വയനാട് മുണ്ടക്കൈ ഉരുള്പ്പൊട്ടലിൽ കാണാതായവർക്കായുള്ള തിരച്ചിൽ പ്രവർത്തനങ്ങൾ തുടരുന്നു. ചാലിയാർ തീരത്തുനിന്ന് രണ്ട് മൃതദേഹഭാഗങ്ങൾ കണ്ടെത്തിയതായി റിപ്പോർട്ടുകൾ വന്നിരുന്നു.
ദുരന്തത്തിൽ രേഖകൾ നഷ്ടപ്പെട്ടവർക്കായി പ്രത്യേക വീണ്ടെടുക്കൽ ക്യാമ്പുകൾക്കും തുടക്കമായി. എൻഡിആർഎഫ്, വനംവകുപ്പ്, പോലീസ്, തണ്ടർബോൾട്ട്, ഫയർഫോഴ്‌സ് തുടങ്ങിയവരുടെ നേതൃത്വത്തിലാണ് തിരച്ചിൽ പ്രവർത്തനങ്ങൾ നടക്കുന്നത്. മുണ്ടേരി ഫാമിൽ നിന്നും പരപ്പാൻപാറ വരെയുള്ള അഞ്ചുകിലോമീറ്റർ മേഖലയിലും ചാലിയാറിലുമാണ് തിരച്ചിൽ പ്രവർത്തനങ്ങൾ കേന്ദ്രീകരിച്ചിരിക്കുന്നത്.
ദുരന്തബാധിതർക്കായി 253 വാടകവീടുകൾ കണ്ടെത്തിയിട്ടുണ്ട്. ക്യാമ്പുകളിലും ആശുപത്രികളിലുമുള്ളവരുടെ അഭിപ്രായങ്ങൾ പരിഗണിച്ചായിരിക്കും താൽക്കാലിക പുനരധിവാസം. ദുരന്തത്തിൽ മരിച്ചവരുടെയും ഈടുവച്ച വസ്തുവകകൾ നഷ്ടമായവരുടെയും വായ്പകൾ കേരള ബാങ്ക് എഴുതിത്തള്ളും.
Story Highlights: Two body parts found from Chaliyar river as search continues for missing persons in Wayanad landslide.
Image Credit: twentyfournews
