India Imposes Sanctions on Pakistan After Pahalgam Attack

**പഹൽഗാം (ജമ്മു കശ്മീർ)◾:** പഹൽഗാമിലെ ഭീകരാക്രമണത്തിന് പിന്നാലെ പാകിസ്ഥാനെതിരെ കടുത്ത നടപടികളുമായി ഇന്ത്യ രംഗത്ത്. പാകിസ്ഥാൻ പൗരന്മാർക്ക് വിസ നൽകുന്നത് ഇന്ത്യ നിർത്തിവച്ചു. നിലവിൽ ഇന്ത്യയിലുള്ള പാകിസ്ഥാൻ പൗരന്മാർ 48 മണിക്കൂറിനകം രാജ്യം വിടണമെന്നും കേന്ദ്ര മന്ത്രിസഭാ സമിതിയോഗം തീരുമാനിച്ചു. ഈ വിവരം വിദേശകാര്യ സെക്രട്ടറി വിക്രം മിശ്രി മാധ്യമങ്ങളെ അറിയിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇരുരാജ്യങ്ങളിലെയും നയതന്ത്ര ഉദ്യോഗസ്ഥരുടെ എണ്ണം 55 ൽ നിന്ന് 30 ആയി കുറയ്ക്കാനും തീരുമാനമായി. പാകിസ്ഥാൻ ഹൈക്കമ്മീഷനിലെ പ്രതിരോധ വ്യോമ, നാവിക അറ്റാഷെ ഒരാഴ്ചയ്ക്കുള്ളിൽ ഇന്ത്യ വിടണമെന്നും നിർദേശം നൽകി. സിന്ധു നദീജല കരാർ റദ്ദാക്കാനും മന്ത്രിസഭാ സമിതിയോഗം തീരുമാനിച്ചു. അതോടൊപ്പം, കനത്ത ജാഗ്രത തുടരണമെന്ന് സേനകൾക്ക് നിർദേശം നൽകിയിട്ടുണ്ട്.

പാകിസ്ഥാൻ മിഷനിലെ ഇന്ത്യൻ ഉദ്യോഗസ്ഥരെ ഉടൻ പിൻവലിക്കുമെന്ന് കേന്ദ്ര പ്രതിരോധമന്ത്രി രാജ്നാഥ് സിങ്ങിന്റെ അധ്യക്ഷതയിൽ ചേർന്ന യോഗം തീരുമാനിച്ചു. അട്ടാരി ചെക്ക് പോസ്റ്റ് വഴി പാകിസ്ഥാനിൽ പോയ ഇന്ത്യക്കാർ മെയ് ഒന്നിനകം മടങ്ങിയെത്തണമെന്നും നിർദേശമുണ്ട്. ഇന്ത്യയിൽ നിന്നുള്ള ഭക്ഷ്യവസ്തുക്കൾ ഉൾപ്പെടെ എത്തുന്ന അട്ടാരി ചെക്ക് പോസ്റ്റ് അടയ്ക്കാനും ഇന്ത്യ ഒരുങ്ങുന്നു.

സെയ്ഫ് അലി ഖാൻ ആക്രമണം: വിരലടയാളങ്ങൾ പൊരുത്തപ്പെടുന്നില്ല

രണ്ടര മണിക്കൂറിലേറെ നീണ്ടുനിന്ന യോഗത്തിൽ പാകിസ്ഥാനെ സാമ്പത്തികമായി ഉൾപ്പെടെ ബാധിക്കുന്ന നിർണായക തീരുമാനങ്ങളാണ് ഇന്ത്യ സ്വീകരിച്ചത്. പഹൽഗാമിലെ ഭീകരാക്രമണത്തിൽ 26 വിനോദസഞ്ചാരികളാണ് കൊല്ലപ്പെട്ടത്. പാകിസ്ഥാനുമായുള്ള നയതന്ത്ര ബന്ധത്തിൽ കടുത്ത നിയന്ത്രണങ്ങളാണ് ഇന്ത്യ ഏർപ്പെടുത്തിയിരിക്കുന്നത്.

Story Highlights: Following the Pahalgam terror attack, India has imposed strict diplomatic and economic sanctions against Pakistan, including visa restrictions and the suspension of the Indus Water Treaty.

പഹൽഗാം ആക്രമണം: പാകിസ്ഥാൻ അടിയന്തര യോഗം വിളിച്ചു