K Sudhakaran slams Pinarayi Vijayan in Masappady row

മാസപ്പടി വിവാദത്തിൽ മുഖ്യമന്ത്രി പിണറായി വിജയൻ പ്രതിരോധത്തിലാണ്. മാധ്യമങ്ങൾ തന്റെ രക്തത്തിന് മുറവിളി കൂട്ടുകയാണെന്ന മുഖ്യമന്ത്രിയുടെ പ്രസ്താവനയ്ക്ക് പിന്നിൽ മാസപ്പടി കേസിൽ കുടുങ്ങുമെന്ന ഭയമാണെന്ന് കെപിസിസി പ്രസിഡന്റ് കെ. സുധാകരൻ എംപി ആരോപിച്ചു. പത്രസമ്മേളനത്തിൽ മാധ്യമപ്രവർത്തകരുടെ മേൽ കുതിരകയറിയ മുഖ്യമന്ത്രിയുടെ സമനില തെറ്റിയെന്നും സുധാകരൻ കുറ്റപ്പെടുത്തി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

2021ലെ നിയമസഭാ തെരഞ്ഞെടുപ്പിന് തൊട്ടുമുമ്പ് പിണറായി വിജയനെതിരെ കേന്ദ്ര ഏജൻസികൾ രംഗത്തുവന്നിരുന്നു. സ്വർണക്കടത്ത് കേസിൽ മുഖ്യമന്ത്രിയുടെ ഓഫീസ് ഉൾപ്പെട്ടിട്ടുണ്ടെന്ന് പ്രധാനമന്ത്രി പോലും ആരോപിച്ചിരുന്നു. എന്നാൽ, പിന്നീട് ബിജെപി ഈ വിഷയം രാഷ്ട്രീയമായി ഉപയോഗിക്കുന്നതാണ് കണ്ടത്. എല്ലാ കേസുകളും അവസാനിപ്പിച്ചെന്നു മാത്രമല്ല, തെരഞ്ഞെടുപ്പിൽ സിപിഎമ്മും ബിജെപിയും തമ്മിൽ ധാരണയുണ്ടാക്കി പിണറായി വിജയനെ വിജയിപ്പിക്കുകയും ചെയ്തു. ചരിത്രം ആവർത്തിക്കാനാണ് ശ്രമിക്കുന്നതെങ്കിൽ ആ വെള്ളം വാങ്ങിവച്ചാൽ മതിയെന്ന് സുധാകരൻ പരിഹസിച്ചു.

മുഖ്യമന്ത്രിയുടെ മകളുടെ കമ്പനി 2.7 കോടി രൂപ സേവനം നൽകാതെ കൈപ്പറ്റിയെന്ന ഗുരുതരമായ കണ്ടെത്തലാണ് എസ്എഫ്ഐഒ നടത്തിയത്. പണം കൊടുത്തവരെയും പണം നൽകിയവരെയും കേട്ട ശേഷമാണ് എസ്എഫ്ഐഒ റിപ്പോർട്ട് തയ്യാറാക്കിയത്. മകളുടെ ഭാഗം കേട്ടില്ലെന്ന് പറഞ്ഞാണ് ആദ്യം മുഖ്യമന്ത്രി പ്രതിരോധം തീർക്കാൻ ശ്രമിച്ചത്. എന്നാൽ, ഗുരുതരമായ സാമ്പത്തിക ക്രമക്കേട് അന്വേഷിക്കുന്ന ഏജൻസിയാണ് എസ്എഫ്ഐഒ. അവർ കുറ്റപത്രം വരെ നൽകിയ കേസാണിത്.

വീണ വിജയൻ മാസപ്പടി കേസ്: മുഖ്യമന്ത്രി രാജിവയ്ക്കണമെന്ന് കെ. സുധാകരൻ

കള്ളപ്പണത്തിന് ജിഎസ്ടി അടച്ചെന്നു പറഞ്ഞ് തടിതപ്പാൻ ശ്രമിക്കുന്ന മുഖ്യമന്ത്രിയുടെ വാദം പൊള്ളയാണെന്ന് സുധാകരൻ പറഞ്ഞു. ആദായനികുതി വകുപ്പും സമാനമായ കണ്ടെത്തൽ നടത്തിയിട്ടുണ്ട്. രണ്ട് സുപ്രധാന ഏജൻസികളുടെ കണ്ടെത്തലുകളെയാണ് മുഖ്യമന്ത്രി നിഷേധിക്കുന്നത്. ഇതിൽ കള്ളപ്പണത്തിന്റെ അംശം ഉള്ളതിനാൽ കള്ളപ്പണം വെളുപ്പിക്കൽ നിയമപ്രകാരം എൻഫോഴ്സ്മെന്റ് ഡയറക്ടറേറ്റും വിശദീകരണം തേടിയിട്ടുണ്ട്.

എകെജി സെന്ററിന്റെ വിലാസമാണ് എക്സാലോജിക് കമ്പനി ദുരൂഹമായ ഇടപാടുകൾക്ക് ഉപയോഗിച്ചത്. ഇതിനെതിരെ പിണറായിയെ ഭയന്ന് പാർട്ടി നേതാക്കൾ ഒരക്ഷരം ഉരിയാടുന്നില്ലെന്നും സുധാകരൻ ആരോപിച്ചു.

Story Highlights: K Sudhakaran criticizes Pinarayi Vijayan’s handling of the “Masappady” controversy and alleges fear of legal repercussions.

രാഹുലിനെതിരെ ബിജെപി ഭീഷണി: ജനാധിപത്യത്തിനു നേരെയുള്ള കൊലവിളി – കെ. സുധാകരൻ