ജൂലൈ 23ന് കേന്ദ്ര ധനമന്ത്രി നിര്‍മല സീതാരാമന്‍ മൂന്നാം മോദി സര്ക്കാരിന്റെ ആദ്യ പൊതു ബജറ്റ് അവതരിപ്പിക്കും. പാര്‍ലമെന്‍റ് ബജറ്റ് സമ്മേളനം ജൂലൈ 22 മുതല്‍ ആരംഭിച്ച് ഓഗസ്റ്റ് 12 വരെ നീണ്ടുനില്‍ക്കും. ബജറ്റ് അവതരണത്തിന് ശേഷമുള്ള ദിവസങ്ങളില്‍ വിശദമായ ചര്‍ച്ചകള്‍ നടക്കും.
ഇത്തവണത്തെ ബജറ്റ് ചരിത്രപരമാകുമെന്ന് രാഷ്ട്രപതി ദ്രൗപതി മുര്‍മു നയപ്രഖ്യാപന വേളയില്‍ പാര്‍ലമെന്റില്‍ പ്രസ്താവിച്ചിരുന്നു. സാമൂഹികവും സാമ്പത്തികവുമായ നിരവധി പ്രധാന പ്രഖ്യാപനങ്ങള്‍ ബജറ്റില്‍ ഉണ്ടാകുമെന്ന സൂചനകളും ലഭിച്ചിട്ടുണ്ട്. ലോക്‌സഭാ തെരഞ്ഞെടുപ്പിന്റെ പശ്ചാത്തലത്തില്‍ ഫെബ്രുവരിയില്‍ കേന്ദ്രസര്‍ക്കാര്‍ ഇടക്കാല ബജറ്റ് അവതരിപ്പിച്ചിരുന്നു.
മോദി സര്‍ക്കാര്‍ മൂന്നാമതും അധികാരമേറ്റതിന് ശേഷമുള്ള ആദ്യ പൂര്‍ണ ബജറ്റാണ് ജൂലൈ 23ന് അവതരിപ്പിക്കുന്നത്. ഈ ബജറ്റില്‍ സര്ക്കാരിന്റെ നയങ്ങളും പദ്ധതികളും വ്യക്തമാകുമെന്ന് പ്രതീക്ഷിക്കപ്പെടുന്നു. രാജ്യത്തിന്റെ സാമ്പത്തിക വളര്‍ച്ചയ്ക്കും സാമൂഹിക ക്ഷേമത്തിനും ഊന്നല്‍ നല്‍കുന്ന നിര്‍ദ്ദേശങ്ങള്‍ ഉണ്ടാകുമെന്നാണ് വിലയിരുത്തല്‍.
