Kerala News
മുനമ്പം ഭൂസമരസമിതി പിളർന്നു; ഒരു വിഭാഗം സമരപ്പന്തൽ വിട്ടിറങ്ങി
മുനമ്പം ഭൂസമരസമിതിയിൽ ഭിന്നത രൂക്ഷമായതിനെ തുടർന്ന് സമിതി പിളർന്നു. സമരം അവസാനിപ്പിക്കാനുള്ള നീക്കത്തിൽ പ്രതിഷേധിച്ച് ഒരു വിഭാഗം സമരപ്പന്തൽ വിട്ടിറങ്ങി റോഡരികിൽ പുതിയ സമരപ്പന്തൽ കെട്ടി. റവന്യു അവകാശങ്ങൾ പൂർണ്ണമായി ലഭിക്കുന്നതുവരെ സമരം തുടരുമെന്ന് പ്രതിഷേധക്കാർ അറിയിച്ചു.
പെരിങ്ങമല ലേബർ കോൺട്രാക്ട് സൊസൈറ്റി ക്രമക്കേട്; എസ് സുരേഷിന്റെ വാദം പൊളിയുന്നു
പെരിങ്ങമല ലേബർ കോൺട്രാക്ട് സൊസൈറ്റി ക്രമക്കേടിൽ ബിജെപി സംസ്ഥാന ജനറൽ സെക്രട്ടറി എസ്. സുരേഷിന്റെ വാദം പൊളിയുന്നു. സുരേഷിന് ബാങ്കിൽ വായ്പാ കുടിശ്ശികയില്ലെന്ന വാദം തെറ്റെന്ന് തെളിയിക്കുന്ന രേഖകൾ പുറത്ത്. വായ്പാ അപേക്ഷ നൽകാതെ എസ് സുരേഷ് പണം കൈപ്പറ്റിയെന്നാണ് രേഖകൾ വ്യക്തമാക്കുന്നത്.
സിഐ ബിനു തോമസ് ആത്മഹത്യ: DySP ഉമേഷിനെതിരെ കോഴിക്കോട് ഡിസിസി പരാതി നൽകി
ചെർപ്പുളശ്ശേരി സിഐ ബിനു തോമസിന്റെ ആത്മഹത്യയിൽ DySP ഉമേഷിനെതിരെ കോഴിക്കോട് ഡിസിസി ഡിഐജിക്ക് പരാതി നൽകി. ഉമേഷിനെ സർവീസിൽ നിന്ന് നീക്കണമെന്നും ആത്മഹത്യാക്കുറിപ്പിലെ പരാമർശങ്ങളിൽ അന്വേഷണം വേണമെന്നും ആവശ്യമുണ്ട്. അനാശാസ്യത്തിന് അറസ്റ്റിലായ സ്ത്രീയെ DySP പീഡിപ്പിച്ചെന്ന സിഐയുടെ ആത്മഹത്യാക്കുറിപ്പ് ശരിവെക്കുന്നതാണ് യുവതിയുടെ മൊഴി.
ശബരിമല സ്വർണ്ണക്കൊള്ള: ദേവസ്വം ബോർഡിനെ പഴിച്ച് തന്ത്രി കണ്ഠരര് മഹേഷ് മോഹനരുടെ മൊഴി
ശബരിമല സ്വർണ്ണക്കൊള്ളക്കേസിൽ തന്ത്രി കണ്ഠരര് മഹേഷ് മോഹനർ നിർണ്ണായക മൊഴി നൽകി. സ്വർണ്ണപ്പാളി അറ്റകുറ്റപ്പണിക്ക് അനുമതി നൽകിയത് ദേവസ്വം ബോർഡിന്റെ നിർദ്ദേശത്തെ തുടർന്നാണെന്ന് അദ്ദേഹം പറഞ്ഞു. ദേവസ്വം ബോർഡ് മുൻ പ്രസിഡന്റ് എ. പത്മകുമാർ ജാമ്യാപേക്ഷയുമായി കോടതിയെ സമീപിച്ചിട്ടുണ്ട്.
മുനമ്പത്തെ ജനങ്ങൾ അനാഥരാകില്ല; റവന്യൂ അവകാശങ്ങൾ പുനഃസ്ഥാപിക്കും വരെ സർക്കാർ കൂടെയുണ്ടാകും: മന്ത്രി കെ. രാജൻ
റവന്യൂ അവകാശങ്ങൾ പുനഃസ്ഥാപിക്കുന്നതുവരെ മുനമ്പത്തെ ജനങ്ങളെ സർക്കാർ കൈവിടില്ലെന്ന് മന്ത്രി കെ. രാജൻ. രാഷ്ട്രീയ ലക്ഷ്യത്തോടെയുള്ള സമരങ്ങൾ ഉണ്ടാകരുതെന്നും മന്ത്രി ആവശ്യപ്പെട്ടു. 600 ഓളം വരുന്ന കുടുംബങ്ങൾക്ക് ഒപ്പമാണ് സർക്കാരെന്നും അദ്ദേഹം കൂട്ടിച്ചേർത്തു.
രാഹുൽ മാങ്കൂട്ടത്തിലിനെതിരായ കേസിൽ തെളിവെടുപ്പ് ശക്തമാക്കി പോലീസ്; നിർണ്ണായക കണ്ടെത്തലുകൾ
രാഹുൽ മാങ്കൂട്ടത്തിൽ എംഎൽഎയ്ക്കെതിരായ ലൈംഗിക പീഡനക്കേസിൽ പോലീസ് തെളിവെടുപ്പ് ഊർജ്ജിതമാക്കി. യുവതിക്ക് നൽകിയത് വീര്യം കൂടിയ മരുന്നാണെന്നും, നടന്നത് അശാസ്ത്രീയ ഗർഭച്ഛിദ്രമാണെന്നും പോലീസ് കണ്ടെത്തി. രാഹുലിന്റെ മുൻകൂർ ജാമ്യാപേക്ഷ ബുധനാഴ്ച കോടതി പരിഗണിക്കും.
രാജ്ഭവൻ ഇനി ലോക്ഭവൻ; പേര് മാറ്റി കേന്ദ്ര സർക്കാർ
ഗവർണറുടെ ഔദ്യോഗിക വസതിയായ രാജ്ഭവൻ ഇനി ലോക്ഭവൻ എന്നറിയപ്പെടും. കേന്ദ്ര ആഭ്യന്തര മന്ത്രാലയത്തിന്റെ ഉത്തരവ് പ്രകാരമാണ് പേര് മാറ്റുന്നത്. എല്ലാ രാജ്ഭവനുകളുടെയും പേര് ലോക്ഭവൻ എന്നാക്കണമെന്നായിരുന്നു കേന്ദ്ര ആഭ്യന്തര മന്ത്രാലയത്തിന്റെ നിർദ്ദേശം.
രാഹുൽ മാങ്കൂട്ടത്തിൽ ഒളിവിൽ തുടരുന്നു; തെളിവുകൾ ശേഖരിച്ച് അന്വേഷണ സംഘം
ലൈംഗിക പീഡനക്കേസിൽ പ്രതിയായ രാഹുൽ മാങ്കൂട്ടത്തിൽ എംഎൽഎ ഒളിവിൽ തുടരുന്നു. കേസിൽ അന്വേഷണസംഘം തെളിവുശേഖരണം ആരംഭിച്ചു. യുവതി കൈമാറിയ ഡിജിറ്റൽ തെളിവുകളിൽ ശാസ്ത്രീയ പരിശോധന നടത്തും. രാഹുലിന്റെ മുൻകൂർ ജാമ്യാപേക്ഷ ബുധനാഴ്ച കോടതി പരിഗണിക്കും.
മുനമ്പം ഭൂസമരം ഇന്ന് അവസാനിക്കും
നാനൂറിലേറെ ദിവസം നീണ്ട മുനമ്പം ഭൂസമരം ഇന്ന് അവസാനിക്കും. താൽക്കാലികാടിസ്ഥാനത്തിൽ ഭൂനികുതി സ്വീകരിക്കാൻ ഹൈക്കോടതി ഉത്തരവിട്ടതോടെയാണ് സമരം അവസാനിപ്പിക്കുന്നത്. മന്ത്രിമാരായ പി രാജീവും കെ രാജനും ഇന്ന് സമരപ്പന്തലിൽ എത്തും.
കാനത്തിൽ ജമീലയുടെ ഖബറടക്കം ഡിസംബർ 2-ന്
കൊയിലാണ്ടി എംഎൽഎ കാനത്തിൽ ജമീല അന്തരിച്ചു. അർബുദ ബാധയെ തുടർന്ന് കോഴിക്കോട് മെയ്ത്ര ആശുപത്രിയിൽ ചികിത്സയിലായിരുന്നു. മലബാറിലെ ആദ്യ മുസ്ലിം വനിതാ എംഎൽഎ ആയിരുന്നു ജമീല. ഡിസംബർ 2-ന് അത്തോളി കുനിയിൽ കടവ് ജുമാ മസ്ജിദിലാണ് ഖബറടക്കം.
കൊയിലാണ്ടി എംഎൽഎ കാനത്തിൽ ജമീല അന്തരിച്ചു
കൊയിലാണ്ടി എംഎൽഎ കാനത്തിൽ ജമീല (59) അന്തരിച്ചു. അർബുദ ബാധയെ തുടർന്ന് കോഴിക്കോട് മൈത്ര ആശുപത്രിയിൽ ചികിത്സയിലിരിക്കെയായിരുന്നു അന്ത്യം. 2021-ലെ തിരഞ്ഞെടുപ്പിൽ കോൺഗ്രസിലെ എൻ സുബ്രഹ്മണ്യനെ 8,472 വോട്ടുകൾക്ക് പരാജയപ്പെടുത്തിയാണ് കാനത്തിൽ ജമീല നിയമസഭയിലേക്ക് എത്തിയത്.
കൊല്ലം ചിതറയിൽ സ്ഥാനാർത്ഥിക്ക് വധഭീഷണി; CPM ഭീഷണിപ്പെടുത്തിയെന്ന് പരാതി
കൊല്ലം ചിതറയിൽ തദ്ദേശ തിരഞ്ഞെടുപ്പ് സ്ഥാനാർത്ഥിക്ക് വധഭീഷണിയെന്ന് പരാതി. ചിതറ പഞ്ചായത്തിലെ ഐരക്കുഴി വാർഡിലെ സ്വതന്ത്ര സ്ഥാനാർത്ഥി മാലിനിക്കാണ് ഭീഷണി. സിപിഐഎം ഭീഷണിപ്പെടുത്തിയെന്നാണ് ആരോപണം.