ചെന്നൈ : കാമുകി ജന്മം നൽകിയ കുഞ്ഞ് തന്റേതല്ലെന്ന് വാദിച്ചിരുന്ന പത്തൊൻപതുകാരൻ ആത്മഹത്യ ചെയ്തു.
നാട്ടുകൂട്ടം വിവാഹമുറപ്പിച്ചതോടെയാണ് പുതുക്കോട്ട ജില്ലയിലെ വിരാളിമലയ്ക്കടുത്ത് കീഴ്പൊരുവായ് ഗ്രാമത്തിൽ താമസിക്കുന്ന എം. രാമരാജ് (19) ജീവനൊടുക്കിയത്.
തന്റെ ഗ്രാമത്തിലെ സമപ്രായക്കാരിയായ പെൺകുട്ടിയുമായി രാമരാജ് പ്രണയത്തിലായിരുന്നു.
എന്നാൽ ഇതിനിടെ ഗർഭിണിയായ യുവതി കഴിഞ്ഞയാഴ്ച കുഞ്ഞിന് ജന്മം നൽകുകയുണ്ടായി.
തുടന്ന് വീട്ടുകാർ ഇടപെടുകയും നാട്ടുകൂട്ടത്തിന്റെ നിർദേശപ്രകാരം ഇരുവരുടെയും വിവാഹം ഉറപ്പിക്കുകയും ചെയ്തുഎന്നാൽ, കാമുകിക്ക് ജനിച്ച കുഞ്ഞ് തന്റേതല്ലെന്നും ഗർഭത്തിൽ തനിക്ക് ബന്ധമില്ലെന്നുമായിരുന്നു രാമരാജ് അവകാശപ്പെട്ടിരുന്നത്.
തുടർന്ന് യുവാവ് വിവാഹത്തിനു വിസമ്മതിക്കുകയും ചെയ്തു.
എന്നാൽ,വിവാഹത്തിനുള്ള തയ്യാറെടുപ്പുകളുമായി ഇരുവീട്ടുകാരും മുന്നോട്ടുപോകുകയായിരുന്നു.
ഈ സാഹചര്യത്തിൽ കഴിഞ്ഞദിവസം രാമരാജ് വീട്ടിൽ തൂങ്ങിമരിക്കുകയായിരുന്നു.
സംഭവത്തിൽ പോലീസ് അന്വേഷണം ആരംഭിച്ചതായി അറിയിച്ചു.
Story highlight : 19 year old boy was found dead in Pudukottai.
