Shocking visuals of Shirur landslide emerge, rescue efforts continue

കർണാടകയിലെ ഷിരൂരിൽ സംഭവിച്ച മണ്ണിടിച്ചിലിന്റെ ഞെട്ടിപ്പിക്കുന്ന ദൃശ്യങ്ങൾ ട്വന്റിഫോറിന് ലഭിച്ചു. ഗംഗാവലി പുഴയുടെ മറുകരയിലുള്ള നാട്ടുകാരാണ് ഈ ദൃശ്യങ്ങൾ പകർത്തിയത്. മണ്ണിടിച്ചിൽ മൂലം വാഹനങ്ങൾ പുഴയിലേക്ക് വീണതായി നാട്ടുകാർ പറയുന്നത് ഈ ദൃശ്യങ്ങൾ സ്ഥിരീകരിക്കുന്നു. ജനങ്ങൾ ഭയന്നോടുന്നതും വ്യക്തമായി കാണാം. ജില്ലാ ഭരണകൂടം ഈ ദൃശ്യങ്ങൾ പരിശോധിച്ചുവരികയാണ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മണ്ണിടിച്ചിൽ സംഭവിക്കുന്നതും, മണ്ണ് പുഴയിലേക്ക് ഇടിഞ്ഞുവീഴുന്നതും, തുടർന്ന് നദിയിൽ ഉയർന്ന തിരമാലകൾ ഉണ്ടാകുന്നതും ദൃശ്യങ്ങളിൽ വ്യക്തമാണ്. ഇത് കണ്ട് നാട്ടുകാർ ഭയന്നോടുന്നതും, ചിലർ വീണുപോകുന്നതും കാണാം. രക്ഷപ്പെടാൻ പരസ്പരം വിളിച്ചുപറയുന്നതും ദൃശ്യങ്ങളിൽ വ്യക്തമാണ്. അതേസമയം, കോഴിക്കോട് സ്വദേശി അർജുനെ കണ്ടെത്താനുള്ള ശ്രമങ്ങൾ തുടരുകയാണ്.

റഡാർ പരിശോധനയിൽ വീണ്ടും സിഗ്നൽ ലഭിച്ചതായി റിപ്പോർട്ടുണ്ട്. പുഴയിലെ മൺകൂനയിൽ നാവികസേന നടത്തിയ പരിശോധനയിലാണ് സിഗ്നൽ കണ്ടെത്തിയത്. നാളെ ഈ സ്ഥലത്ത് വിശദമായ പരിശോധന നടത്തും. അർജുനെ കണ്ടെത്താൻ ഇന്റലിജന്റ് ഒബ്ജക്റ്റ് ഡിറ്റക്ഷൻ സിസ്റ്റം ഉപയോഗിക്കാനും തീരുമാനിച്ചിട്ടുണ്ട്. ആർമിയിലെ മുൻ മേജർ ജനറൽ എം. ഇന്ദ്രബാലിന്റെ സഹായവും തേടിയിട്ടുണ്ട്. ജി.പി.ആർ സാങ്കേതികവിദ്യ ഉപയോഗിച്ച് ലോറി കണ്ടെത്താനാകുമെന്ന പ്രതീക്ഷയിലാണ് ദൗത്യസംഘം.

രാകേഷ് ശർമ്മയ്ക്ക് ലൈഫ് ടൈം അച്ചീവ്മെൻ്റ് പുരസ്കാരം

പാകിസ്താനിൽ മിന്നൽ പ്രളയത്തിൽ 300-ൽ അധികം പേർ മരിച്ചു