളം കലാകാരന്മാർ പങ്കെടുക്കുന്ന ഈ പരിപാടിയിൽ വയനാടിന്റെ തനത് കലാരൂപങ്ങൾ അരങ്ങേറും. തുടർന്ന്, പ്രശസ്ത പിന്നണി ഗായകൻ ഹരിചരണിന്റെ നേതൃത്വത്തിൽ ഒരു ലൈവ് കച്ചേരിയും അരങ്ങേറും.
സ്റ്റാർ സിംഗർ ഫെയിം ശിഖ പ്രഭാകരനും ഈ കച്ചേരിയിൽ പങ്കെടുക്കും. സംഗീത പ്രേമികൾക്ക് പുത്തൻ അനുഭവം പകരുന്നതായിരിക്കും ഈ പരിപാടി.
Story Highlights: Wayanad Vibes, a music festival showcasing Wayanad’s culture, will be held on April 27th at Valliyoorkavu Ground, Mananthavady.
വയനാട് മുള്ളന്കൊല്ലിയിലെ തങ്കച്ചനെ കള്ളക്കേസിൽ കുടുക്കിയ സംഭവത്തിൽ കോൺഗ്രസ് പ്രവർത്തകർക്കെതിരെ സി.പി.ഐ.എം രംഗത്ത്. Read more
ഓണാഘോഷത്തിന്റെ ഭാഗമായി തിരുവനന്തപുരത്ത് ടൂറിസം വകുപ്പ് സംഘടിപ്പിച്ച ഡ്രോൺ ഷോ ശ്രദ്ധേയമായി. യൂണിവേഴ്സിറ്റി Read more
വയനാട് എം.പി എന്ന നിലയിൽ പ്രിയങ്ക ഗാന്ധിക്ക് വീഴ്ച പറ്റിയെന്ന് എൽ.ഡി.എഫ് ആരോപിച്ചു. Read more
വയനാട് തുരങ്കപാതയുടെ നിർമ്മാണോദ്ഘാടന വേദിയിൽ മുഖ്യമന്ത്രി പിണറായി വിജയനെ താമരശ്ശേരി രൂപത ബിഷപ്പ് Read more
കേരളത്തിൻ്റെ സ്വപ്ന പദ്ധതിയായ കോഴിക്കോട് - വയനാട് ജില്ലകളെ ബന്ധിപ്പിക്കുന്ന ഇരട്ട തുരങ്കപാതയുടെ Read more
വയനാട് താമരശ്ശേരി ചുരത്തിൽ കനത്ത മണ്ണിടിച്ചിലിനെ തുടർന്ന് ഗതാഗത നിയന്ത്രണം ഏർപ്പെടുത്തി. മണ്ണിടിച്ചിൽ Read more
വയനാട് ബത്തേരിയിൽ ബിജെപി നേതാവിൻ്റെ വീട്ടിൽ തീയിട്ട് മോഷണം. സുൽത്താൻബത്തേരി കോട്ടക്കുന്ന് ശാന്തിനഗർ Read more
വയനാട് കൽപറ്റയിൽ എട്ടാം ക്ലാസ് വിദ്യാർത്ഥിക്ക് പ്ലസ് വൺ വിദ്യാർത്ഥികളുടെ റാഗിങ്. കൽപ്പറ്റ Read more
കേരള സർക്കാരിൻ്റെ ടൂറിസം വകുപ്പിന് കീഴിൽ പ്രവർത്തിക്കുന്ന ചേർത്തല ഗവൺമെൻ്റ് ഫുഡ് ക്രാഫ്റ്റ് Read more
ബാണാസുര സാഗർ അണക്കെട്ടിന്റെ വൃഷ്ടി പ്രദേശങ്ങളിൽ ശക്തമായ മഴ തുടരുന്നതിനാൽ സ്പിൽവെ ഷട്ടർ Read more
