Slow 5G Speed? Change these settings to boost your internet speed!

5G ഉപയോഗിച്ചിട്ടും ഇന്റർനെറ്റ് വേഗത കുറവാണെങ്കിൽ നിങ്ങളുടെ ഫോണിലെ ചില സെറ്റിങ്സുകൾ മാറ്റുന്നതിലൂടെ പ്രശ്നം പരിഹരിക്കാനാകും. വീഡിയോ ബഫർ ആവുന്നതും, പേജുകൾ ലോഡ് ആവാത്തതുമായ പ്രശ്നങ്ങൾ ഒഴിവാക്കാൻ ഈ സെറ്റിങ്സുകൾ സഹായിക്കും. നെറ്റ്വർക്ക് പ്രശ്നമല്ലെങ്കിൽ ഫോണിലെ സെറ്റിങ്സുകൾ ശരിയാക്കുന്നതിലൂടെ വേഗത കൂട്ടാൻ സാധിക്കും.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ആദ്യം പരിശോധിക്കേണ്ടത് ഫോണിലെ നെറ്റ്വർക്ക് പ്രിഫറൻസ് ആണ്. ഫോൺ സെറ്റിങ്സിൽ ‘സിം കാർഡ് ആൻഡ് മൊബൈൽ നെറ്റ്വർക്ക്’ (SIM Card & Mobile Networks) എന്ന ഓപ്ഷൻ തിരഞ്ഞെടുക്കുക. അതിനു ശേഷം ‘പ്രിഫേർഡ് നെറ്റ്വർക്ക് ടൈപ്പ്’ (Preferred Network Type) എന്നത് ‘5G/4G/3G/2G (Auto)’ എന്നതിലാണോ എന്ന് ഉറപ്പുവരുത്തുക. ഇത് ശരിയായ രീതിയിൽ അല്ലങ്കിൽ ഇന്റർനെറ്റ് വേഗത കുറയാൻ സാധ്യതയുണ്ട്.

ഡാറ്റാ സേവർ ഓൺ ആയി കിടക്കുകയാണെങ്കിൽ ഓഫ് ചെയ്യുക. ഡാറ്റാ സേവർ മോഡ് ഓൺ ആയാൽ നെറ്റിന്റെ സ്പീഡ് കുറയാൻ സാധ്യതയുണ്ട്. അതിനാൽ തന്നെ ‘ഡാറ്റ സേവർ’ (Data Saver) അല്ലെങ്കിൽ ‘ലോ ഡാറ്റ മോഡ്’ (Low Data Mode) എന്നിവ ഓഫ് ചെയ്താൽ നെറ്റിന്റെ സ്പീഡ് കൂട്ടാൻ സാധിക്കും.

എങ്കിലും, നെറ്റിന്റെ വേഗതയിൽ മാറ്റമില്ലെങ്കിൽ ‘എപിഎൻ’ (APN – Access Point Names) സെറ്റിങ്സ് റീസെറ്റ് ചെയ്തുനോക്കുക. ഇത് നെറ്റ്വർക്ക് സെറ്റിങ്സുകൾ പുനഃസ്ഥാപിക്കാൻ സഹായിക്കും അതുവഴി ഇന്റർനെറ്റ് വേഗത മെച്ചപ്പെടുത്താനാകും.

റീസ്റ്റാർട്ട് ചെയ്യുക, അല്ലെങ്കിൽ ഫ്ലൈറ്റ് മോഡ് ഓൺ ആക്കി ഓഫ് ആക്കുക. ഇത് നെറ്റ്വർക്ക് സിഗ്നൽ ശക്തിപ്പെടുത്താനും നെറ്റ്വർക്ക് റിഫ്രഷ് ചെയ്യാനും സഹായിക്കും.

ഈ രീതിയിൽ ലളിതമായ ചില മാറ്റങ്ങൾ വരുത്തുന്നതിലൂടെ 5G ഉപയോഗിക്കുമ്പോൾ ഉണ്ടാകുന്ന നെറ്റ് സ്പീഡ് കുറവ് പരിഹരിക്കാനാകും.

Also Read: ജിമെയിൽ ഉപയോഗിച്ച് ഗൂഗിൾ ജെമിനിയെ പരിശീലിപ്പിക്കുന്നോ? മറുപടിയുമായി ടെക് ഭീമൻ

Also Read: പുതിയ ഫീച്ചറുമായി വാട്ട്സ്ആപ്പ്; ഇനിമുതൽ ടെക്സ്റ്റ് നോട്ടുകൾ പോസ്റ്റ് ചെയ്യാം

Story Highlights: Improve your 5G speed by adjusting phone settings, including network preference and data saver mode.