ഉത്തരാഖണ്ഡിലെ ഋഷികേശില്‍ റിവര്‍ റാഫ്റ്റിംഗിനിടെ കാണാതായ മലയാളി യുവാവിനെ കണ്ടെത്താന്‍ തിരച്ചില്‍ വേഗത്തിലാക്കണമെന്ന് ആവശ്യപ്പെട്ട് കൊടിക്കുന്നില്‍ സുരേഷ് എം.പി കേന്ദ്ര-സംസ്ഥാന സര്‍ക്കാരുകള്‍ക്ക് കത്തയച്ചു. എന്‍ഡിആര്‍എഫ് ഉള്‍പ്പെടെയുള്ള ദുരന്തനിവാരണ സേനയുടെ അടിയന്തര ഇടപെടലാണ് ആവശ്യപ്പെട്ടിരിക്കുന്നത്. പ്രതികൂല കാലാവസ്ഥ മൂലം താല്‍ക്കാലികമായി നിര്‍ത്തിവെച്ച തിരച്ചില്‍ നാളെ പുനരാരംഭിക്കുമെന്ന് അധികൃതര്‍ അറിയിച്ചു.
